Efesios 4:2 - Aymar Bibliia 1986

² Llamp'u chuymanïpjjam, munasirinaca, paciencianïpjjaraquim maynit maynicama munasiñan sarnakasa.

Qullan Arunaca

² Llamp'u chuymanïpjjam, munasirinaca, paciencianïpjjaraquim maynit maynicama munasiñan sarnakasa.

Qullan Arunaka DC

² Alt'at chuymanïpxam, munasirïpxarakim; llamp'u chuymanïpxam, maynit maynikamasti munasiñampi uñjasipxam;

Efesios 4:2 Jak'a apnaqawi uñst'ayäwi

Salmos 138:6

Tatitojj alajjpachancchi ucasa, llamp'u chuyman jakerojj uñtaniwa, jach'a jach'a tucur jakerusti jayat uñt'i.

Salmos 45:4

Atipjañamp sarantam, cheka laycu ch'amachasisa, llamp'u chuymaninacar chekapar uñjasa. ¡Cupi amparamajj muspharcañanac luraypan!

Proverbios 16:19

Asquiwa pobrenacampi jisc'ar tucuñajja, jach'a jach'a tucuñampi kamirïñat sipansa.

Proverbios 3:34

Tatitojj jisc'achiri jakenacarojj jisc'achiwa, ucampis llamp'u chuyman jakenacatsti qhuyapayasiwa.

Eclesiastés 7:8

Mä cuna luräwi kalltañat sipansa tucuyañawa juc'amp asquejja. Jach'a jach'a tucuñat sipansa, llamp'u chuymanïñawa juc'amp asquejja.

Isaías 57:15

Alajjpachanquiristi, qhititejj wiñayatac jacqui, sutipasti kollanaraqui, ucajj aqham siwa: “Nayajj mä alto kollan chekanwa jacta, ucampisa qhititejj alt'at chuymani, llact'ata sarnakaraqui ucanacarusti ch'amañcharactwa.

Sofonías 2:3

Take jumanacajj Diosaruy thaktapjjam, acapach oraken llamp'u chuyman jakenaca, cawquïrinacatï arunacapa phokapcta ucanaca. Ucatsti cheka cancañampi llamp'u chuymampirac sarnakapjjam, inas uqhamata Diosan jach'a colerasïwi urupata imatäsipcchisma.

Zacarías 9:9

¡Wali cusisim, Sión marca! ¡Cusisiñat k'ochum, Jerusalén marca! Juman Reyimaw mä asnjjat jutasqui, llamp'u chuymani, mä jisc'a asno kalljjata, cawquïritejj mä qhumuñ uywan wawapäqui ucjjata.

Números 12:3

Moisesajj chekpachansa llamp'u chuymani jakënwa acapachanjja.

Mateo 11:29

Nayan yugojja apapjjam, ucatsti nayat yatekasipjjaraquita. Nayasti llamp'u chuymani, alt'at chuymaniraquïtwa, ucatwa almaman samarañapjja jicjjatapjjäta.

Marcos 9:19

Jesusasti jupanacarojj sänwa: —¡Ay, jan iyawsañan jakenaca! ¿Cunapachcamas jumanacampiquïscäjja? ¿Cunapachcamarac jumanacasti ch'am tucuyapjjetäta? Irptanipjjam uca waynaru—sasa.

Hechos 20:19

Jan inact'asaraquiw jumanac taypinjj Tatiturojj sirviwayta take alt'at chuymampi, walja jachañanacana yant'anacanraqui, judionacan naya contra amtapjjatap laycu.

Romanos 15:1

Take qhitinacatejj iyawsañan ch'amanïctan ucanacajja, pisi iyawsañaninacan t'uqhachasitapjja jiwasanacaw apañasa, janiraquiw jiwas pachpataquiqui sumäñasäquiti.

1 Corintios 13:7

Take cun t'akhesi, take cun iyawsi, take cun llamp'u chuymampi suyt'araqui.

Gálatas 6:2

Yanapt'asipjjam maynit maynicama take cuna apañanacanjja, uqhamanwa Criston leyip phokhapjjäta.

Efesios 1:4

Diosajj Cristotaquiw ajllisistu janïra aca orakejj utjcän ucqhatpacha, k'omachata, jan cuna juchani jupan nayrakatapancañasataqui.

Colosenses 1:11

Mayipjjaractwa jupa quipca jumanacarojj alajjpach ch'amapampi, ch'amani tucuyañapataqui, uqhamata take cunsa llamp'u chuymampi cusisiñampiraqui lurapjjañamataqui,

1 Timoteo 6:11

Ucampis jumajja, Diosanquir chachjamajja, take acanacatjja jaltam, k'oma jacäwini saram, Dios chuyma, iyawsañani, munasiñani, jan pisi chuymt'añani, llamp'u chuymanïñanraqui.

2 Timoteo 2:25

Jan ist'asirinacarusti llamp'u chuymampi ewjjt'añaparaquiwa, inampis Diosajj jan wali luräwinacapat cuttayasincaspa, uqhamat jupan cheka arunacap uñt'apjjañapataqui.

Santiago 1:21

Uqhamapï jumanacajj cunatejj k'añüqui ucjja apanucupjjam, uqhamarac jan walinacas wali phokhantatäqui ucsa. Cuna arunacatejj jumanacan chuymanacaman yapuchatäqui ucjja llamp'u chuymampi catokapjjam, uca arunacasti ch'amaniwa almanacam khespiyañataquejja.

1 Pedro 3:15

Jan ucasti Tatitur jach'achapjjam chuymanacamanjja. Ucatsti waquicht'atäpjjaraquim qhitinacatejj jumanacaru suyt'añanacamjjat jisct'apcätam ucanacar sañataquejja ucampis sapjjam suma chuymampi.

1 Pedro 3:8

Uqhamasti jumanacajj suman sarnakapjjam, qhuyapayasipjjaraquim jumanaccamajja jilapurjama munasisa, llamp'u chuymanïpjjaraquim.