Génesis 1:1 - Qullan Arunaca

¹ Take cunan kalltäwipanjja Diosajj alajjpacha, uqhamarac acapacha luräna.

Aymar Bibliia 1986

¹ Take cunan kalltäwipanjja Diosajj alajjpacha, uqhamarac acapacha luräna.

Qullan Arunaka DC

¹ Taqi kunan qalltäwipanxa Diosax alaxpacha, akapacha luräna.

Génesis 1:1 Jak'a apnaqawi uñst'ayäwi

2 Reyes 19:15

oracionwa luräna, aqham sasa: “Israelan Tatit Diosapa, jumajj querubines sat angelanacjjaru trononïtawa: Juma sapaquïtawa aca orakena take acapachan Diosapajja; jumaraquiw alajjpachsa acapachsa lurtajja.

1 Crónicas 16:26

Yakha marcanacana diosanacapajja janiw cunäquisa, ucampis Tatitojj alajjpachwa luri.

2 Crónicas 2:11

Ucatsti Tironquir Hiram reyisti Salomonarojj mä cartwa apayanïna, aqham sasa: “Tatituw jumarojj reyita utt'aytam israelitanacjjaru, jupajj marcaparu munatap laycu” sasa.

Nehemías 9:6

Ucatjja Esdrasajj saraquïnwa: “Jumaquïtawa Tatitojja, uqhamarac janiw yakha Diosajj utjquiti. Jumaraquiw alajjpachsa lurtajja, uqhamarac alajjpachata juc'amp altoncqui ucsa, ucatsti take warawaranacsa; jumaraquiw oraksa lurtajja take cunatejj ucan utjqui ucanacamppachsa, jach'a kotanacsa, uqhamarac cunatejj ucan utjqui take ucanacsa. Jumaw take cunanacarus jacaña churtajja. Ucataracwa alajjpachanquir angelanacas jumar yupaychapjjtamjja.

Job 26:13

Samanapampi phust'asaquiw kenayanacsa chhaktayi, amparapampiwa jaltiri catarirusa jiwjayaraqui.

Job 38:4

¿Cawquincäyätas jumajja cunapachatejj nayajj aca orake utt'aycäyät ucapachajja? ¡Jumatejj chekpacha suma yatsta ucapachajj uca jisct'aru arusjjatita!

Job 9:8

Jan qhitin yanapapampiquiwa alajjpachsa luri, jach'a kotanquir jach'a ajjsarcañ animalarus tucjaraquiwa.

Salmos 102:25

Orakerojj kalltatpach sum utt'aytajja; alajjpachasti amparamamp luratawa;

Salmos 104:24

¡Tatay, luräwinacamajj waljapuniwa! Yatiñ cancañampiw take cuns lurtajja, orakejj luratanacaman phokhantatawa.

Salmos 104:30

Jacañ samanam qhitancta ucapachasti, machakat utjayataw uñjasipjje. Uqham lurasaw oraker machakaptaytajja.

Salmos 115:15

Alajjpach acapach lurir Tatitojj asquinacapay jumanacar churpan.

Salmos 121:2

Yanapajj Tatitut nayatac jutani, alajjpach acapach lurir Tatituta.

Salmos 124:8

Yanapt'ajj Tatitut juti, jupaw alajjpach acapach lurirejja.

Salmos 134:3

Tatitojj Sión kollutpachay jumarojj asquinac apayanpan: jupaw alajjpach acapach lurirejja.

Salmos 136:5

Yatiñ cancañamp alajjpach luririru: qhuyapayasiñapajj wiñayawa.

Salmos 146:6

Jupaw alajjpach acapach luri, lamar kotarusa, take ucan utjirinacarusa. Jupajj arsutap phokhapuniwa.

Salmos 33:6

Tatitojj arupampiquiw alajjpach acapach luri; lacapan samanapaquiw take cun utjayi.

Salmos 33:9

Jupajj arupampiquiw take cun utjayi; arsutapampiquiw take cun luraraqui.

Salmos 8:3

Cunapachatejj juman lurat alajjpach uñatatcta, juman uchat phajjsimpiru, warawaranacampir uñtcta ucapachajj sistwa:

Salmos 8:4

“¿Cunarac jakesti, jupat amtasiñamataquisti? ¿cunarac jiwir jakesti ch'am churañamataquisti?”

Salmos 90:2

Kollunac janïr utjquipana, acapachas janïr utjquipana, wiñayatpacha, wiñayataquiw jumajj Diosätajja.

Salmos 96:5

Yakha marcanacan diosanacapajj janiw cunäpquisa, Diosasti alajjpach luririwa;

Éxodo 20:11

Tatitusti sojjta urunwa alajjpacha, aca orake, kotanaca, uqhamarac cunanacatejj ucan utjqui ucanacsa luräna; ucampis pakallko urunjja samaränwa. Uca laycuwa Tatitojj bendice samarañ ururu, uqhamarac arsuraqui uca urojj juparu loktatätapa.

Éxodo 31:18

Tatitojj Sinaí sat kolluna Moisesampi parlañ tuct'ayasinsti pä kalat lurata tablanacwa churäna, uca tablansti Diosan ampar luc'anapampi kellkat tunca camachi arunacapaw kellkatänjja.

