Éxodo 23:9 - Qullan Arunaka DC

⁹ “Yaqha markankir jaqir janiw t'aqhisiyätati, jumanakasti Egipton yaqha markankir jaqinakäpxäyätawa, kunjämäkitix yaqha markan jakañax uk jumanakax yatxapxtawa.

Aymar Bibliia 1986

⁹ “Janiraquiw jaya marcanquirirojj t'akhesiyätati, jumanacasti Egiptonjja jaya marcanquir jakenacäpjjaraquiyätawa uca laycusti yatipjjtawa yakha marcanjja cunjämatejj jacañäqui ucjja.

Qullan Arunaca

⁹ “Janiraquiw jaya marcanquirirojj t'akhesiyätati, jumanacasti Egiptonjja jaya marcanquir jakenacäpjjaraquiyätawa uca laycusti yatipjjtawa yakha marcanjja cunjämatejj jacañäqui ucjja.

Éxodo 23:9 Jak'a apnaqawi uñst'ayäwi

Salmos 94:6

Ijma warminakaruw jiwayapxi, qurpachayasir jaqinakaruw jiwayapxi, wajchanakaruw jiwayapxi,

Éxodo 21:21

Ukampis uywat jaqitix mä urusa, jan ukax pä urusa jakaskanixa, jawq'jir jaqix janiw juchañchatäkxaniti, uywatapätap layku.

Éxodo 22:20

20 (19) “Yaqha diosanakar wilañchanak luqtir jaqix, jiwañapatak juchañchatäniwa.

Éxodo 22:21

21 (20) “Janiw yaqha markat jutir jaqirux t'aqhisiyätati, janirakiw llakisiyätasa, jumanakax Egipto markan yaqha markankir jaqinakäpxarakïyätawa.

Ezequiel 22:29

Qamir jaqinakax nuwasiñaru, lunthatasiñaru katuyatawa; t'aqhin jakirinakarusa, pist'añan sarnaqirinakarus inakiw irnaqayapxi, yaqha markat jutir jaqinakarus taqi kunansa jan wal uñjapxi.

Ezequiel 22:7

Jaqinakamasti janiw awkiparusa, taykaparusa suman uñjapkiti, yaqha markat jutiri jaqinakarus ñanqhachapxiwa, wajchanakarusa, ijma warminakarus inakiw irnaqayapxi.

Levítico 19:33

“Yaqha markat jutir jaqinakaru, khitinakatix jumanak taypin jakki ukanakarusti janipun t'aqhisiyapxamti.

Mateo 18:33

¿Janit jumax irnaqir masimat nayjam khuyapayasiñamax wakiskänxa?’ sasa.

Deuteronomio 10:19

Jumanakasti munasiñ chuymampiy yaqha markat jutir jaqirux khuyapayapxam, jumanakax Egipto markan yaqha markankir jaqjam sarnaqapxatam layku.

Deuteronomio 23:7

7 (8) “Ukampisa janiw jumanakax edomita sat jaqinakarux jisk'achapxañamäkiti, jupanakax jumanakan wila masinakamawa; janirakiw egipcionakar jisk'achapxañamäkiti, jupanakan markapan jumanakax jakapxäyätaxa;

Deuteronomio 27:19

“ ‘Ñanqhachatäpan yaqha markat jutir jaqiru, mä ijmaru, mä wajcharus jan chiqa kankañampi uñjir jaqixa.’ Uka arsutarusti taqpach markaw sani: ‘Ukhamäpan’ sasa.