Éxodo 3:12 - Qullan Arunaca

¹² Ucampis Diosajj saraquïnwa: —Saram, nayawa jumampiscäjja, acäniwa mä unanchajja naya pachpa jumaru qhithatajjata; marcajjaru Egiptota apsunisasti jutapjjätawa aca kolluru, ucanwa jumanacajj nayaru yupaychapjjetäta —sasa.

Aymar Bibliia 1986

¹² Ucampis Diosajj saraquïnwa: —Saram, nayawa jumampiscäjja, acäniwa mä unanchajja naya pachpa jumaru qhithatajjata; marcajjaru Egiptota apsunisasti jutapjjätawa aca kolluru, ucanwa jumanacajj nayaru yupaychapjjetäta —sasa.

Qullan Arunaka DC

¹² Tatitusti sarakïnwa: —Moisés, nayaw jumampiskä, naya pachpa jumar khithatax yatiñamatakisti, akäniw chimpuxa: Israelitanakar Egiptot irpsunxät ukapachasti, jumanakax taqiniw aka qullun nayar yupaychapxitäta —sasa.

Éxodo 3:12 Jak'a apnaqawi uñst'ayäwi

Génesis 15:1

Ucanac khepatsti Tatitu Diosajj Abramarojj mä visionan uñstäna ucatsti saraquïnwa: —Jan ajjsaramti, Abram, nayätwa jumar arjjatirimajja, jumar churañasti wali jach'apunïniwa —sasa.

Génesis 15:8

—Ucampis Dios Tatitu, ¿cunjämatsa yatiristjja nayan aca orake herenciat catokañajj-jja? —sasaw Abramajj saraquïna.

Génesis 26:3

jichhasti aca marcan jacascaquim. Nayaw jumampïscä, bendiciraquïmawa, uqhamarus jumaru, wawanacamampiruw take aca orakenac churä. Uqhamwa cuntejj Abraham awquimar arscayät uca arsutajjarojj phokhäjja.

Génesis 31:3

Ucatsti Tatitojj Jacoborojj sänwa: “Awquiman orakepar cuttjjam, cawqhancquitejj familiamajj ucqharu, nayaw jumampïscaraquï” sasa.

2 Reyes 19:29

Isaiasasti Ezequiasarojj sänwa: “Acäniwa mä chimpojja jutir urunacana cunatejj pascani ucanacjjata: Aca marasa jutiri marasa jumanacajj mank'apjjätawa jupa pachpa achur trigota, ucampis quimsïr marajja yapuchapjjätawa, apthapipjjaraquïtawa, uva alinacsa ayrupjjätawa, uqhamarac achunacapsa mank'apjjaraquïta.

1 Crónicas 9:20

Ucat nayrasti Eleazar chachan Finees wawapaw jupanacan jilïripänjja. ¡Tatitojj jupampïpan!

Salmos 86:17

Khanpun munasiñam uñacht'ayita, uñisirinacajjasti uc uñjapjjpan, p'enk tucupjjaracpan, ¡Tatay, jumaw yanapista, chuymacharaquista!

Éxodo 18:5

Moisesasti wasaranjja campamentopjja Diosan kollupa jac'aruw lurasïna. Ucatsti Jetro awcch'ipajj ucaruw jutäna Moisesan warmipampi, uqhamarac wawanacapampi.

Éxodo 3:1

Moisesasti Jetro sat awcch'ipan ovejanacapwa awatïna, uca awcch'ipasti Madián sat chekanjja sacerdotënwa. Ucampis mä urojja ovejanacwa wali jayaru wasaranjama anaquïna, Horeb sat Diosan kolluparu puriñcama.

Éxodo 3:13

Moisesasti Diosarojj saraquïnwa: —Nayatejj sarasina israelitanacarojj säjja: ‘Nayra awquinacaman Diosapaw nayarojj qhithanitu’ sasa. Ucatsti jupanacajj nayaru jisct'apjjetaspa: ‘¿Cunas sutipajja?’ sasa; ucqhasti nayajj, ¿cun säsa jupanacarojja? —sasa.

Éxodo 33:14

Ucatsti Tatitojj sänwa: —Nayawa jumampi chica sarascäjja, uqhamarac samarañsa churaraquïmawa —sasa.

Éxodo 4:12

Uqhamasti saram, nayawa jumampïscäjja cunapachatejj parlcäta ucqhajja, uqhamarac nayaraquiw yaticharaquïma cunanactejj arsuñamäqui ucsa.

Éxodo 4:15

Jumasti jilamaruwa yatiyäta cunanactejj parlañamäqui uca arunaca. Nayasti jumanacampïscäwa cunapachatejj parlapcäta ucqhajja, uqhamarac nayaraquiw yatichasipcäma cunanacatejj lurapjjañanacamäqui ucanacsa.

Éxodo 8:27

Nanacasti wasararuwa quimsür sararu sarapjjäjja, ucanwa nanacan Tatitu Diosajjarojj sacrificio loktanipjjäjja, cunjämtejj jupajj nanacar sapquitu uqhamarjama.

Isaías 37:30

Ucapachaw Isaiasajj Ezequiasaru saraqui: “Cunatejj pascani ucatjja acäniw mä chimpojja: Jichha marajja uqhamaraqui maransa jumanacajj mank'apjjätawa jupa pacha achuri trigo, ucampisa quimsïri maransti yapuchasinjja, apthapipjjaraquïtawa uvanacsa, uqhamaraqui achunacapsa.