Proverbios 16:4

Take cunsa Tatituw luri mä amtäwimpi; uqhamarac ñankha jakerusa t'akhesiña urutaqui.

Proverbios 3:19

Tatitusti yatiñampi, ch'iqhi cancañampiwa sayt'ayi alajjpachsa, acapachsa.

Eclesiastés 12:1

Waynäcasina jumar irnoker Diosamat amtasim, janïra ch'ama tucuña urunacajj, uqhamarac maranacasa purinquipana cunapachatejj siscasma: “Sarnakäwejjanjja janiw cunas cusisiyquituti” sasa.

Isaías 37:16

“Take ch'amani, Israelan Diosapa, juman tronomajj querubines sat angelanac patanquiwa, acapachanjja take reyinacjjarus juma sapaquïtawa, jumaw alajjpachsa acapachsa usctajja.

Isaías 40:21

¿Janit jumanacasti yatipcäyäta? ¿Janit uqham sir ist'apjjerïcta? ¿Janit nayratpach ist'apjjerïctasti? ¿Janit aca orake kalltäwitpach amuyt'apctasti?

Isaías 40:26

Alajjpach uñtapjjam ucatsti uñatatapjjaraquim: ¿Qhitis take ucanac uscojja? Qhititejj jupanacar mayat mayat jalanokqui ucajj sapakat mayniruw sutitcam jawsaraqui. Wali jach'aw ch'amapajja munañanïñapasa, janiraquiw maynis chhakquiti.

Isaías 40:28

¿Janit yatipctasti, janit ist'cta? Tatituw, wiñay Diosajja, aca orakpacha lurirejja, janiw jupajj ch'amtayquiti, janiraquiw karjasquisa, yatiñ cancañapasti jan tucusquiriwa.

Isaías 42:5

Dios Tatitu, qhititejj alajjpachsa lurqui, janatatcaraqui, oraksa lurcaraqui, uqhamaraqui ucan achurinacarusa, jacañsa jakenacarus churcaraqui, sirviriparusti saraqui:

Isaías 44:24

Jumar khespiyir Tatitumajj, acwa arsu, qhititejj jumaru janïra nascta uqhatpach usctam ucajja: “Nayätwa take cun luriri Tatitojja, nayaw alajjpacha janatatta aca oraksa sayt'ayaracta jan qhitin yanapapampi.

Isaías 45:18

Alajjpach lurirejja, qhititejj Diosäqui, Tatitücaraqui ucawa, qhititejj aca orake lurqui sayt'aycaraqui, qhititejj uchqui jan ch'usäñapataqui, jan ucasti jakenïñapataqui lurqui ucajj, siwa: “Nayätwa, Tatitojja, janiraquiw yakhajj utjquiti.

Isaías 51:13

¿Qhititejj alajjpachsa, acapachsa lurqui uca Tatitu Diosamatjja armasïtati, qhititejj alajjpacha janatati, oraksa utt'ayaraqui ucatjja? ¿Qhitinacatejj jumar tucjañataquejj jac'ancqui, wali colerata uñch'uquisctam ucanacataquejj qhathatiscaquïtati? Ucampis ¿cawquinquis colerasiñapajja?

Isaías 51:16

nayaw alajjpach uscta, aca oraksa sum sayt'ayaractjja. Nayaraquiw lacamarus arunacajj uchtjja, amparajjampiraquiw arjjatsma. Nayaw Sión marcarojj ‘Jumajj marcajjätawa’ ” saractjja.

Isaías 65:17

“Uñtapjjam, nayajj mä machak alajjpachampi mä machak orakempi uscü. Cunatejj utjcän ucajj armatäjjaniwa, janiraquiw qhitis mayampsa jupanacatjja amtascjjaniti.

Jeremías 10:12

Tatitojj ch'amapampiw aca orake luri, amuyt'apampiraquiw aca oraksa sayt'ayi, ch'iqhi cancañapampiw alajjpachsa uscuraqui.

Jeremías 32:17

‘Tata, jumaw jach'a ch'amamampi alajjpachsa, acapachsa lurtajja. Janiw jumataquejj cunas jan lurasirjamajj utjquiti.

Jeremías 51:15

Tatitojj ch'amapampiw aca orake luri, ch'iqhi cancañapampiw aca orakjja sayt'ayaraqui, amuyt'apampiw alajjpachjja jach'aptayaraqui.

Zacarías 12:1

Acajj Tatitut mä yatiyäwiwa Israel marcjjata. Tatitu, alajjpacha jach'aru tucuyiri, acapach oraksa utt'ayaraqui, jakerus jacaña churcaraqui ucajj arsuwa:

Mateo 11:25

Ucapachajj Jesusajj saraquïnwa: “Yupaychsmawa, Awquejja, munañaniraquïtawa alajjpachansa acapachansa. Jumawa yatiñ cancañ imanttajja wali yatiñan jakenacatjja; ucatsti juc'a yatiñan jakenacaruw uñacht'aytajja.

