Apocalipsis 5:6 - Qullan Arunaka DC

⁶ Ukatsti qhapaq qunuñ jak'an mä Cordero uñjta. Uka Corderosti, kharinukutäkaspa ukhamaw sayt'atäskäna, uka pusi jakaskirinakampi, pä tunka pusin jilïrinakampi muyuntata. Paqallqu waxranïnwa, nayranakapas paqallqurakïnwa. Uka paqallqu nayranakasti Diosan paqallqu ajayuparakïnwa, uraqpachar khithanitäki ukanaka.

Aymar Bibliia 1986

⁶ Ucatsti trono taypinjja cawqhantejj uca pusi jacasquirinacajj utjapcänsa ucqhana, uqhamarac cawqhancapcaraquïntejj jilïrinacajj, uca taypinwa uñjta mä Cordero sayt'ata. Uca Corderosti jiwayatjamaraquïnwa. Jupasti pakallko wajjranacanïnwa, uqhamarac nayranacapas pakallkoraquïnwa. Uca pakallko nayranacasti Diosan pakallko ajayuparaquïnwa, cawquïrinacatejj take aca oraker qhitanitäqui ucanaca.

Qullan Arunaca

⁶ Ucatsti trono taypinjja cawqhantejj uca pusi jacasquirinacajj utjapcänsa ucqhana, uqhamarac cawqhancapcaraquïntejj jilïrinacajj, uca taypinwa uñjta mä Cordero sayt'ata. Uca Corderosti jiwayatjamaraquïnwa. Jupasti pakallko wajjranacanïnwa, uqhamarac nayranacapas pakallkoraquïnwa. Uca pakallko nayranacasti Diosan pakallko ajayuparaquïnwa, cawquïrinacatejj take aca oraker qhitanitäqui ucanaca.

Apocalipsis 5:6 Jak'a apnaqawi uñst'ayäwi

2 Crónicas 16:9

Tatitux kunanakatix akapachan lurasiski ukanak sum uñjaski, ukat khitinakatix taqi chuymampi jupar katuyasipki ukanakar ch'am churañataki. ¡Jumasti luqhir uñtataw ukham lurtaxa! Jichhat uksarusti juk'amp ch'axwañanakaw jumatak utjani” sasa.

Daniel (hebreo) 7:14

Jupasti munañan kankañampi, qhapaq kankañampi katuqäna, aka uraqpach apnaqañataki, ukatsti taqi markankir jaqinaka, kunayman arut parlir jaqinakarakiw juparux luqtapxäna. Jupan munañan kankañapax wiñayawa, marka apnaqäwipas janipuniw tukuskaniti.

Daniel (hebreo) 8:3

Nayax jayaruw uñtta, ukatsti uka jawir thiyat mä urqu oveja mistusinkir uñjta. Uka ovejax pä jach'a waxranïnwa, uka waxranakat mayax qhipakiw mistutayna, ukampis uka waxrax mayäkis ukat juk'amp jach'änwa.

Miqueas 4:13

¡Jerusalén marka, jichhax tukjañatak sartasim! Tatitusti siwa: “Nayaw jumarux mä urqu vacarjama ch'am churäma, waxranakamas hierrotjamarakïniwa, kayu sillunakamas broncetjamaraki, ukhamat walja markanakar t'unjañamataki. Kuna yänakaptix lunthatasiñampi jikxatatäki ukanakxa, jumaw q'al aparäta, uksti nayaruw katuyxitäta, aka uraqpachan Tatituparu.”

Habacuc 3:4

K'ajkir qhanamp muyuntataw jutaski, amparanakapatsti lliphipkir qhanaw misturaki, taqi ch'amapasti ukamp imantatäskänwa.

Zacarías 3:9

Nayasti Josué chachan nayraqataparux paqallqu k'achinakan mä qala uchta, naya pachparakiw uka qalarux mä aru qillqä. Ukatsti, mä urunak aka markan juchanakap apaqarakï.

Zacarías 4:10

“Tatitun utap lurañ qalltaskäna uk jan yäqirinakaxa, jichhax Zorobabel chachar uka luräwinak tukuyaskir uñjasax kusisipxaniwa” sasa. Uka qhipatsti angelax aka arunakampiw yapt'arakïna: “Aka paqallqu lamparanakax Tatitun nayranakapawa, ukasti taqi akapacharuw uñch'ukiskaraki” sasa.

Lucas 1:69

Mä ch'aman Qhispiyir khithani, David luqtiripan wawanakap taypita.

Juan 1:29

Qhipürusti Juanax Jesusaruw uñjäna, jupar jak'achasisinkiri, ukat säna: “¡Uñtapxam, jupaw akapachan juchap q'umachir Diosan Corderopaxa!

Juan 1:36

Ukatsti Jesusar uka chiqa saraskir uñjasinxa, Juanax sänwa: —¡Uñtapxam, jupaw Diosan Corderopaxa! —sasa.

Hechos 8:32

Qillqatan ullarkän ukasti akänwa: “Jiwayañatak apat ovejar uñtatänwa; t'awra yawirinakan nayraqatapan jan wararir ovejar uñtataw jan kuns arskänti, janirakiw jupax lakapsa jist'arkänti.

