Éxodo 3:13 - Qullan Arunaka DC

¹³ Moisesasti ukxarux sarakïnwa: —Nayatix sarasin israelitanakar säxa: “Nayra awkinakaman Diosapaw nayar khithanitu” sasa, ukatsti jupanakax nayar jiskt'apxitani: ¿Kunas sutipaxa? sasa; ukkhasti, ¿kamsarakï jupanakarusti? —sasa.

Aymar Bibliia 1986

¹³ Moisesasti Diosarojj saraquïnwa: —Nayatejj sarasina israelitanacarojj säjja: “Nayra awquinacaman Diosapaw nayarojj qhithanitu” sasa. Ucatsti jupanacajj nayaru jisct'apjjetaspa: “¿Cunas sutipajja?” sasa; ucqhasti nayajj, ¿cun säsa jupanacarojja? —sasa.

Qullan Arunaca

¹³ Moisesasti Diosarojj saraquïnwa: —Nayatejj sarasina israelitanacarojj säjja: ‘Nayra awquinacaman Diosapaw nayarojj qhithanitu’ sasa. Ucatsti jupanacajj nayaru jisct'apjjetaspa: ‘¿Cunas sutipajja?’ sasa; ucqhasti nayajj, ¿cun säsa jupanacarojja? —sasa.

Éxodo 3:13 Jak'a apnaqawi uñst'ayäwi

Génesis 32:29

29 (30) Jacobusti jiskt'arakïnwa: —Jichhax jumarak sita, ¿kunas sutimaxa? —sasa. Ukampis uka jaqix sänwa: —¿Kunatakis sutix yatiñ muntasti? —sasa. Ukatsti uka jaqix ukawjanpach Jacoburux aski waxt'äwip churäna.

Éxodo 15:3

Tatitux ch'aman nuwasiriwa. Sutipax Tatituwa.

Éxodo 3:12

Tatitusti sarakïnwa: —Moisés, nayaw jumampiskä, naya pachpa jumar khithatax yatiñamatakisti, akäniw chimpuxa: Israelitanakar Egiptot irpsunxät ukapachasti, jumanakax taqiniw aka qullun nayar yupaychapxitäta —sasa.

Éxodo 3:14

Diosasti sarakïnwa: —NAYÄTWA KHITÏKTIX UKAXA. Israelitanakarusti sätawa: “NAYÄTWA sataw jumanakan ukar khithanitu” sasa.

Éxodo 3:15

Diosasti Moisesar saskakïnwa: —Israelitanakarux sarakim: “Abraham, Isaac, Jacob uka nayra awkinakaman Tatit Diosapaw nayar jumanakan ukar khithanitu.” Jupax siwa: Akaw nayan wiñayatak amtasiñ sutixaxa, ukaw wiñayan wiñayapatak sutixaxa.

Éxodo 7:16

Ukansti akham jupar säta: “Hebreonakan Tatit Diosapaw nayar khithanitu jumar akham yatiyiri: ‘Markaxan sarxañapatak antutxam, jupanakan nayar wasaran yupaychapxañapataki.’ Ukampis jumax janiw jichhakam ist'asiñ munktati.

Proverbios 30:4

¿Khitirak alaxpachar makhatasin saraqanisti? ¿Khitirak thayar amparapar q'apxäsispasti? ¿Khitirak lamar qutar isipampi llawuntaspasti? ¿Khitirak uraqin qurpanakap utt'ayisti? ¿Jumax sutip yattati, wawapan sutipsa yatiraktati?

Isaías 52:6

Ukampis mä urux purininiwa, kunapachatix markaxax yatkani, khititix parlkta ukax Tatitütaxa.”

Isaías 7:14

Tatitu kipkaw jumanakarux mä chimpu churasipkätam: Tawaqux usur jaqiptatawa, mä yuqall wawa wawachasini, Emanuel sasarakiw sutichani, ukasti “Tatitusti jiwasampïskiwa” sañ muni.

Isaías 9:6

6 (5) Mä wawawa jiwasatak yuri, Tatituw mä yuqall wawa churistu, uka wawawa jichhax ch'amampi apnaqani. Akham sasaw sutichapxani: Amtäwinakapanxa Muspharkaña, jan atipjkay Tatitu, wiñay Awki, sumankañan Jilïripa, sasa.

Jeremías 23:6

Uka reyin apnaqäwipansti, Judá uraqix qhispiyatäniwa, Israel markas taqi jan walit jark'aqataw jakasini. Aka sutimpiw sutichapxani: ‘Tatituw jiwasan atipjirisaxa’ ” sasa.

Mateo 1:21

Mariax mä yuqall wawa wawachasini, juparusti JESÚS sasaw sutichäta, juparakiw markaparux juchapat qhispiyani” sasa.

Mateo 1:23

“Chacha jan uñt'ir mä tawaquw usur jaqiptani, jupasti mä yuqall wawa wawachasini, juparusti Emanuel sutimpiw sutichani.” (ukasti: “Diosax jiwasampiwa” sañ muni).

Hechos 3:13

Abraham, Isaac, Jacob nayra awkinakasan Diosapaw Jesús Yuqapar jach'ar apti. Uka Jesusarux jumanakaw jilïrinakar katuyapxtaxa, Pilato nayraqatan jupar jan uñt'ir tukupxaraktaxa, jupax antutañ amtaskatayna ukapacha.

Jueces 13:17

Ukatsti Manoa chachax angelarux sarakïnwa: —Sutimaksay yatiyapxita, arsutam phuqhaskani ukapacha jumar yuspagarañataki —sasa.

Jueces 13:6

Warmisti sarasin chachapar uk yatiyäna, juparusti sänwa: “Tatitunkir mä jaqiw nayan ukar jutatayna, jupax Tatitun angelapjamänwa. Janiw nayax jupan khitïtapsa jiskt'kti, janirakiw jupas sutip arskarakituti.