Marcos 13:19

Ucürunacajj sinti t'akhesiñ urunacäniwa. Uqham t'akhesiñanacajj janiw utjcänti Diosajj acapach lurcäna ucqhat jichhürcamajja, janiraquiw cunapachas uqhamanacajj utjcaraquiniti.

Hechos 14:15

—¡Tatanaca! ¿Cunats ucanac lurapjjta? Nanacajj jumanacjam jakequïpjjaractwa. Nanacajj uca inamay lurañanac apanucupjjañamataquiw jumanacar parlir jutapjjta ucanac apanucusina, jacquir Diosar arcapjjañamataqui. Jupaw alajjpacha, acapacha, jach'a kotsa lurir Diosajja, uqhamarac take ucanacan utjirinacsa.

Hechos 17:24

“Jupanquiw alajjpachas acapachasa. Juparaquiw acapachsa uqhamarac take ucan utjirinacsa lurejja. Jupajj janiw jaken lurat templonacan jacquiti.

Hechos 4:24

Jupanacasti uc ist'asinjja, takenis mayaquiw Diosar oracionan mayipjje: “Tata, jumätaw take cunatejj utjqui ucanac lurir Diosajja. Jumaw alajjpachsa, acapachsa, jach'a kotsa lurtajja.

Romanos 11:36

Take cunasa Diosat juti, jupan lurataraquiwa, jupataquiraquiwa. Uqhamajj Diosajj wiñayataqui jach'achatäpan. Uqhamäpan.”

1 Corintios 8:6

Ucampis jiwasataquejj mä sapa Dios Awquiquiw utji. Uca Dios Awquiwa take cunsa lurejja ucataracwa jiwasas utjasctanjja, jupataquiraqui jacasctanjja. Mä sapa Tatituquiraquiw utjejja, ucasti Jesucristowa. Jupïpanracwa take cunas utjejja, uqhamarac jiwasasa.

Efesios 3:9

Nayaruw qhititu, nayra urunacatpacha cunäcäntejj Diosan amtäwipajj uca imantatanac jumanacar yatiyañataqui, uca Diosaw take cunsa luraraqui.

Hebreos 1:10

Saraquiwa: “Jumaw Tata, kalltanjja aca orakjja usctajja, amparamampiraquiw alajjpachanacjj lurtajja.

Hebreos 1:2

Jichhasti aca khepa urunacanjja, Yokap tokew parlaraquistu. Diosaraquiw aca oraksa luri aca Yokap toke, uqhamarac take cuns jupar jaytaraqui.

Hebreos 11:3

Iyawsäwi laycuraquiw yattan Diosajj arupampi acapach luratapa, cuntejj jichhajj uñjtan ucajj jan uñjcayat luratätapa.

Hebreos 3:4

Sapa utaw maynin luratäñapa, ucampis Diosaw luri take cunatejj utjquis ucanacjja.

2 Pedro 3:5

Jupanacajj janiw amuyt'asiñ munapquiti, alajjpachajj nayratpacha utjascatapapuni, uqhamarac aca orakes Dios quipcana umat apsutätapa, umïpanracwa jichhas utjasqui.

1 Juan 1:1

Kellkanipjjsmawa jumanacaru qhititejj utjcapunïna, cunapachatï take cunas kalltascäna ucqhatpacha. Nanacasti jupa pachpatwa ist'apjjta, uqhamarac quicpa nayranacajjampis uñjapjjaracta, uñcatapjjaracta, amparanacajjampis llamct'apjjaracta, ucasti jacañ Aruwa.

Apocalipsis 10:6

Ucatsti mä juramento luraraquïna, qhititejj wiñayataqui jacqui, qhitiraquitï alajjpachsa, acapachsa, kotsa, take cunsa lurqui ucan sutipjjaru: “Janiw jichhajj juc'ampi suyascjjaniti.

Apocalipsis 14:7

Wali jach'ataracwa art'äna: “Ajjsartapjjam Diosaru, yupaychapjjaraquim, horasasti purinjjewa juparaquiw aca orakerojj taripani. Yupaychapjjam qhititejj alajjpachsa, acapachsa, kotsa, uma jalsunacsa lurqui ucaru” sasa.

Apocalipsis 21:6

Ucatsti saraquituwa: “Take cunas luratäjjewa. Nayätwa kalltas tucuyasa, A, Z letranacjama. Umat pharjatarusti nayajj jalsuri jacañ churir umwa inaqui churäjja.

Apocalipsis 22:13

Nayätwa kalltasa tucuyasa, nayrasa khepasa, A, Z letranacjama.”

Apocalipsis 3:14

“Laodicea iglesiancquis uca angelar kellkasin apayam: ‘Aqham siw qhititejj chekapäqui, uqhamarac cunsa chekapapuni arsqui ucajja, uqhamarac qhititejj take cuntejj Diosajj lurqui ucan kalltapäqui ucajja:

Apocalipsis 4:11

“Tata, nanacan Diosajja, jumajj asquïtawa jach'añchäwi, gloria, uqhamarac munañanïña catokañataquejja. Jumaw take cuns ina ch'usat lurtajja, munañamataracwa take cunas jacascaraqui, juman uscutaraquiwa.”