Éxodo 3:12 - Qullan Arunaka DC

¹² Tatitusti sarakïnwa: —Moisés, nayaw jumampiskä, naya pachpa jumar khithatax yatiñamatakisti, akäniw chimpuxa: Israelitanakar Egiptot irpsunxät ukapachasti, jumanakax taqiniw aka qullun nayar yupaychapxitäta —sasa.

Aymar Bibliia 1986

¹² Ucampis Diosajj saraquïnwa: —Saram, nayawa jumampiscäjja, acäniwa mä unanchajja naya pachpa jumaru qhithatajjata; marcajjaru Egiptota apsunisasti jutapjjätawa aca kolluru, ucanwa jumanacajj nayaru yupaychapjjetäta —sasa.

Qullan Arunaca

¹² Ucampis Diosajj saraquïnwa: —Saram, nayawa jumampiscäjja, acäniwa mä unanchajja naya pachpa jumaru qhithatajjata; marcajjaru Egiptota apsunisasti jutapjjätawa aca kolluru, ucanwa jumanacajj nayaru yupaychapjjetäta —sasa.

Éxodo 3:12 Jak'a apnaqawi uñst'ayäwi

Génesis 15:1

Ukanak qhipatsti Tatitux Abram chacharuw mä unañchäwi tuqi uñstäna, ukatsti sarakïnwa: —Abram, jan axsaramti, juman arxatirimax nayätwa, juman katuqäwimax wali jach'apunïniwa —sasa.

Génesis 15:8

Abram chachasti sarakïnwa: —Ukampis Dios Tatitu, ¿kunjämatarak yatiriststi aka uraqi nayan tutit katuqañaxsti? —sasa.

Génesis 26:3

Nayaw jumampïskä, aski waxt'äwinak churarakïma, ukhamarus jumampiru, wawanakamampirux taqi aka uraqinak churapxäma. Ukhamat kuntix Abraham awkimar arskäyäta uka arsutaxar phuqhä.

Génesis 31:3

Ukat Tatitux Jacobur säna: “Awkiman uraqipar kuttxam, kawkhankkitix wila masinakamax ukaru, nayaw jumampïskä” sasa.

2 Reyes 19:29

Isaiasasti Ezequiasarux sänwa: “Jutir urunakan utjkani ukanakxat akäniw mä unañchäwixa: Aka marasa, jutir marasa jumanakax jupa pachpa achuri trigot manq'apxäta, kimsïr maransti yapuchxapxätawa, apthapipxarakïtawa, uva alinak ayrupxäta, achunakapat manq'apxarakïta.

1 Crónicas 9:20

Ukat nayrasti, Finees, Eleazar chachan wawapa, jupaw jupanakan jilïripäna. ¡Tatitux jupampïpan!

Salmos 86:17

Qhanpun munasiñam uñacht'ayita, uñisirinakaxasti uk uñjapxpan, p'inqa tukupxarakpan. ¡Tatay, jumaw yanapista, chuymacharakista!

Éxodo 18:5

Moisesax wasaran utjnuqatayna, Diosan qullup jak'aru, Jetró chachasti uka chiqaruw Moisesan warmipampi, wawanakapamp chik jupar tumpt'ir saräna.

Éxodo 3:1

Moisesax Jetró awkch'ipan ovejanakap awatïna, uka awkch'ipasti Madián chiqan sacerdotënwa. Mä urusti, Moisesax wasaranjam ovejanak anakïna, ukatsti Diosan Horeb sat qullupkamaw purïna.

Éxodo 3:13

Moisesasti ukxarux sarakïnwa: —Nayatix sarasin israelitanakar säxa: “Nayra awkinakaman Diosapaw nayar khithanitu” sasa, ukatsti jupanakax nayar jiskt'apxitani: ¿Kunas sutipaxa? sasa; ukkhasti, ¿kamsarakï jupanakarusti? —sasa.

Éxodo 33:14

Tatitusti ukxaruw säna: —Nayaw jumamp chika saraskä, janiw kunatsa llakiskätati —sasa.

Éxodo 4:12

Ukhamasti saramaya, parlkäta ukkhax nayaw jumampiskä, nayarakiw kunanaktix arsuñamäki uksa yatichäma —sasa.

Éxodo 4:15

Jumasti Aaronar kunanaktix nayax sisksma ukanak yatiyäta, jupan juma lanti markar sañapataki. Nayasti parlapkäta ukkhax jumanakampïskäwa, nayarakiw yatichasipkäma kunanakatix lurapxañamäki ukanaksa.

Éxodo 8:27

27 (23) Nanakax wasarar sarapxañaxawa, kimsür sararu, ukan nanakan Tatit Diosaxarux wilañcha luqtanipxä, kunjämtix jupax nanakar sapkitu ukhamarjama.

