Génesis 1:1 - Qullan Arunaka DC

¹ Taqi kunan qalltäwipanxa Diosax alaxpacha, akapacha luräna.

Aymar Bibliia 1986

¹ Take cunan kalltäwipanjja Diosajj alajjpacha, uqhamarac acapacha luräna.

Qullan Arunaca

¹ Take cunan kalltäwipanjja Diosajj alajjpacha, uqhamarac acapacha luräna.

Génesis 1:1 Jak'a apnaqawi uñst'ayäwi

2 Reyes 19:15

Tatitut mayisïna akham sasa: “Israelan Tatit Diosapay, juman reyi qunuñamax querubines sat chhiqhaninakxankiwa: juma sapakïtaw aka uraqin utjir marka apnaqäwinakan Diosapaxa; jumarakiw alaxpachsa, akapachsa lurtaxa.

1 Crónicas 16:26

Yaqha markanakan diosanakapax janiw kunäkisa, ukampis Tatitux alaxpach luririwa.

2 Crónicas 2:11

11 (10) Ukatsti Tiro markankir Hiram reyix Salomonarux mä qillqat apayanïna, akham sasa: “Tatituw jumarux markapar munatap layku israelitanakan reyipat utt'aytam” sasa.

Nehemías 9:6

Esdrasasti sarakïnwa: “Jumakïtaw Tatituxa, janiw yaqha Diosax utjkiti. Jumaw alaxpachsa, alaxpachat juk'amp amstankki uksa, taqi warawaranaksa lurtaxa; jumarakiw uraqsa lurtaxa taqi kunatix ukan utjki ukanakamppacha, jach'a qutanaksa, ukhamarak kunatix ukan utjki taqi ukanaksa. Jumaw taqi kunanakarus jakañ churtaxa. Ukatarak alaxpachankir warawaranakas yupaychapxtamxa.

Job 26:13

Samanapampi phust'asakiw alaxpach qinayanaksa chhaqtayi; amparapampiw qatatnaqtir katarirus jiwayaraki.

Job 38:4

Nayax aka uraqi utt'aykäyäta ukapachasti ¿kawkinkarakïyätasti? ¡Jumatix chiqpacha sum yatsta ukapachax sitaya!

Job 9:8

Jupa sapakiw alaxpach janatati, jach'a quta mathapinaksa t'akuyaraki.

Salmos 102:25

25 (26) Uraqirux qalltatpach sum utt'aytaxa; alaxpachasti amparamamp luratawa.

Salmos 104:24

¡Tatay, luräwinakamax waljapuniwa! Yatiñ kankañampiw taqi kuns lurtaxa; ¡uraqix luratanakaman phuqhantatawa!

Salmos 104:30

Jakañ samanam khithankta ukapachasti, machaqat utjayataw uñjasipxi. Ukham lurasaw uraqir machaqaptaytaxa.

Salmos 115:15

¡Alaxpach akapach lurir Tatitux askinakapay jumanakar churpan!

Salmos 121:2

Yanapax Tatit Diosat nayatak jutani, alaxpach akapach lurir Diosata.

Salmos 124:8

Yanapt'ax Tatitut juti, khititix alaxpacha akapach lurki uka Tatituta.

Salmos 134:3

Tatitux Sión qullutpachay jumarux askinak apayanpan, jupaw alaxpacha, akapacha, luririxa.

Salmos 136:5

Yatiñ kankañampi alaxpach luririru, munasiñapax wiñayawa.

Salmos 146:6

Jupaw alaxpacha, akapach luri, lamar qutarusa, taqi ukan utjirinakarusa. Jupax arsutap phuqhapuniwa.

Salmos 33:6

Tatitux arupampiw alaxpach lurt'i; inti, phaxsi, warawara taqi ukanak utjayi.

Salmos 33:9

Jupax arupampikiw taqi kun utt'ayawayi; arsutapampikiw taqi kun sayt'ayawayi.

Salmos 8:3

3 (4) Juman lurat alaxpach uñatatta, juman uchat phaxsimpiru, warawaranakampir uñtkta ukapachax,

Salmos 8:4

4 (5) sistwa: ¿Kunarak jaqisti, jupat amtasiñamatakisti? ¿Kunatarak jupat llakistasti?

Salmos 90:2

Qullunak janïr utjkipana, akapachas janïr utjkipana, wiñayan wiñayapatakiw jumax Diosätaxa.

Salmos 96:5

Yaqha markanakan diosanakapax janiw kunäpkisa, Diosasti alaxpach luririwa.

Éxodo 20:11

Tatitux suxta urun luräna, alaxpacha, akapacha, qutanaka, kunanakatix ukanakan utjki ukanaka; paqallqüri urunsti samaränwa. Ukat Tatitux paqallqür urur aski waxt'äwimp phuqt'äna, qullan urüñapatakiw arsurakïna.

