Éxodo 12:3 - Qullan Arunaca

³ Ucat take israelitanacarojj sapjjaraquim: “Aca phajjsina tunca uru sarakatarusti sapakat familiawa mä orko oveja, jan ucajj mä cabrito waquichapjjäta, sapa utan maya.

Aymar Bibliia 1986

³ Ucat take israelitanacarojj sapjjaraquim: “Aca phajjsina tunca uru sarakatarusti sapakat familiawa mä orko oveja, jan ucajj mä cabrito waquichapjjäta, sapa utan maya.

Qullan Arunaka DC

³ Taqpach israelitanakar sapxam: ‘Aka phaxsit tunka uru saraqatarux sapaqat utankirinakaw sapa utan mä urqu oveja, jan ukax mä cabrito yaqhachapxäta.

Éxodo 12:3 Jak'a apnaqawi uñst'ayäwi

Génesis 22:8

Awquipasti saraquïnwa: —Diosaw mä oveja uscuscani sacrificiotaquejj, wawa —sasa. Panpachanisti sarasipcaquiraquïnwa.

Génesis 4:4

Abelasti ovejanacapatjja suma liq'ïquis uca apaniraquïna, ucat qharsusin liq'imppach Diosar loktaraquïna. Diosasti Abelarojj, uqhamarac ofrendaparusa sumwa catokäna;

2 Crónicas 35:7

Ucatjja Josías reyejj jupan uywapatwa churäna, marcancapqui uca take jakenacaru Pascua fiesta lurañataqui: mä maran orko ovejanaca, cabritonaca ucanacajj takpachajja quimsa tunca warankänwa, uqhamarac ucjjarojj churäna quimsa waranka vaca kallunaca.

Éxodo 12:2

“Aca phajjsisti jumanacataquejj mä suma jach'a phajjsïniwa, uqhamarac mara kallta phajjsiraquïniwa.

Éxodo 12:21

Moisesasti, jilïri israelitanac jawsayanisasti sänwa: “Jumanacasti familianacamampejja mä orko oveja jan ucajj mä cabritsa qharsusina pascua fiesta lurapjjam.

Éxodo 12:4

Mä familiantejj juc'aniquïchi, ucata jan take mank'antirjamäcchi ucajja uta jac'apampiw mayachasis mank'añapa, kawkhanïpquitejj, uqhamarjama jalanokasisa, uqhamarac kawkhtejj maynejj mank'antirjamäqui uqhamarjama.

Éxodo 12:6

Acsti aca phajjsi tunca pusin urucamaw imapjjäta, ucatsti uca jayp'ojja take israelitanacaw uca uywa qharinucupjjäta.

Éxodo 14:15

Ucatsti Tatitojj Moisesarojj sänwa: —¿Cunatsa nayaru arnakasinipjjesta? ¡Yatiyam israelitanacaru nayrakatar sarantapjjañapataqui!

Éxodo 20:19

Ucatsti Moisesarojj sapjjänwa: —Jumasti parlapjjeta, nanacasti ist'apjjämawa. Ucampis Diosajj jan parlcpanti nanacampejja, uqhamat jan jiwañanacajjataqui —sasa.

Éxodo 4:30

Aaronajj yatiyänwa Tatitojj cunanactejj Moisesar parlcäna ucanaca, uqhamarac jakenacarojj uñacht'ayaraquïnwa cawquïr muspharcañ unanchanactejj Diosajj “Lurätaw” siscäna ucanaca.

Éxodo 6:6

Jichhasti saram, israelitanacarojj aqham sätawa: ‘Naya Tatituwa khespiyapjjäma t'akhesis sirviñata, uqhamarac egipcionacajj sinti ch'ama irnakañanaca churapctam ucatsa, jach'a ch'amajja uñacht'ayasa, uqhamarac cheka asqui cancañajjampi.

Ezequiel 40:1

Uca phajjsina, tunca uru sarakatarusti, cuna urutejj machak mara urüqui, uca uruw Tatitojj amparapa nayjjaru lokjjatitu, ucatsti mä unañchäwi toke Israel orakeruw irparaquitu. Cunapachatejj Babilonia orakeru apatäcayätan, ucatsti niya pä tunca pheskani maraw pasjjaraquitayna, uqhamaraqui Jerusalén marcajj catuntatäcän ucqhatsti tunca pusin maraw pasjjaraquitayna. Israel orakensti Tatitojj mä alto kollu pataruw irpnoketu, ucatpachwa aynach tokenjja walja jach'a utanaca uñjta, ucajj mä marcäcaspas uqhamänwa.

Levítico 1:2

“Israelitanacampi parlam, jupanacarusti saraquïtawa cunapachatejj maynejj nayaru uywanac loktañataqui apaninejja, ucsti orko vacapatwa jan ucajj orko ovejanacapatwa apaniñapajja.

Levítico 5:6

ucatsti jucha luratapatjja mä kachu oveja Tatitur loktani, jan ucajj mä kachu cabräpasa, uca loktäwimpiw sacerdotejj uca jaken juchapataquejj pampachatäña jicjjatani, juchapasti perdonataraquïniwa.

Números 15:11

Uqhamwa lurasini sapakat orko vaca, orko oveja, mä marani orko oveja, cabritonaca loktascani ucanacatjja.

Juan 1:29

Khepürusti Juanajj Jesusaruw uñjäna, jupar jac'achasisinquiri, ucatsti sänwa: “Uñtapjjam, acawa Diosan Corderopajja, acapachan juchap k'omachirejja.

Juan 1:36

Jesusar ucawja pasasquir uñjasinjja Juanajj sänwa: “Uñtapjjam, jupawa Diosan Corderopajja” sasa.

Juan 12:1

Pascua fiestataquisti sojjtüruquïpanwa Jesusajj Betaniaru saräna, Lazarojj jaccäna ucaru, cawquïrirutejj Jesusajj jiwatat jactayäna ucaru.

Juan 12:12

Walja jakenacaw Jerusalenan Pascua fiestaru sarapjjäna; yatipjjaraquïnwa khepürojj Jesusan marcaru puriñapa.

1 Corintios 5:7

Cawquiritï juchar apapctam uca nayra levaduratjja k'omachasipjjam, uqhamata jumanacajj Pascuan mank'añäquis uca t'ant'jam tucupjjañamataqui. Uca t'ant'asti janiw levaduranïquiti, machak suma jac'ut lurataraquiwa, jumanacasti chekpachansa uqhamäpjjaractawa. Cristoraquiwa jiwas laycu sacrificion jiwawayi, juparaquiwa Pascua Corderosajja.

Josué 7:14

Arumanthi alwasti tunca payan tribunacaw naya nayrakatan uñstapjjäta, uca tribunacatsti kawkhatejj utjqui ucqhpach familiaraqui; uca familianacatsti, mä sapa familiaquiraqui, uca mä sapa familiatsti, mä sapa jakerac uñstayapjjäta.

Apocalipsis 13:8

Take qhitinacatejj aca oraken jacapqui, uqhamarac kalltatpacha sutinacapas jiwquis uca Corderon jacañ libropan jan kellkatäpquis ucanacajja, uca jach'a ajjsarcañ animalaruw yupaychapjjani.

1 Samuel 7:9

Samuelosti mä ovej kallu catusinjja uqhampachwa Tatiturojj sacrificiot loktäna, Israel marcataquiraquiw Tatitut wali mayïna, Tatitusti mayitaparojj ist'araquïnwa.