Apocalipsis 3:2 - Qullan Arunaca

² P'arjjtasim, ucatsti ch'amañcht'araquim cunanacatejj utjasqui ucanacarojja, niya jiwarirjamäcchi ucasa. Uñjaractwa luratanacamajj janiw chekapäquiti Diosan nayrakatapanjja.

Aymar Bibliia 1986

² P'arjjtasim, ucatsti ch'amañcht'araquim cunanacatejj utjasqui ucanacarojja, niya jiwarirjamäcchi ucasa. Uñjaractwa luratanacamajj janiw chekapäquiti Diosan nayrakatapanjja.

Qullan Arunaka DC

² P'arxtasim, ukatsti tukusirjamäki ukanakar ch'amañcham. Luratanakam uñjaraktwa ukasti Diosaxan nayraqatapan janiw chiqapäkiti.

Apocalipsis 3:2 Jak'a apnaqawi uñst'ayäwi

1 Reyes 11:4

Cunapachatï Salomonajj awquëjjäna ucqhasti, warminacapajj chuymapjja yakha diosanac tokeruw uñtayapjjäna, Salomonasti janiw take chuyma Tatit Diosapar loktascataynati David awquipjama uca laycu.

1 Reyes 15:3

Abiam reyisti cunjämtï awquipajj jupat nayra juchanac lurcäna uca pachpa juchanacwa luraraquïna, chuymapasti janiw chekäcänti Tatitu Diosapataquejja, cunjämäcäntejj David nayra awquipana uqhamjja.

2 Crónicas 25:2

Amasiasana luratanacapasti Tatitun nayrakatapanjja chekapänwa, ucampis janiw sarnakcänti suma cheka chuymampi.

Job 16:5

suma chuymachasiña arunacwa sapjjaraquirisma, uqhamat jumanacaru ch'amacht'añataqui.

Isaías 35:3

Pisi ch'ama jakenacarusti ch'amañcht'apjjam, karitanacarusti ch'amacht'apjjaraquim,

Isaías 56:10

marcajjar uñjirinacasti juyqhur tucutäpjjewa, janiw cunanacatsa amuyasipquiti. Take jupanacasti amutu anunacjamäpjjewa, janiraquiw wajt'asiñsa yatipquiti; sapürus liwirtasaquiw iquirasipqui, jupanacajj iquiñacpinwa wal munasipqui;

Isaías 57:12

Ucampis jichhajj sarnakatamjja khanañchäwa, uca sarnakäwimsti jumajj wali sumäcaspas uqham amuytajja.

Ezequiel 34:16

Chhaktat ovejanacjja thaktasjjäwa, saranucutanacsti cuttayanjjaraquïwa, cawquïrinacatejj cayu p'aquita sarnakapjjani ucanacarusti uca p'aquit cayunacapjja kolljjatt'araquïwa, usutanacarusti yanapt'araquïwa, liq'i ovejanacarusa, t'uqhanacarusa sumwa uñjasiraquëjja. Cunjämatejj uñjañajj waquisqui uqhamarjamaw nayajj uñjasiraquëjja.

Daniel (hebreo) 5:27

TEKEL, ucasti sañ munaraqui: Balanzaru pest'atätawa, ucatsti juc'aquiw pesaractajja.

Zacarías 11:16

Nayasti aca marcataquejj mä awatiri uchäjja, ucatsti jalanucut ovejanacat jan yäkasirïniwa, chhakatanacsti jan thakeriraqui, chhojjrintatsti jan kollt'iriraqui, t'uqhanacarus jan mank'ayiriraqui, jan ucasti suma liq'inacatwa aycha mank'anejja, ucanacan chhuchhullinacapsa janiw jilt'aycaniti.

Mateo 23:5

Take cuns lurapjjewa jaken uñjayasiñataquiqui, munapjjaraquiwa amparanacaparu, paranacaparu apaña mä kawkha Diosan arunacap jach'a papelanacaru kellksuta. Uqhamaraquiw jach'a flecon isinacampi isthapisipjje yakha jakenacat sipansa.

Mateo 25:13

“Ucapachaw Jesusajj jupanacarojj sï: Jumanacajj suyapjjapunim, janiw yatipctati cuna horasatejj, jan ucajj cunürutejj jutcani Jaken Yokapajja ucjja.

Mateo 25:7

Takpachaniw ucanquir tawakonacajj sartanipjjäna, ucatsti lamparanacapsa waquicht'asipjjaraquïnwa.

Hechos 18:23

Ucan mä kawkha urunac kamarasinsti, wasitatwa mistuwayi. Ucat iglesiat igleswa tumpawayi, iyawsirinacar ch'amañcht'asa, Galacia tokena, uqhamarac Frigia tokenacansa.

Deuteronomio 3:28

Jichhajj churamay Josué chacharojj ewjjanaca, uqhamarac juparojj ch'amañcham, thuru sayt'asiyaraquim, jupaw marcan nayrap sarani, uca orakenacsa catuntaraquini, cawquïrtï jichhajj uñjta ucanaca’ sasa.

1 Pedro 4:7

Take cunan tucusiñapajj jac'anquiwa, ucatpï jumanacajj wali amuyt'ampi sarnakapjjañamajja, uqhamarac oracionsa jan jaytas lurapjjañamajja.

1 Pedro 5:8

Wali amuyt'asirïpjjam, janc'aquïpjjaraquim, jumanacar uñisir Supayasti mä leonar uñtataw warart'asisa sarnakasqui qhitiru mank'antañataquisa.

Apocalipsis 16:15

“Amuyasipjjam, nayajj acatjamatwa lunthatar uñtata jutä. Cusisiñanïniw qhititejj suyasqui, uqhamarac isipsa jan k'añuchasquiti ucajja, uqhamata jan k'alala sarnakañapataqui janiraqui jakes uñch'uquiñapataqui mä p'enka k'alalätapjja.”

Apocalipsis 2:4

Ucampis mayaw utjitu juma toke arsuñajjajja: kalltan utjcäyätams uca munasiñamajj janiw utjcjjtamti.

Apocalipsis 3:1

“Sardis iglesiancquis uca angelaru kellkasin apayaraquim: ‘Aqham siw Diosan pakallko ajayupanïqui, uqhamarac pakallko warawaranïqui ucajja: ‘Take luratanacamwa nayajj yatta; yatiractwa jiwatäjjatamsa, yakhanacajj jacasquirita uñt'apcstam ucasa.

Apocalipsis 3:3

Amtasimay cuna yatichäwtï catokcta ucjja, ucarjamaraqui arcam, ucatsti arrepientisiraquim. Janitejj p'arjjtascätajja, jan amtat horasaruw mä lunthatjama acatjamat jutä.