Efesios 4:3 - Qullan Arunaka DC

³ Qullan Ajayut jutki uka mayacht'asiñ katxäsipxam, sumankañ tuqiw taqinir mayachapxtam.

Aymar Bibliia 1986

³ Janipun t'akanoktañar sarapjjamti, jan ucasti mayaquïpjjapunim Kollan Ajayun yanapapampi, sumancañajj mayachthapipctam uca toke.

Qullan Arunaca

³ Janipun t'akanoktañar sarapjjamti, jan ucasti mayaquïpjjapunim Kollan Ajayun yanapapampi, sumancañajj mayachthapipctam uca toke.

Efesios 4:3 Jak'a apnaqawi uñst'ayäwi

1 Reyes 16:21

Zimrí reyin jiwatapatsti, Israel markax payaruw jaljtäna. Mä chikatax Guinat chachan Tibní yuqaparuw reyitak munapxäna, mä chikatasti Omrí chacharurakiw reyitak munapxäna.

Éxodo 28:32

ukasti p'iqi waysuñatakix chikachikar p'iyjatäñapawa. Uka p'iya thiyanakasti, jan ch'iyasiñapatakix suma kutintayatäñapawa, lip'ichit lurat isir uñtata.

Eclesiastés 4:12

Mayni sapax atipjatäspawa, ukampis panix atipjapxaspawa, ukhamarus kimsat k'anat wiskax janiw mäki t'aqaskaspati.

Marcos 3:24

Mä markan jakirinakapatix payar t'aqjtatäspaxa, uka markax q'alaw tukusispa;

Juan 13:34

Aka machaq kamachi churapxsma: Maynit maynikam munasipxam. Kunjämtix nayax munasipksma, ukhamarak jumanakax maynit maynikam munasipxam.

1 Corintios 1:10

Jilatanaka, Jesucristo Tatitusan sutipxaruw achikt'apxsma, taqinis mä amtañanikïpxam, jumanak taypin yaqhachasiñanakax jan utjkpati. Mä wawak jakasipxam, mä sapa amtañani, mä sapa amuyuni.

2 Corintios 13:11

Jilatanaka, kusisitäpxapunim. Jakañanakamansti chiqapapunïpxam. Ch'amañchasipxam, sumankañan jakasipxam; ukatsti munasiñani, samarañ churir Diosax jumanakampïskaniwa.

Efesios 4:13

taqinis iyawsäwina, ukhamarak Diosan Yuqapar uñt'añansa mayakïñasataki, ukhamat aski jaqir tukuñasataki, kunjämäkitix Cristox ukhamar puriñataki.

Efesios 4:4

Mä sapa janchikiw utji, mä sapa Ajayukiw utjaraki, kunjämtix Diosax mä sapa suyt'añar jawsapktam ukhama.

1 Tesalonicenses 5:13

Jupanakan irnaqatapatsti, munasiñampi sum uñjapxam. Maynit maynikamasti sumankas jakasipxam.

Hebreos 12:14

Taqinimpis sumankañan jakasipxam, q'uma jakañan sarnaqasa; jan ukampisti janiw khitis Tatiturux uñjkaspati.