Éxodo 31:18

Tatitux Sinaí qullun Moisesar parlañ tukt'aykän ukapachaw, tunka kamachinakan qillqantat pä qala tablanak jupar churäna, ukanakasti pachpa Diosan ampar luk'anapamp qillqatänwa.

Proverbios 16:4

Tatitux mä amtäwimpiw taqi kuns luri; ñanqha jaqirusa t'aqhisiñ urutakiw irnuqi.

Proverbios 3:19

Tatitux yatiñ kankañampi, ch'ikhi kankañampiw alaxpachsa, akapachsa sayt'ayi.

Eclesiastés 12:1

Waynäkasin irnuqir Diosamat amtasim, jan walt'añ urunak janïr purinkipana, kunapachatix siskäta: “Janiw kuna kusisiñsa sarnaqäwixan jikxatkti” sasa.

Isaías 37:16

“Taqi ch'amani, Israelan Diosapa, juman qunuñamax querubines sat chhiqhaninak patxankiwa, akapachan taqi reyinakxarus juma sapakïtawa, jumaw alaxpachsa akapachsa irnuqtaxa.

Isaías 40:21

¿Janit jumanakasti yatipkäyätasti? ¿Janit ukham siri ist'apxirïktasti? ¿Janit nayratpach ist'apxirïktasti? ¿Janit aka uraqi qalltäwitpach amuyt'apktasti?

Isaías 40:26

Alaxpach uñtapxam: ¿Khitis taqi ukanak luristi? Khititix jupanakar mayat mayat jalanuqki uka, taqinirus sutipatkam jawski uka. Ch'amapax wali jach'awa, janirakiw mä warawaras chhaqhatäkiti.

Isaías 40:28

¿Janit yatipktasti, janit ist'kta? Tatituw, wiñay Diosaxa, aka uraqpacha luririxa, janiw jupax ch'amtaykiti, janirakiw qarjaskisa, yatiñ kankañapasti jan tukuskiriwa.

Isaías 42:5

Dios Tatitu, khititix alaxpachsa lurki, janatatkaraki, uraqsa, ukhamaraki ukan achurinakarus lurki, jakañsa jaqinakarus churki, uka Diosaw luqtiriparux saraki:

Isaías 44:24

Jumar qhispiyir Tatitumaxa, khititix janïra yurktas ukkhatpach irnuqtam ukax siwa: “Taqi kun luriri Tatitux nayätwa, nayaw alaxpachsa janatatta, aka uraqsa sayt'ayarakta jan khitin yanapapampi.

Isaías 45:18

Alaxpach luriri, khititix Diosäki, Tatitükaraki, khititix aka uraqi lurasax sayt'ayki, khititix aka uraqin jan ch'usäñapatak jaqinaksa lurkaraki ukaxa, siwa: “Nayätwa Tatituxa, janiw yaqhax utjkiti.

Isaías 51:13

Janiw armasipxätati, naya, Tatituw juman irnuqirimätxa, khititix alaxpachsa janatatki, uraqsa utt'aykaraki uka Tatituxa. Uñisirimarux jan axsarapxamti, jumar tukjañatak wakichasiskchi ukasa. Nayan ch'amax nayraqatansti, uka phiñasiñapax jan kunatakiw tukusini.

Isaías 51:16

nayaw alaxpach uskta, aka uraqsa sum sayt'ayta. Nayarakiw lakamarus arunakax uchtxa, ch'amaxampiw imsma. Nayaw Jerusalén markarux ‘Jumax markaxätawa’ ” sarakta.

Isaías 65:17

“Uñtapxam, nayax mä machaq alaxpachampi, mä machaq uraqimpi lurä. Kunatix utjkän ukax armatäxaniwa, janiw khitis ukanakat amtaskxaniti.

Jeremías 10:12

Tatitux ch'amapampiw aka uraqi lurt'i, amuyt'apampiw aka uraqsa sayt'ayi, ch'ikhi kankañapampiw alaxpachsa uskuraki.

Jeremías 32:17

‘Tatay, jumaw jach'a ch'amamampi alaxpachsa, akapachsa lurtaxa. Janiw jumatakix kunas jan lurasirjamax utjkiti.

Jeremías 51:15

Tatitux ch'amapampiw aka uraqi luri; yatiñ kankañapampiw aka uraqi sayt'ayi; ch'ikhi kankañapampiw alaxpachsa janatati.

Zacarías 12:1

Tatituw Israel markatak ak yatiyitu: Alaxpach jach'ar tukuyiri, akapach uraqsa utt'ayiri, jaqirus jakañ churiri Tatitux siwa:

Mateo 11:25

Ukapachaw Jesusax sarakïna: “Yupaychsmaw Awkixa, jumaw alaxpacha, akapacha apnaqtaxa, jumaw yatiñ kankañ wali yatiñan jaqinakat imanttaxa; ukatsti juk'a yatiñan jaqinakaruw uñacht'aytaxa.

