Apocalipsis 5:5 - Qullan Arunaka DC

⁵ Ukampis uka jilïrinakat maynïriw akham situ: “Jan juk'ampi jachkxamti, uñtam, Judá ayllunkir Leonaw atipji, jupax Davidan jathapat saraqiriwa, jupax ch'amaniw uka qillqat jist'arañataki, uka paqallqu sellonak ch'iyarañatakisa” sasa.

Aymar Bibliia 1986

⁵ Ucampis uca jilïrinacat maynïriw aqham situ: “Jan juc'ampi jachcjjamti. Judá orakenquir Leonaw, qhititejj Davidan wawanacapan wawapäqui, ucaw atipji. Jupajj ch'amaniwa uca libro jist'arañataquejja, uqhamarac uca pakallko sellonaca ch'iyarañataquisa” sasa.

Qullan Arunaca

⁵ Ucampis uca jilïrinacat maynïriw aqham situ: “Jan juc'ampi jachcjjamti. Judá orakenquir Leonaw, qhititejj Davidan wawanacapan wawapäqui, ucaw atipji. Jupajj ch'amaniwa uca libro jist'arañataquejja, uqhamarac uca pakallko sellonaca ch'iyarañataquisa” sasa.

Apocalipsis 5:5 Jak'a apnaqawi uñst'ayäwi

1 Reyes 10:20

Ukxarux tunka payan sayt'at leonanakaw utjarakïna, suxta makhatañanak thiyana. ¡Janipuniw kawkha markansa ukham suma qunuñ lurapkataynati!

2 Crónicas 9:18

Reyi qunuñasti suxta makhatañ patillanïnwa, kayu takt'asiñapasa qurit luratänwa, qunuñan purap thiyapansti ampar ayxatasiñaw utjäna, uka jak'ansti pä sayaskir leonanakaw utjäna.

Job 41:15

15 (7) Jikhanipax jach'a ch'akhanakan siqintatawa, qalar uñtat ch'ullqhirakiwa.

Isaías 11:1

Mä jaya maran k'ullu tunuttix mä jisk'a alix külltanchixa, ukhamarakiw Davidan wila masipatxa mä machaq reyix uñstani.

Isaías 11:10

Uka uru purinkan ukkhasti, Davidat mayni saraqiripaw uka marka apnaqañatak qunt'asini, taqi markanakaruw mayawjar tantacht'ani. Markapasti jach'ar aptatäña, ch'amanirakiw tukuni.

Jeremías 31:16

Ukampis Tatitux sarakiwa: “Raquel, jan juk'ampi jachkxamti; jachanakam jan juk'ampi wartkxamti, llakisitanakamasti janiw inamayatakïkaniti: wawanakamax uñisirin uraqipat kuttanxapxaniwa. Naya, Tatituw uk arsta.

Daniel (hebreo) 7:16

ukat nayax sayt'atäpkän ukanakat maynïriruw jak'achasta, juparuw achikt'asta taqi ukanakat nayar chiqap qhanañchañapataki. Jupasti nayarux ukanakat qhanañcharakitu akham sasa:

Números 24:9

Samarañatak winkt'aski uka leonar uñtata ukhamätaw jumax, Israel. ¡Janiw khitis sartayañ yant'kaspati! ¡Jumar jach'añchirix, jach'añchataw uñjasini, jumar ñanqhachirix, ñanqhachataw uñjasini!” sasa.

Lucas 23:28

Jesusasti jupanakar uñkatasin säna: —Jerusalenankir warminaka, jan nayat jachapxamti, jan ukasti jumanak pachpata, wawanakamampit jachapxam.

Lucas 7:13

Uk uñjasinsti Tatitux jupat khuyapt'ayasin uka warmir säna: —Jan jachamti —sasa.

Lucas 8:52

Taqiniw wal jachasipkäna. Jesusasti jupanakarux sarakïnwa: —Jan jachapxamti; janiw wawamax jiwatäkiti, jan ukasti ikiskiwa —sasa.

Juan 20:13

Angelanakasti juparuw jiskt'äna: —Warmi, ¿kunatarak jachasktasti? —sasa. Mariasti sänwa: —Tatituxan janchip apasxapxatayna, janiw kawkir uskupxatapsa yatkti —sasa.

Romanos 1:3

Uka yatiyäwiw Jesucristo Tatitusan Yuqapat parli, jupasti jaqir tukusaw yuriwayi, Davidan wila masipata, ukampis jiwatat jaktatapampiw taqi ch'aman Diosan Yuqapat utt'ayat uñjasi, qullanaptayir ajayjama.

Romanos 15:12

Isaías profetax qillqarakïnwa: “Jesé chachat saphix sartani, jupasti markanakar apnaqiriw sartani, markanakasti juparuw suyt'apxani” sasa.

Hebreos 7:14

Ukax qhanäskiwa, Tatitusax Judá ayllut saraqiriwa, kunapachatix Moisesax sacerdotenakan luräwipat parlkän ukkhax, janiw uka ayllut kunsa siskänti.

Apocalipsis 1:1

Diosaw Jesucristor uñacht'ayäna, kunatix jank'ak luraskani ukanakxata, ukhamat jupax luqtirinakaparu yatiyañapataki. Ukat Jesucristox aka uñacht'äwxa Juan luqtiripar mä angelap tuqi yatiyäna.

Apocalipsis 22:16

“Naya, Jesusaw angelaxar khitta iglesianakar taqi akanak yatiyañapataki. Nayätwa David reyit saraqirixa; qhantati ururi warawarätwa.”

Apocalipsis 3:21

Jan walt'añanakar atipjirinakarux, qhapaq qunuñaxan nayamp chik qunt'asiyä, kamisatix nayax atipjasin Awkixampi chik qhapaq qunuñapan qunt'askta ukhama.

Apocalipsis 4:4

Uka qhapaq qunuñasti pä tunka pusin qhapaq qunuñanakampi muyuntatänwa, uka qunuñanakansti pä tunka pusin jilïrinakaw qunt'atäsipkäna, jupanakasti janq'u isinakanïnwa, p'iqinakapasti quri pillunakan asxatatänwa.

Apocalipsis 5:4

Nayasti walpun jachäyäta, uka qillqat jist'arasin uñxatañataki jan maynis aski utjatapata.

Apocalipsis 6:1

Ukatsti uka paqallqu sellonakat mayïr sello Corderor ch'iyaqir uñjarakta, ukapachaw uka pusi jakaskirinakat maynïrir ist'arakta, qhixu qhixur uñtata, wali jach'at art'iri: “¡Jutam!” sasa.

Apocalipsis 7:13

Ukxarusti, jilïrinakat mayniw nayar jiskt'itu: “¿Khitinakarak janq'ut isthapit jaqinakasti? ¿Kawkitarak jutapxisti?” sasa.