Éxodo 23:8 - Qullan Arunaka DC

⁸ “Qullqi chilltatax janipuniw katuqasïtati, uka qullqix amuyt'asir jaqinakaruw juykhuptayi; ukatsti jan juchaninakax juchañchataw uñjasipxi.

Aymar Bibliia 1986

⁸ “Janipuniw kollke chilltatajj catokasïtati, uca kollkesti chekapar uñjiri jakerojja janis uñjcaspa uqhamwa tucuyi; ucatsti cunatejj cheka asquïqui ucarojja janiw walt'ayquiti.

Qullan Arunaca

⁸ “Janipuniw kollke chilltatajj catokasïtati, uca kollkesti chekapar uñjiri jakerojja janis uñjcaspa uqhamwa tucuyi; ucatsti cunatejj cheka asquïqui ucarojja janiw walt'ayquiti.

Éxodo 23:8 Jak'a apnaqawi uñst'ayäwi

Salmos 15:5

khititix qullqi mayt'asin jalaqtap jan apski uka, jan juchanir aynacht'ayañatak qullqi jan katuqaski uka. Khititix ukham lurasapun sarnaqki ukaxa, janipuniw aynacht'kaniti.

Salmos 26:10

uka jaqinakan amparanakapax ñanqha lurañanakampi, qullqi chilltayasiñanakampi phuqt'atawa.

Proverbios 15:27

Walja yänak munapayirix pachpa utapankirinakaruw tukji, qullqi chilltañar uñisiristi, jakaniwa.

Proverbios 17:23

Ñanqha lurir jaqix jamasat qullq chilltayasi, chiqapar taripañäki uk maysar q'iwt'añataki.

Proverbios 17:8

Yaqhanakar qullqi chilltas sarnaqir jaqix, taqi kunatakis ch'amanïkaspa ukham amuyasi; amuyatapatxa, kuna lurañanakansa walt'askakiwa.

Proverbios 19:4

Qamir yänakax walja masinak utjayi, jan kunan jaqirusti masinakapax apanukuwa.

Eclesiastés 7:7

Jan wali lurañanakax yatiñan jaqirux janiw walt'aykiti, qullqimpi chilltañax chuymap mayjt'ayi.

Isaías 1:13

¡Nayatakix uka luqtanakamax jan kunatak askiwa! ¡Janiw apanipxañam munkxti! Inciensonaksa janirak q'aphicharapipxistati, uka q'aphinakax nayatakix janiw askïkxiti. Machaq phaxsi, samarañ uru phunchhäwinakamsa, janiw munkti, Jan wali jaqinakan tantachasitapsa janirakiw munkti. Uka luratanakam nayax wal uñista, janipuniw jumanakat kuns yatiñ munkti.

Isaías 1:23

Jilïr apnaqirinakamas nayatak sayt'asirkamakiwa, lunthatanakampis suman jakasipxi. Taqinis qullqi chilltayasirkamakiwa, waxt'äwinak katuqañak munasipki. Wajcharux janiw chiqapar uñjapkiti, ijma warminakarus janirakiw chiqapar uñjapkiti.

Isaías 33:15

Khititix chiqaparu kuns lurki, chiqa parlkaraki, khititix ch'amampi aparas jan qamiriptkiti, waxt'äwinak laykuki jan kuns lurkiti; jaqi jiwayirinakan arunakapsa janirak ist'kiti, nayranakapsa jan ñanqhanak uñjañatak ch'irmthapkaraki,

Isaías 5:22

¡Ay, kunakïkan jumanakatakixa, khitinakatix vino umantasas wali chachak tukupkta, machañatak umañanak wakichañsa sum yatipkta ukanakatakixa!

Isaías 5:23

Jumanakasti juchan jaqirux qullqi laykux jan juchan mistuyapxtaxa, jan juchanïki ukanakarusti juchañchapxaraktawa.

Ezequiel 22:12

Yaqhip jaqinakamasti jaqi masipar jiwayañatakiw qullqi katuqasipxi. Qullqsa wali jila jalaqtampiw mayt'apxi, jaqi masiparuw t'aqhisiyapxi, inakiw irnaqayapxi, nayatsti armasipxituwa. Naya, Tatituw uk arsta.

Amós 5:12

Nayax ñanqha luratanakam yattwa, walja juchanakamsa uñt'araktwa: aski jaqirux qullqi chilltayasisaw t'aqhisiyapxtaxa, taripañ utanakansti wajchanakan aynacht'añap thaqhapxtaxa.

Miqueas 7:3

Ñanqhanak lurañatakisti kust'atapunïpxiwa; marka apnaqirinakan yanapirinakapasti qullqik munasipki, taripirinakasti qullqxa chilltayasipxakiwa, munañaninakasti kuntix munapki ukarak lurapxi, markarux jan walirupuniw irpapxaraki.

Deuteronomio 10:17

Jumanakan Tatit Diosamax diosanakan Diosapawa, tatitunakan Tatitupawa; jach'a ch'amani, axsarkay Diosawa, janiw jaqir yaqha yaqha uñjkiti, janirakiw churäwinakampi alayaskiti.

Deuteronomio 16:19

Chiqa kankañampiw markar taripapxani, apnaqapxarakini, janiw kuna qullqsa chilltayasipkaniti, qullqi chilltayasiñax jach'a amuyt'an jaqinakarux juykhu tukuyi, chiqa kankañampi parlir jaqinakan arunakapsa maysaruw uñtayi.

1 Samuel 12:3

jumanak nayraqatanktwa: Nayatix khitin urqu vacapsa, asnopsa katuntastxa, khitirus t'aqhisiystxa, ñanqhachstxa, jan ukax khitimpis qullqi chilltayastxa ukaxa, Tatitu nayraqatana, kawkïr reyirutix jupax ajlliski uka nayraqatan juchañchapxita, nayasti uka manut phuqxäwa —sasa.

1 Samuel 8:3

Ukampis Samuelun yuqanakapax janiw awkipjam sarnaqapkänti, jan ukasti taqi kun muniriw tukxapxäna, qullqimpiw chilltayasipxäna, janirakiw kuns chiqapar uñjapkänti.