Efesios 4:2 - Qullan Arunaka DC

² Alt'at chuymanïpxam, munasirïpxarakim; llamp'u chuymanïpxam, maynit maynikamasti munasiñampi uñjasipxam;

Aymar Bibliia 1986

² Llamp'u chuymanïpjjam, munasirinaca, paciencianïpjjaraquim maynit maynicama munasiñan sarnakasa.

Qullan Arunaca

² Llamp'u chuymanïpjjam, munasirinaca, paciencianïpjjaraquim maynit maynicama munasiñan sarnakasa.

Efesios 4:2 Jak'a apnaqawi uñst'ayäwi

Salmos 138:6

Tatitux alaxpachankchi ukasa, llamp'u chuyman jaqirux uñtaniwa, jach'a jach'a tukur jaqirusti jayat uñt'i.

Salmos 45:4

4 (5) Atipjañampi sarantam, chiqa layku ch'amachasisa, llamp'u chuymaninakar chiqapar uñjasa. ¡Kupi amparamax muspharkañanak lurpan!

Proverbios 16:19

Jan yäqat jaqinakamp jisk'ar tukuñax juk'amp askiwa, jach'a jach'a tukur jaqinakamp qamirkipstañat sipana.

Proverbios 3:34

Tatitux sawkasir jaqinakat sawkasiwa, alt'at chuyman jaqinakarusti khuyapayasiñampiw uñji.

Eclesiastés 7:8

Mä kuna luräwi qalltañat sipansa tukuyañaw juk'amp askixa. Jach'a jach'a tukuñat sipansa, llamp'u chuymanïñaw juk'amp askixa.

Isaías 57:15

Alaxpachankir Tatitu, khititix wiñayatak jakki, sutipasti qullanäkaraki, ukax akham siwa: “Nayax alay qullan chiqan jakta, ukampis khititix alt'at chuymani, llakt'ata sarnaqki ukarux ch'amañcharaktwa.

Sofonías 2:3

Jumanakax Tatituruy thaqtapxam, aka uraqin llamp'u chuyman jaqinaka, arunakapar phuqhas sarnaqirinaka. Ukatsti chiqa kankañampi llamp'u chuymampirak sarnaqapxam, inas ukhamat Tatitun jach'a q'apisiñ urupan jumanakax imantasiñ jikxatapxchisma.

Zacarías 9:9

¡Sión marka, walpun kusisim! ¡Jerusalén marka, kusisiñat q'uchum! Reyimaw juman ukar jutaski, chiqa kankañani, taqi atipt'añ churiri, mä jisk'a asno qallur qunxatata.

Números 12:3

Chiqpachansa, Moisesax taqi akapachan wali llamp'u chuyman jaqïnwa.

Mateo 11:29

Kamachinakaxar jaysapxam, ukatsti nayat yatiqasipxita, nayax llamp'u chuymani, alt'at chuymanïtwa, ukat ajayunakaman samarañap jikxatapxäta.

Marcos 9:19

Jesusasti jupanakarux sänwa: —¡Jan iyawsañan jaqinaka! ¿Kunapachkamas jumanakampikïskäxa? ¿Kunapachkamas jumanakax ch'am tukuyapxitäta? Irptanipxam uka waynaru —sasa.

Hechos 20:19

Jan inakt'asaw jumanak taypin taqi alt'at chuymamp Tatitutak irnaqawayta, wali jachañanakana, yant'anakan uñjasiwayta, judionakan nayatak jan wali amtapxatap layku.

Romanos 15:1

Khitinakatix iyawsañan ch'amanïktan ukanakax, pisi ch'amanin t'ukhachasiñanakap jiwasankkaspas ukham apañasawa, janiw jiwasax kuntix munktan uk thaqhañasäkiti.

1 Corintios 13:7

Munasiñanïñax taqi kun t'aqhisiñawa, taqi kun iyawsañawa, taqi kun suyt'añawa, taqi kun mutuñawa.

Gálatas 6:2

Jan walt'añanak utjapxätam ukapachasti, maynit maynikam yanapt'asipxam. Ukham lurasaw Criston kamachip phuqhapxäta.

Efesios 1:4

Diosax Cristo tuqiw ajllisistu, aka uraqix janïr utjkän ukkhatpacha, ukhamat q'umachata, jan akch'a q'añuni jupan nayraqatapankañasataki. Munasiñap laykuw,

Colosenses 1:11

Diosax alaxpach ch'amapampi jumanakar ch'amañchañapatakiw mayipxta, ukampiw jumanakax wali ch'amañchata, llamp'u chuymampi sayt'asipxäta, ukatsti kusisiñampiw

1 Timoteo 6:11

Ukampis Timoteo, Diosan luqtiripjamaxa, taqi jan walinakat jithiqtam. Diosar ist'iri, Jesucriston chiqpach yatiqiripar tukum. Diosarux alkatasipunim, iglesiankir jilatanakarus munasirakim. Kunapachatix jan walinakar saykatkät ukkhasti, llamp'u chuymanïñamawa, taqinimpis sumankañamarakiwa.

2 Timoteo 2:25

jan ist'asirinakarus llamp'u chuymamp iwxt'añaparakiwa, inampis Diosax jan wali luräwinakapat kuttayasinkaspa, ukhamat jupan chiqa arunakap uñt'apxañapataki,

Santiago 1:21

Ukhamasti, jumanakax q'añu lurañanak apanukupxam, jan wali lurañax utjki ukanak apanukupxarakim, ukatsti kuna arunakatix chuymanakaman yapuchatäki uka arunak llamp'u chuymampi katuqapxam, uka yatiyäwi arusti jumanakar qhispiyañatakix ch'amaniwa.

1 Pedro 3:15

jan ukasti chuymanakaman Tatitur jach'achapxam. Khitinakatix jumanakar suyt'añanakamxat jiskt'apkätam ukanakar arsuñatak wakicht'atäpxam,

1 Pedro 3:8

Ukhamasti jumanakax jumanakkam munasisa, suman sarnaqas jakapxam. Khuyapayasirïpxam, llamp'u chuymanïpxarakim.