Apocalipsis 3:2 - Qullan Arunaka DC

² P'arxtasim, ukatsti tukusirjamäki ukanakar ch'amañcham. Luratanakam uñjaraktwa ukasti Diosaxan nayraqatapan janiw chiqapäkiti.

Aymar Bibliia 1986

² P'arjjtasim, ucatsti ch'amañcht'araquim cunanacatejj utjasqui ucanacarojja, niya jiwarirjamäcchi ucasa. Uñjaractwa luratanacamajj janiw chekapäquiti Diosan nayrakatapanjja.

Qullan Arunaca

² P'arjjtasim, ucatsti ch'amañcht'araquim cunanacatejj utjasqui ucanacarojja, niya jiwarirjamäcchi ucasa. Uñjaractwa luratanacamajj janiw chekapäquiti Diosan nayrakatapanjja.

Apocalipsis 3:2 Jak'a apnaqawi uñst'ayäwi

1 Reyes 11:4

Salomonax ch'ama qarit awkïxäna ukkhasti, warminakapax chuymap yaqha diosanak tuqiruw uñtayäna, Salomonax janiw Tatit Diosaparux David awkipjama taqi chuyma luqtaskataynati.

1 Reyes 15:3

Abiam reyix awkipjamarakiw pachpa juchanak luratayna, janiw Tatit Diosapatakix chiqa chuymanïkänti, kamisatix David achachilapax chiqa chuymanïkatayna ukhama.

2 Crónicas 25:2

Amasías reyin luratanakapax Tatit nayraqatan askïnwa, ukampis janiw suma chiqa chuymampi sarnaqkänti.

Job 16:5

suma chuymachasiñ arunak sapxirisma, jumanakar ch'amacht'añataki.

Isaías 35:3

Pisi ch'ama jaqinakarusti ch'amañcht'apxam, qaritanakarus ch'amacht'apxarakim,

Isaías 56:10

markaxar uñjirinakax juykhur tukutäpxiwa, janiw kunankatsa amuyasipkiti. Taqi jupanakasti jan wajtir anunakjamäpxiwa, ukat jan wajtasiñsa yatipkarakiti; sapürus liwirtasakiw ikirasipki, ikt'añak munasipki.

Isaías 57:12

Ukampis jichhax ukham sarnaqatam qhanañchäwa, uka sarnaqäwimsti wali sumäkaspas ukham amuytaxa.

Ezequiel 34:16

Chhaqtat ovejanakar thaqhasxäwa, saranukutanakarus kuttayanxäwa, kayu p'akit sarnaqirinakarusti qullxatt'arakïwa, t'ukhanakarusti yanapt'äwa, lik'i ovejanakarusa, ch'amaninakarus sum uñjasirakï. Kunjämatix awatiñax wakiski ukhamarjamaw nayax awatisirakï.

Daniel (hebreo) 5:27

TEKEL arusti: juma jach'a reyix balanzar waytataw uñjastaxa, tupusti janiw phuqhatäkiti.

Zacarías 11:16

Nayasti aka markatakix mä awatir uchä, uka awatiristi jalanukuta ovejanakat jan yäqasirïniwa, chhaqhat ovejanak jan thaqhiri, chhuxriñchjatanak jan qullt'iri, t'ukhanakar jan manq'ayiri, jan ukasti suma lik'i ovejanakan aychapak chhuchhullinakamppach jan jilt'ayas manq'antani.

Mateo 23:5

Jaqin uñjayasiñatakikiw taqi kunsa lurapxi. Paranakaparu, amparanakapar Diosan arunakap qillqsut apañak munapxi, jach'a chhaxchhan isinakampi isthapisiñak munapxi.

Mateo 25:13

“Ukapachaw Jesusax yatiqirinakapar säna: Jumanakax p'arxtatapun suyapxam, janiw yatipktati Jaqin Yuqapan kunür jutañapsa, kunapacha jutañapsa.

Mateo 25:7

Tawaqunakasti sarthapisin taqpachaniw lamparanakap wakicht'asipxäna.

Hechos 18:23

Pablox Antioquía markan mä qawqha urunakakiw qamarawayi, ukatsti Galacia, Frigia chiqanakan utjir iglesianak mayat mayat tumpawayi, iyawsirinakar ch'amañcht'asa.

Deuteronomio 3:28

Jichhasti Josué yanapirimar kunatix iwxañäki ukanak iwxam, ch'aman sayt'añapatak jupar ch'amañcham, jupaw markan nayräxap sarani, uka uraqinaksa katuntarakini, kawkïr uraqtix jichhax uñjkäta ukanaka’ sasa.

1 Pedro 4:7

Taqi kunan tukusiñapax jak'ankxiwa, ukatpï jumanakax wali amuyt'amp sarnaqapxañamaxa, Tatiturus mayisipxañamaxa.

1 Pedro 5:8

Wal amuyt'asipxam, jank'akïpxarakim, jumanakar uñisir supayasti mä leonar uñtataw warart'asis khitir manq'antañatak thaqhaski.

Apocalipsis 16:15

“Amuyasipxam, nayax lunthatar uñtataw akatjamat jutä. Suyasapun sarnaqir jaqix kusisiñanïniwa, isinakap imasir jaqis kusisiñanïniwa, q'alal jan sarnaqaskañapataki, p'inqapa jan uñachayaskañapataki.”

Apocalipsis 2:4

Ukampis jumatak arsuñaxaw utjitu: qalltan utjkäyätamsa uka munasiñamax janiw utjkxtamti.

Apocalipsis 3:1

“Sardes iglesiankir angelar qillqasin apayam: ‘Diosan paqallqu ajayupanïki, paqallqu warawaranïki ukax akham siwa: Taqi luratanakam nayax yatta; nayar taqi kunan iyawskitasma ukham uñt'ayasitam yatiraktwa. Ukampis chiqpachan janiw jayskistati.

Apocalipsis 3:3

Yatichäwi katuqatamat amtasimaya; ukarjam arkam, Diosar kutikipstarakim. Janitix p'arxtaskätaxa, lunthatar uñtataw akatjamat jutä, janiw kunapacha puriniñaxsa yatkätati.