Éxodo 12:2 - Qullan Arunaca

² “Aca phajjsisti jumanacataquejj mä suma jach'a phajjsïniwa, uqhamarac mara kallta phajjsiraquïniwa.

Aymar Bibliia 1986

² “Aca phajjsisti jumanacataquejj mä suma jach'a phajjsïniwa, uqhamarac mara kallta phajjsiraquïniwa.

Qullan Arunaka DC

² “Aka phaxsix jumanakatak mä suma jach'a phaxsïniwa, mara qallta phaxsïniwa.

Éxodo 12:2 Jak'a apnaqawi uñst'ayäwi

Ester (hebreo) 3:7

Mara kallta phajjsina, jan ucajj Nisán sat phajjsina, cunapachatejj rey Asuerojj tunca payan mara marca apnakjjäna ucqhasti suerte wartapjjänjja Amán chachan nayrakatapanjja, cuna urusa, cuna phajjsinsa jupan amtäwipajj phokhasispa uca apañataqui. Ucatsti mistsünwa tunca payan phajjsinjja tunca quimsan uru sarakataru, ucasti Adar sat phajjsina.

Éxodo 12:1

Tatitusti Moisesampir, Aaronampirojj Egipto marcanjja aqham sasaw parläna:

Éxodo 12:18

Jumanacasti nayrïr phajjsinjja jan levaduran t'ant'wa mank'apjjäta, tunca pusin uru jayp'uta kalltasina, pä tunca mayan uru jayp'ucama.

Éxodo 12:3

Ucat take israelitanacarojj sapjjaraquim: “Aca phajjsina tunca uru sarakatarusti sapakat familiawa mä orko oveja, jan ucajj mä cabrito waquichapjjäta, sapa utan maya.

Éxodo 13:3

Ucatsti Moisesajj israelitanacarojj sänwa: “Aca urutjja amtasipjjapunïtawa, aca uruwa Tatitojj ch'amapampi Egiptota apsunipjjtam, cawqhantejj t'akhesipcäyäta ucatjja. Uca laycusti janipuniwa levaduran t'ant'a mank'apjjätati.

Éxodo 13:4

Jumanacajj mistunipcta uca urusti Abib phajjsinquiwa.

Éxodo 23:15

Lurätawa jan levaduran t'ant'a mank'añ fiesta, ucsti lurätawa cunjämtejj nayajj siscsma uqhamarjama. Aca fiesta lurasinsti pakallko uruwa jan levaduran t'ant'jja mank'äta. Uqhamsti lurätawa Abib sat phajjsina, uca phajjsinwa Egiptota mistuntajja. Ucampis aca fiestanjja janiw qhitisa jan cunsa apanisajj uqhamaqui nayar uñstirejj jutañapäquiti.

Éxodo 34:18

“Jumanacasti lurapjjätawa jan levaduran t'ant'a mank'añ fiesta, cunjämtejj sapcsma uqhamarjama, pakallko uruwa jan levaduran t'ant'a mank'apjjäta. Abib sat phajjsina, jumanacajja uca Abib sat phajjsinwa Egiptota mistunipjjtajja.

Éxodo 40:17

Uqhamasti Egiptota mistunjjatatsti, payïr mara kalltasirojj nayrïr uru, kallta phajjsinjja Tatitumpi Jiquisiñ Carpajj tucuyatäjjänwa.

Ezequiel 45:18

Tatitojj aqham siwa: “Kalltïr phajjsina, kallta urusti, jumanacajj mä c'umara jan cuna camacht'ata orko vaca irpanisin sacrificiot loktapjjaraquïta, uqhamat templorojj juchanacat k'omachapjjañamataqui.

Ezequiel 45:21

Kallta phajjsina tunca pusini uru sarakatarusti, jumanacajj Pascua fiesta lurañwa kalltapjjäta, pakallko urunacaw jan levaduran t'ant'a mank'apjjaraquïta.

Levítico 23:5

“Kalltïri phajjsina tunca pusini uru sarakataru, jayp'thapirusti pascua fiesta lurapjjäta Tatitut amtasisa.

Números 28:16

“Sapa mara kallta phajjsina, tunca pusin uru sarakatarusti, Pascua fiesta lurapjjäta, Tatitun jach'a cancañapat amtasisa.

Deuteronomio 16:1

“Cunapachatejj Abib sat phajjsejj purinini ucqhajj, jumanacajj Pascua fiesta lurapjjäta Tatitu Diosamar jach'añchasa; Tatitu Diosamajj uca phajjsinwa mä aruma Egipto marcat irpsuntam uca laycu.