Éxodo 12:2 - Qullan Arunaka DC

² “Aka phaxsix jumanakatak mä suma jach'a phaxsïniwa, mara qallta phaxsïniwa.

Aymar Bibliia 1986

² “Aca phajjsisti jumanacataquejj mä suma jach'a phajjsïniwa, uqhamarac mara kallta phajjsiraquïniwa.

Qullan Arunaca

² “Aca phajjsisti jumanacataquejj mä suma jach'a phajjsïniwa, uqhamarac mara kallta phajjsiraquïniwa.

Éxodo 12:2 Jak'a apnaqawi uñst'ayäwi

Ester (hebreo) 3:7

Mara qallta Nisán sat phaxsina, kunapachatix Asuero reyix tunka payan mara markap apnaqkäna ukkhawa, Amán chachan nayraqatapan suerte jaqupxäna; kuna urusa, kuna phaxsis jupan amtäwipax phuqhasispa uk yatiñataki. Suerte jaqtatasti Adar sata tunka payïri phaxsina, tunka kimsan uru saraqatar phuqhasiñapaw jaqstäna.

Éxodo 12:1

Tatitux Egipto markan Moisesampi, Aaronamp parläna, jupanakarusti sänwa:

Éxodo 12:18

Jumanakax nayrïr phaxsina tunka pusin uru jayp'ut qalltasin jan levaduran t'ant'a manq'apxäta, pä tunka mayan uru jayp'ukama.

Éxodo 12:3

Taqpach israelitanakar sapxam: ‘Aka phaxsit tunka uru saraqatarux sapaqat utankirinakaw sapa utan mä urqu oveja, jan ukax mä cabrito yaqhachapxäta.

Éxodo 13:3

Ukat Moisesax israelitanakar säna: “Aka urut amtasipxapunïtawa, aka urun Tatitux jach'a ch'amapamp Egipto uraqit jumanakar irpsunipxtam, t'aqhisiyat jakapkäyät uka uraqita. Janiw levaduran t'ant'a manq'apxätati.

Éxodo 13:4

Jichhürux Abib phaxsiwa, uka phaxsin mistunipxtaxa,

Éxodo 23:15

Jan levaduran t'ant'a manq'añ uru uruyäta, arsutaxarjamasti paqallq uruw jan levaduran t'ant'a manq'äta. Abib sat phaxsin luräta, uka phaxsin Egiptot mistunitam layku. Ukampis uka uruyäwirux janiw khitis ukhamak jan kun apanis nayar uñstir jutañapäkiti.

Éxodo 34:18

“Jan levaduran t'ant'a manq'añ uru uruyapxäta, nayax sapksma ukhamarjam paqallqu uruw jan levaduran t'ant'a manq'apxäta. Abib sat phaxsina, uka phaxsin Egipto markat mistunipxatam layku.

Éxodo 40:17

Ukhamaw Egipto markat mistunxatata, payïr mara qalltana, qallta phaxsita nayrïr uru saraqatar Tatitumpi Jikisiñ Carpax sayt'ayatäxäna.

Ezequiel 45:18

Tatitux akham siwa: “Nayrïr phaxsina, qallta urusti, jumanakax mä jan kuna kamacht'at urqu vaca wilañchat luqtapxarakïta, ukhamat Tatitun utap q'umachañataki.

Ezequiel 45:21

Nayrïr phaxsita, tunka pusin uru saraqatarusti, jumanakax Pascua uru uruyañ qalltapxäta, paqallqu urunakaw jan levaduran t'ant'a manq'apxarakïta.

Levítico 23:5

“Nayrïr phaxsina tunka pusini uru saraqat jayp'thapirux Tatitut amtasisin Pascua uruyañ qalltapxäta.

Números 28:16

“Sapa mara qallta phaxsina, tunka pusin uru saraqatarusti, Pascua uruyapxäta, Tatitun jach'a kankañapat amtasisa,

Deuteronomio 16:1

Moisesasti markar saskakïnwa: “Abib sat phaxsix purinkani ukkhaxa, jumanakax Pascua uruyapxäta Tatit Diosamar jach'añchasa; uka phaxsin Tatit Diosamax mä aruma Egipto uraqit jumanakar irpsunipxatam layku.