Isaías 37:30

Ukapachaw Isaías profetax Ezequías reyir saraki: “Kunäkanitix ukat akäniw mä chimpuxa: Jichha maraxa, jutir maransa jumanakax jupapacha achuri trigo manq'apxäta, ukampis kimsïri maranxa yapuchasxapxätawa, uvanaksa ayrusxapxätawa, uka achunakat manq'asipxarakïta.

Isaías 41:10

Jan axsaramti, nayaw jumampïskta, jan axsaramti, juman Diosamax nayäsktwa. Nayaw ch'amañchaskäma, nayarakiw yanapaskäma, atipjiri amparaxampiw uywaskäma.

Isaías 43:2

Taqi jan walt'añanakamanxa, nayaw jumampiskä; jawiranaksa makhatawayaskätawa, janiw umampi axskatas jiwkätati; ninanjam sarakipañamächixa, janiw nakhantat uñjaskätati,

Isaías 7:14

Tatitu kipkaw jumanakarux mä chimpu churasipkätam: Tawaqux usur jaqiptatawa, mä yuqall wawa wawachasini, Emanuel sasarakiw sutichani, ukasti “Tatitusti jiwasampïskiwa” sañ muni.

Jeremías 1:8

Jan khitirus axsaramti, nayaw jumar imañatak jumamp chikt'atäskä. Naya Tatituw uk arsta” sasa.

Números 16:28

Moisesasti saskakïnwa: —Tatituw taqi akanak lurañaxatak nayar khithanitu, janiw nayax chuymaxatjam kuns lurkti, jichhaw jumanakax uk uñjapxäta.

Números 23:21

Tatitux Israel markan reyipawa. Jupax markap taypin jakaski. Tatitux janiw jupanakan jan walt'añap munkiti, janiw jupanakar ñanqhsa lurañ munkiti.

Mateo 28:20

Taqi kuntix nayax jumanakar yatichapksma ukanak phuqhañ yatichapxam. Nayasti sapürupuniw akapachan tukusiñapkam jumanakampïskä —sasa.

Marcos 16:20

Ukatsti yatiqirinakapax qhispiyasiñ arunak taqi tuqin yatiyapxäna; pachpa Tatituw jupanakarux yanapaskäna, kunayman muspharkañanak lurayasa, ukhamat arunakapan chiqätap uñacht'ayäna.

Hechos 11:21

Tatitun ch'amapax jupanakampïnwa, ukat waljaniw Tatitur iyawsapxäna, taqi jan wali luräwinakap apanukusa.

Hechos 7:7

Ukampis nayaw kawkïr markatix jupanakar t'aqhisiykani uka markarux juchañchaskä, jupanakasti uka markat mistunxapxaniwa, ukatsti aka chiqan nayar yupaychapxitani” sasa.

Romanos 8:31

¿Kunat juk'ampirak sañänisti? ¡Diosatix jiwasanakampïchixa, janiw khitis saykatkistaspati!

Deuteronomio 31:23

Tatitux Nun chachan Josué yuqaparux aka iwxanak churäna: “Josué, ch'amañcht'asim, qamas katxatarakim, jumaw israelitanakar puriyäta, jupanakar churañ nayax arskta uka uraqiru, nayarakiw jumampïskä” sasa.

Hebreos 13:5

Jan qullqirux munapxamti; qawqhatix utjapktam ukampix kusisitakïpxam, Diosasti siwa: “Janiw jaytjkämati, janirakiw armkämasa” sasa.

Josué 1:5

Juman jakañamkamax janiw khitis atipjkätamti, nayasti kunjämatix Moisesamp chikäkäyät ukhamarakiw jumampïskä, janipuniw jumarux jaytanukkämati.

Jueces 6:12

Tatitun angelapasti jupar uñstasin säna: —¡Tatitux jumampïskiwa, ch'amani jan axsarir jaqi! —sasa.

Jueces 6:16

Tatitusti sänwa: —Nayaw jumampiskä, madianitanakarux atipjätawa, kunjämtix mä sapa jaqiruki atipjkasma ukhama —sasa.

Jueces 6:17

Ukatsti Gedeonax sänwa: —Nayatix jumatakjamästa ukaxa, mä uñacht'äwi churita, juman nayar parlaskatam yatiñataki.

Jueces 6:21

angelasti amparapankkän uka thujrumpiw aychampiru, t'ant'anakampirux junt'äna, ukatsti uka jach'a qalat ninaw mistsunïna, ukaw aychsa t'ant'anaksa q'al nakhantäna; ukatsti Tatitun angelapax Gedeón chachan nayraqatapat ukspachaw chhaqtawayxäna.

Jueces 7:11

ukat kuntix parlasipkani uk ist'äta. Ukatsti jan axsarasaw jupanakampi nuwasïta” sasa. Gedeonasti Purá uywatapampiw uñisirinakapan campamentopkama saraqäna.

1 Samuel 14:10

Ukampisa jupanakatix: “Makhatanipxam” sistanixa, ukkhakiw makhatañäni, ukasti jiwasatakix mä chimpüniwa Tatitun jiwasar atipjäwi churañapataki —sasa.