Marcos 13:19

ukürunakax sinti t'aqhisiñ urunakäniwa, Diosax akapach lurkäna ukkhat jichhürkamax ukham t'aqhisiñax janiw utjkänti, janirakiw uka qhipatsa ukham t'aqhisiñax utjkaniti.

Hechos 14:15

—¡Tatanaka! ¿Kunatsa ukanak lurapxta? Nanakax jumanakjam jaqikïpxaraktwa. Nanakax uka inamay lurañanak apanukupxañamatakiw jumanakar parlir jutapxta, ukanak apanukusin jakkir Diosar arkapxañamataki. Jupaw alaxpacha, akapacha lurir Diosaxa, jach'a qutsa, ukanakan utjirinaksa.

Hechos 17:24

“Jupankiw alaxpachas akapachasa. Juparakiw akapachsa, ukan taqi utjirinaksa luri. Jupax janiw jaqin lurat utanakan jakkiti.

Hechos 4:24

Jupanakar ist'asinsti, taqpachaniw Diosar art'asipxäna akham sasa: “Tatay, jumätaw taqi kunatix utjki ukanak lurir Diosaxa. Jumaw alaxpachsa, akapachsa, jach'a qutsa lurtaxa,

Romanos 11:36

Taqi kunas Diosat juti, jupïpan utji, jupatakirakiwa. ¡Diosax wiñayatak jach'achatäpan! Ukhamäpan.

1 Corintios 8:6

jiwasanakatakix mä sapa Dios Awkikiw utji, uka Dios Awkimpiw taqi kunas qallti, jupatakikiw jiwasanakax jakapxtan. Mä sapa Tatitukiw utjaraki, jupasti Jesucristowa, jupïpan taqi kunas utji, jiwasanakas utjaraktan.

Efesios 3:9

Ukatsti taqi kun lurir Diosax wiñayatpach imxäskatayna uka amtäwipat taqinir yatiyañaxatakiraki.

Hebreos 1:10

Sarakiwa: “Tatay, jumaw uraqirux qalltatpach utt'aytaxa, alaxpachasti juman luratawa.

Hebreos 1:2

Aka qhipa urunakansti Yuqap tuqiw parlarakistu, juparuw taqi luratanakap katuyi, jupa tuqi aka uraq luratap layku.

Hebreos 11:3

Jiwasanakax iyawsäwi laykuw yattan, Diosan arupampik alaxpachampi, akapachampi luratapa, kuntix jichhax uñjktan ukax jan uñjkayat luratänwa.

Hebreos 3:4

Taqi utax maynin luratawa; ukampis kunatix utjki ukanak Diosaw lurawayi.

2 Pedro 3:5

Uka jaqinakax janiw amuyañ munapkiti, Diosax nayra pachatpach alaxpachsa, akapachsa luratapata, arsutapampiki aka uraqiru umanakat jaljtayatapatsa.

1 Juan 1:1

Kunatix qalltatpach utjkäna, kuntix nanakax ist'apkta, kuntix uñjapkarakta ukanakat qillqanipxsma. Nanakaw uñjapxta, amparanakaxampiw llamkt'apxarakta. Ukasti jakañ Aruwa.

Apocalipsis 10:6

ukatsti mä juramento lurarakïna, khititix wiñayatak jakki, khitirakitix alaxpachsa, akapachsa, qutsa, ukan utjir taqi kunsa lurki ukan sutiparu. Sarakïnwa: “Janiw jichhax juk'ampi suyaskxaniti,

Apocalipsis 14:7

Jupax wali jach'a arumpiw art'äna: “Diosar axsartapxam, jupar yupaychapxarakim, taripañap urux purinxiwa. Alaxpacha, akapacha luririr yupaychapxam, qutanak luririru, uma jalsunak luririr yupaychapxam” sasa.

Apocalipsis 21:6

Ukatsti sarakituwa: “Taqi kunas luratäxiwa. Nayätwa qalltasa, tukuyasa. Umat pharjatarusti nayax inakiw jakañ churir jalsu umat churä.

Apocalipsis 22:13

Nayätwa qalltasa tukuyasa, nayrïrisa qhipïrisa.”

Apocalipsis 3:14

“Laodicea iglesiankir angelar qillqasin apayam: ‘Khititix chiqapäki, kunsa chiqapapun arski, khititix Diosan luratanakapat nayrïrïki ukax akham siwa:

Apocalipsis 4:11

“Tatay, nanakan Diosaxay, jach'añchäwimpi, qhapaq kankañampi, munañanïñ kankañampi katuqañatakix askïtawa. Jumaw taqi kunsa ina ch'usat lurtaxa; munañamat taqi kunas utji, juman uskutarakiwa” sasa.