Apocalipsis 3:3 - Qullan Arunaka DC

³ Yatichäwi katuqatamat amtasimaya; ukarjam arkam, Diosar kutikipstarakim. Janitix p'arxtaskätaxa, lunthatar uñtataw akatjamat jutä, janiw kunapacha puriniñaxsa yatkätati.

Aymar Bibliia 1986

³ Amtasimay cuna yatichäwtï catokcta ucjja, ucarjamaraqui arcam, ucatsti arrepientisiraquim. Janitejj p'arjjtascätajja, jan amtat horasaruw mä lunthatjama acatjamat jutä.

Qullan Arunaca

³ Amtasimay cuna yatichäwtï catokcta ucjja, ucarjamaraqui arcam, ucatsti arrepientisiraquim. Janitejj p'arjjtascätajja, jan amtat horasaruw mä lunthatjama acatjamat jutä.

Apocalipsis 3:3 Jak'a apnaqawi uñst'ayäwi

Ezequiel 20:43

Ukan jumanakax amtasipxäta kuna jan wali luräwinakamampitix q'añuchjasipkta ukanakata, jumanakpachaw ukham ñanqhanak lurapxatamat axtasipxäta.

Ezequiel 36:31

Jumanakasti jan wali sarnaqäwinakamata, juchanak lurapxatanakamat amtasipkäta ukapachasti, jumanakpachaw p'inqasipxäta, jan wali luratanakam layku.

Mateo 25:13

“Ukapachaw Jesusax yatiqirinakapar säna: Jumanakax p'arxtatapun suyapxam, janiw yatipktati Jaqin Yuqapan kunür jutañapsa, kunapacha jutañapsa.

Marcos 13:33

“Ukhamasti jumanakax amuyasipxam, suyapxarakim, janiw yatipktati kuna pachas purinin ukxa.

Marcos 13:36

ukatarak akatjamat purinisin ikiskir katjasipkirisma.

1 Tesalonicenses 5:2

Jumanakax askiw yatipxtaxa, Tatitux kutinkan uka urux jan suyat urüniwa, kunjämatix mä lunthatax arum jutki ukhama.

1 Timoteo 6:20

Timoteo, jumar katuyatäk uk sumpun uñjam. Ch'usa jan kunatak aski arunak janipun ist'amti, janirak jiwasan yatichäwisar jisk'achapki ukanakarus yäqamti;

2 Timoteo 1:13

Kuna suma yatichäwtix nayax churksma ukat janipun saraqamti, Diosarux taqi chuymapun katuyasim, Jesucristompi mayachatäktan uka munasiñarus katuyasirakim.

Hebreos 2:1

Jiwasanakax uka yatiyäwi ist'asax wali amuyumpi jaysañasaw wakisi, ukhamat thakhit jan maysar saranukuñasataki.

2 Pedro 1:13

Nayan amuyataxatsti, wakisipuniw jakkasin jumanakar aka iwxa arunakampi amtt'ayañaxa.

2 Pedro 3:1

Munat jilatanaka, akampix payïr qillqat apayanipxsma. Paypach qillqatansti iwxanak tuqiw wal amuyt'ayañ munapxsma.

2 Pedro 3:10

Ukampis Tatitun jutañap urux akatjamat lunthatar uñtataw purinini. Alaxpachanakasti mä jach'a axsarkañ uxuñampiw t'unthaptani, kunanakatix alaxpachan utjki ukanakax ninamp tukjatäniwa, uraqisti, kunanakapatix utjki ukanakamppach Diosan taripäwipar katuyatäniwa.

Apocalipsis 16:15

“Amuyasipxam, nayax lunthatar uñtataw akatjamat jutä. Suyasapun sarnaqir jaqix kusisiñanïniwa, isinakap imasir jaqis kusisiñanïniwa, q'alal jan sarnaqaskañapataki, p'inqapa jan uñachayaskañapataki.”

Apocalipsis 2:25

Ukampis katxäsipxam kuntix yatipkta ukxa, nayan jutañaxkama.

Apocalipsis 2:5

Amuythapisim, nayra pachan kunjämäyätas ukat amtasim, ukatsti Tatitur kutikipstam. Jan wali luräwinak apanukum, kunjämtix qalltan sarnaqkäyätas ukham sarnaqam. Janitix ukham lurkätaxa, nayax jumar mutuyiriw jutä, ukatsti candeleromxa uchañapat apaqarakï.

Apocalipsis 22:7

“¡Jank'akiw jutä! ¡Khititix aka qillqatankir profecía arunak chuymapar katuqkani ukax, kusisiñaniwa!”

Apocalipsis 3:11

Jank'akiw jutä. Nayar iyawsañ chuyma katxäsiskakim, ukhamat janiw khitis churäwim apaqkätamti.

Apocalipsis 3:19

Khitinakarutix nayax munaskta ukanakarux tuqinuqtwa, chiqacharaktwa, amuyt'asimaya Tatitur kutikipstam.

Apocalipsis 3:2

P'arxtasim, ukatsti tukusirjamäki ukanakar ch'amañcham. Luratanakam uñjaraktwa ukasti Diosaxan nayraqatapan janiw chiqapäkiti.