Éxodo 12:3 - Qullan Arunaka DC

³ Taqpach israelitanakar sapxam: ‘Aka phaxsit tunka uru saraqatarux sapaqat utankirinakaw sapa utan mä urqu oveja, jan ukax mä cabrito yaqhachapxäta.

Aymar Bibliia 1986

³ Ucat take israelitanacarojj sapjjaraquim: “Aca phajjsina tunca uru sarakatarusti sapakat familiawa mä orko oveja, jan ucajj mä cabrito waquichapjjäta, sapa utan maya.

Qullan Arunaca

³ Ucat take israelitanacarojj sapjjaraquim: “Aca phajjsina tunca uru sarakatarusti sapakat familiawa mä orko oveja, jan ucajj mä cabrito waquichapjjäta, sapa utan maya.

Éxodo 12:3 Jak'a apnaqawi uñst'ayäwi

Génesis 22:8

Awkipasti sarakïnwa: —Wawa, Diosaw wilañchatakix mä oveja uskuskani —sasa. Jupanakasti panpachan sarasipkakïnwa.

Génesis 4:4

Abelasti ovejanakapat suma lik'ïkis uk aparakïna, ukatsti Tatituruw luqtäna. Diosasti Abelan waxt'aparux sum katuqäna;

2 Crónicas 35:7

Josías reyisti jupan uywapatxa, ukankir jaqinakaruw Pascua uruyañatakix churäna: mä maran urqu ovejanaka, cabritonaka, taqpachax kimsa tunka waranqänwa, ukxarux kimsa waranqa vaca qallunakamp churäna.

Éxodo 12:2

“Aka phaxsix jumanakatak mä suma jach'a phaxsïniwa, mara qallta phaxsïniwa.

Éxodo 12:21

Moisesasti, israelitanakan taqpach jilïrinakaparuw jawsayanïna, jupanakarusti sänwa: “Utamankirinakatak mä urqu oveja, jan ukax mä cabrito katupxam, uka uywarusti Pascua uruyañatakiw jiwayapxäta.

Éxodo 12:4

Mä utantix juk'anikïchi, ukat maypach jan manq'antirjamäpkchi ukaxa, utanimpi, uta jak'apankirimpiw mayachasis manq'añapa, qawqhanïpkitix ukhamarjam jalanuqasisa, qawqtix maynix manq'antirjamäki ukhamarjamaraki.

Éxodo 12:6

Uksti aka phaxsi tunka pusin uru saraqat urukamaw imapxäta, uküruw jayp'u tuqiru Israelan taqpach jaqinakax sapa mayni uka uywa kharinukupxäta.

Éxodo 14:15

Tatitusti Moisesar sänwa: —¿Kunatsa nayar yanap mayiskista? ¡Israelitanakar sarantayaskakim!

Éxodo 20:19

Ukat Moisesar sapxäna: —Jumak parlapxita, nanakasti ist'apxämawa; janik Diosax nanakamp parlkpanti, ukhamat jan jiwañanakaxataki —sasa.

Éxodo 4:30

Aaronasti kunanaktix Tatitux Moisesar siskatayna ukanak jupanakarux yatiyäna, Moisesasti jupanak nayraqatanxa, kawkïr muspharkañ chimpunaktix Diosax lurañapatak siskatayna ukanak lurarakïna.

Éxodo 6:6

Ukhamasti saram, israelitanakar akham sarakim: “Naya Tatituw t'aqhisitanakamat qhispiyapxäma, sinti ch'ama lurañanak jumanakar egipcionakan lurayatapatsa qhispiyapxarakïma. Jach'a ch'amax uñacht'ayä, chiqa aski kankañaxampiw qhispiyapxäma.

Ezequiel 40:1

Nayrïr phaxsina, tunka uru saraqatarusti, uka urux machaq mara qallta urünwa, uka uruw Tatitux amparap nayxar luqxatitu, ukatsti mä unañchäwi tuqiw Israel uraqir irpitu. Babilonia uraqir apatäpkäyäta ukat aksarux niya pä tunka phisqan maräxänwa, Jerusalén markax katuntatäkän ukkhatsti tunka pusin maräxarakïnwa. Israel uraqinsti Tatitux mä jach'a qullu pataruw irpnuqitu, ukatpach aynach tuqin walja jach'a utanak uñjta, ukax mä markäkaspas ukhamänwa.

Levítico 1:2

“Israelitanakampi parlam, jupanakarusti sarakim, kunapachatix maynix uywanak nayar luqtañatak apankani ukkhaxa, urqu vacanaka jan ukax, urqu ovejanakapat apaniñapawa.

Levítico 5:6

ukatsti jucha luratapat mä qachu oveja Tatitur wilañcha luqtani, jan ukax mä qachu cabräpasa, uka wilañcha luqtäwimpiw sacerdotex uka jaqin juchapat pampachatäñ jikxatani.

Números 15:11

Ukham lurani, sapa urqu vaca luqtampi, sapa urqu oveja luqtampi, sapa mä marani urqu oveja luqtampi, sapa cabrito luqtampi.

Juan 1:29

Qhipürusti Juanax Jesusaruw uñjäna, jupar jak'achasisinkiri, ukat säna: “¡Uñtapxam, jupaw akapachan juchap q'umachir Diosan Corderopaxa!

Juan 1:36

Ukatsti Jesusar uka chiqa saraskir uñjasinxa, Juanax sänwa: —¡Uñtapxam, jupaw Diosan Corderopaxa! —sasa.

Juan 12:1

Pascua jach'a urutak suxtürükipan Jesusax Betania markaruw saräna, jupax jaktaykatayna uka Lazarox kawkintix jakkäna uka markaru.

Juan 12:12

Walja jaqipuniw Pascua urutak Jerusalén markar sarapxäna. Qhipürusti, Jesusan uka markar puriniñap yatipxäna.

1 Corintios 5:7

Ukhamasti jumanakar jan walt'ayir nayra levadura jaqtapxam, ukhamat machaq masat lurat t'ant'aru uñtatäpxañamataki. Chiqpachansa jumanakax Pascua urunakan manq'añäkis uka jan levaduran t'ant'jamäpxtawa. Cristow jiwasan Pascua Corderosaxa, jupax jiwasanak laykuw jiwawayi.

Josué 7:14

Qharürux ayllunakatkam taqini akankapxam, kawkïr ayllurutix nayax chimpuntkä ukaw, wila masinakapat sapa tamaparu uñstayani; kawkïr wila masi tamarutix chimpuntkä ukaw, utapankirinakat sapa maynir uñstayani, ukatsti utankirinakat kawkïrirutix chimpuntkä ukaw sapa mayni chachanakaru uñstayarakini.

Apocalipsis 13:8

Taqi khitinakatix aka uraqin jakapki, ukatsti uraqi qalltatpacha luqtat Corderon jakañ qillqatapan sutinakapas jan qillqatäpki ukanakaxa, uka jach'a axsarkañ animalaruw yupaychapxani.

1 Samuel 7:9

Samuelusti mä urqu ovej qallu katusin Tatituruw nakt'at wilañcha luqtäna; ukatsti Tatitut wal mayïna, Israel markat khuyapt'ayasiñapataki, Tatitusti mayitaparux ist'änwa.