Apocalipsis 1:4

Naya, Juanax, Asia suyunkir paqallqu iglesianakaruw aruntanipxsma. Jumanakax Diosan askipampi, sumankañapampi katuqapxam. Uka Diosasti jakiwa, jakapunïnwa, jichhax jutañampïskiwa, uka pachparaki, Diosan reyi qunuñapan nayraqatapankir uka paqallqu ajayunakampita,

Apocalipsis 12:11

Jilanakasax atipjapxiwa, Corderon wartat wilapampi, chiqa arunak qhanañchapxatapampi; janirakiw jiwañsa axsarapkänti, jiwañatakis jank'akïpxarakïnwa.

Apocalipsis 13:8

Taqi khitinakatix aka uraqin jakapki, ukatsti uraqi qalltatpacha luqtat Corderon jakañ qillqatapan sutinakapas jan qillqatäpki ukanakaxa, uka jach'a axsarkañ animalaruw yupaychapxani.

Apocalipsis 14:1

Ukatsti Corderoruw uñjta, Sión qullu patan sayaskiri. Jupamp chikasti patak pusi tunka pusin waranqa jaqinakaw ukankaskäna, jupanakasti paranakaparux Corderon sutipampi, Awkipan sutipampi qillqt'atäpxänwa.

Apocalipsis 17:14

Ukatsti, uka jach'a axsarkañ animalampi, uka tunka reyinakampix Corderompiw nuwasipxani, ukampis Corderompi jupar arkirinakampix ukanakar atipjaniwa, Corderox munañaninakansa Munañanipa, reyinakansa Reyipätap layku. Jupar arkirinakax jupampïniwa. Diosan jawsata ajllitanakapawa, suma arkirinakäpxatap layku” sasa.

Apocalipsis 21:22

Janiw kuna qullan utsa uka markan uñjkti, uka markan qullan utapasti Tatituwa, taqi ch'aman Diosawa, Corderorakiwa.

Apocalipsis 21:23

Uka markatakix janiw intisa, phaxsisa qhanañapatak munaskiti, Diosan k'ajatapa qhantayatap layku, qhaniripasti Corderowa.

Apocalipsis 22:1

Ukatsti angelax jakañ churir mä suma q'uma jawir uñacht'ayitu. Uka jawirasti Diosampina, Corderompin qhapaq qunuñapat mistunïna, qhispir uñtat suma ch'uwarakïnwa;

Apocalipsis 22:3

Janiw ukanxa khitis ñanqhachatäkxaniti. Diosampina, Corderompin qhapaq qunuñapaw uka markankani, Diosan luqtirinakapasti juparuw yupaychapxani.

Apocalipsis 4:8

Uka pusi jakaskirinakat sapa maynix suxta chhiqhankamänwa, patatsa manqhatsa nayranakampi phuqsutänwa. Arumay ururakiw jan samaras sapxäna: “¡Qullana, qullana, taqi ch'aman Tatit Diosax qullanawa Jupax utjaskapunïnwa, utjaskakiwa, jichhas utjaskakiniwa!” sasa.

Apocalipsis 5:11

Ukatsti walja angelanakan arunakap ist'arakta, waranqa, waranqa angelanakänwa qhapaq qunuñampiru, jakaskirinakampiru, uka pä tunka pusin jilïrinakampir muyuntata.

Apocalipsis 5:12

Wali jach'at art'apxarakïna: “¡Kharinukut Corderox askiwa, munañanïñ kankaña, qamir kankaña, yatiñ kankaña, ch'aman kankaña, aytat kankañ katuqañataki, jach'añchatäña, yupaychatäñas askirakiwa!” sasa.

Apocalipsis 5:13

Ukatsti Diosan taqi luratanakaparuw arsur ist'arakta; alaxpachankirinakaru, akapachankirinakaru, uraqi manqhankirinakaru, jach'a quta manqhankirinakar akham sapxiri: “¡Yupaychañasa, jach'añchañasa, jach'a kankañasa, munañanïñ kankañasa, qhapaq qunuñan qunt'atäki ukar churatäpan, ukhamarak Corderorusa wiñayan wiñayapataki!” sasa.

Apocalipsis 5:14

Uka pusi jakaskirinakasti ukxaruw sapxäna: “Ukhamäpan” sasa. Uka pä tunka pusin jilïrinakasti killt'asisin yupaychapxarakïna.

Apocalipsis 6:16

Jupanakasti taqpachaniw uka qullunakampiru, qarqanakampir sapxarakïna: “¡Nanakxar tinkxattapxita, qhapaq qunuñan qunt'atäki ukan nanakar jan uñjañapataki, Corderon q'apisiñapat imantapxarakita!

1 Samuel 2:10

Tatituw uñisirinakaparux jisk'a jisk'a tukjani, jupanakxarux alaxpachatpach q'ixu q'ixunak apayanini. Tatituw taqi akapachar taripani; Jupan ajllit reyirusti ch'amancharakiniwa, ch'amapasti juk'ampiw jiltarakini.”