Isaías 41:10

Jan ajjsaramti, nayaw jumampïscta, jan ajjsaramti, nayäsctwa juman Diosamajja. Nayaw ch'amañchascäma, nayaraquiw yanapascäma, atipjiri amparajjampiraquiw uywascäma.

Isaías 43:2

Umanjam maqhatañamächejja, nayaw jumampïscäjja, jawiranac maqhatañamächejja, janiw jalantasin jiwcätati; ninanjam pasañamächejja, janiw naqhantcätati, ninas janiw jumanjja naccaniti.

Isaías 7:14

Tatitu quipcaw jumanacarojj mä chimpu churasipcätam: Uñtapjjam, mä tawakow usur jakeptata, mä yokall wawa wawachasiraquini, Emanuel sasaraquiw sutichani.

Jeremías 1:8

Jan qhitirus ajjsaramti, nayaw jumampi chict'atäscä jumar imañataqui. Naya Tatituw ucjja arsta” sasa.

Números 16:28

Moisesasti parlascaquïnwa aqham sasa: —Acampiw yant'apjjäma: Tatituw nayar qhitanitu take acanac lurañataqui, janiw nayan munañajjaru lurcti.

Números 23:21

Janiw qhitis uñjquiti cuna jan walinacsa, ñankhanacsa Jacobon Israel marcapanjja. Dios Tatituw jupanacampi chicäsqui. Jupanacasti reyirjamaraquiw unt'asipjje.

Mateo 28:20

Yatichapjjaraquim take cuntejj nayajj jumanacar yatichapcsma ucanaca phokhaña. Amtasipjjapunim, nayajj sapürupuniw jumanacampïscta acapachan tucusiñapcama.”

Marcos 16:20

Ucatsti discipulonacapajj khespiyasiñ arunac take token yatiyapjjäna. Pachpa Tatituraquiw jupanacarojj yanapascäna, cunayman muspharcañanac lurayasa, arunacapan chekätap uñacht'ayañataqui.]

Hechos 11:21

Tatitun ch'amapasti jupanacampïnwa. Ucatwa walja jakenacajj Tatitur iyawsapjjäna, take jan wali luräwinacap apanucusa.

Hechos 7:7

Ucampisa Diosajj saraquïnwa: ‘Nayaw cawquïr marcatejj jupanacaru t'akhesiyapcän ucarojj juchañchascäjja. Israel jakenacasti uca marcatjja mistunjjapjjaniwa. Ucatsti nayaruw aca chekana sirvipjjetani.’

Romanos 8:31

¿Cun sañänisa take acanacarojja? Diosatejj jiwasampïchejja, ¿qhitirac jiwas conträspasti?

Deuteronomio 31:23

Josué sat Nun chachan yokaparojja Tatitojj aca ewjjanacwa churaraqui: “Ch'amañcht'asim, sayt'asiraquim, jumaw israelitanacar puriyäta, cawquïri oraktï arojjampi arsusin churä siscta ucaru, nayaraquiw jumampïscä” sasa.

Hebreos 13:5

Janirac kollkerus munapjjamti; cunatejj utjapjjtam ucampejj cusisitaquïpjjam, Diosajj siwa: “Janiw cunapachas jaytcämati ni armt'ascämasa” sasa.

Josué 1:5

Take jacañamansti janiw qhitis atipañ puedcätamti. Nayaw jumampïscä cunjämatejj Moisesampïcäyätjja uqhama; janipuniw jaytcämati ni apanuccaraquïmasa.

Jueces 6:12

Diosan angelapajj uñstasinjj sänwa: —¡Diosajj jumampïsquiwa, ch'amani, jan ajjsarir jake! —sasa.

Jueces 6:16

Diosasti sascaquïnwa: —Lurätawa, nayawa jumampiscäjja jumasti atipjätawa madianitanacarojja cunjämtejj qhitisa mä sapa jakeru atipjqui uqhama —sasa.

Jueces 6:17

Gedeonasti wastatampi sascaquïnwa: —Nayatejj juman qhuyapt'ayasiñama jicjjatsta ucajja, mä uñacht'äwi churita chekpachana jumajj nayampi parlatama yatiñajjataqui.

Jueces 6:21

Ucat angelajja aychanacampiru, t'ant'anacampirojj amparapancqui uca thujrumpiw ayjjatäna, ucatsti uca kala janqharatjja ninaw mistsunïna aychanacsa, t'ant'anacsa take naqhantäna. Uccañcamasti Diosan angelapajj Gedeón jac'atjja chhactawayjjänwa.

Jueces 7:11

Ucatsti ist'ätawa cuntejj parlasipcani uca. Ucatjja uqham ist'asinwa wali ch'amañcht'asïta jupanacampi nuwasiñataqui” sasa. Ucampis Gedeonajj saränwa Fura sat uywatapampi uñisirinacapajj cawqha campamentoncapcäntejj ucqhacama.

1 Samuel 14:10

Ucampisa jupanacatejj: ‘Maqhatanipjjam’ sistani ucapachasti, maqhatañäniwa, ucasti jiwasataquejj mä unanchäniwa, Tatitun jiwasaru atipjäwi jupanacjjaru churañapataqui.