Apocalipsis 3:4 - Qullan Arunaka DC

⁴ Ukampisa, Sardes iglesian mä qawqha jaqinakaw utjasktam, jupanakasti janiw ñanqha lurapkiti. Ukat jupanakax nayampi chika janq'ut isthapt'ata sarnaqapxani, askïpxatap layku.

Aymar Bibliia 1986

⁴ Ucampis Sardis iglesianjja utjasctamwa mä kawkha jakenaca, jupanacasti isinacapjja janiw k'añucht'asipquiti. Jupanacasti nayamp chicaw jank'ot ist'ata sarnakapjjani, uqhamaraquiw waquisi sarnakapjjañapajja.

Qullan Arunaca

⁴ Ucampis Sardis iglesianjja utjasctamwa mä kawkha jakenaca, jupanacasti isinacapjja janiw k'añucht'asipquiti. Jupanacasti nayamp chicaw jank'ot ist'ata sarnakapjjani, uqhamaraquiw waquisi sarnakapjjañapajja.

Apocalipsis 3:4 Jak'a apnaqawi uñst'ayäwi

1 Reyes 19:18

Ukampis Israel markan, paqallq waranqa jaqinakaruw jaytä, Baal diosan nayraqatapan jan killt'asirinakaru, lakanakapampi ukanakar jan jamp'att'irinakaru” sasa.

Ester (hebreo) 8:15

Mardoqueosti reyin utapatxa, laramampita janq'umpit isimpi isthapitaw mistunïna, mä quri pillumpi asxatata, linot lurat wila chupika isimp janxatt'ataraki. Susa markankir jaqinakasti walpun kusisipxäna,

Salmos 68:14

14 (15) Taqi Munañanix, reyinakar chhukjaykäna ukkhax, khunux Salmón qulluruw khununtäna.

Eclesiastés 9:8

Janq'u isimpipun isthapisim; p'iqimarus q'apkir qullanakampipun uchasim.

Isaías 1:9

Naya, taqi ch'aman Tatitutix jan mä qawqhansa qhispiykiriskäyätxa, Jerusalén markax q'ala tukjatäsapänwa, Sodoma, Gomorra uka markanakjam t'unjatäsapänwa.

Isaías 52:1

¡Jerusalén marka, sartasim! ¡Wali ch'amampi sayt'asim! Jerusalén, qullan marka, suma isinakamampi isthapisim, Diosar jan uñt'ir ñanqha jaqinakaxa, janiw mayampsa jumar tukjirix jutkxapxaniti.

Isaías 59:6

Uka simpanakampisti janiw kuna isis luraskaspati, janiw khitis jupanakan sawutanakapampix isiskaspati. Luratanakapax ñanqhakamakiwa, amparanakapasti jaqir nuwañak munasipki,

Isaías 61:10

¡Tatitunkxasinxa wali kusisitätwa! Diosaxankataxatsti kusisiñan phuqt'atätwa, jupaw nayarux qhispiyitu, atipjañsa churarakitu. Kunjämatix mä jaqichasir waynax pillup uchaski ukhamätwa, kunjämatix mä jaqichasir tawaqux k'achacht'aski ukhamarakïtwa.

Isaías 61:3

Sión qulluna llakt'atanakarux atipjatäñ lantxa, atipt'añ churiri, jachañ lantsti suma q'apkir kusisiñ qullanak churiri, chuyma kawkst'ata sarnaqaña lantsti, yupaychañ q'uchunak chuririraki. “Atipt'iri roble quqanaka” sasaw sutichapxarakïtam, pachpa Tatitun ayruntatanaka k'ajkir kankañap uñacht'ayañataki.

Isaías 64:6

6 (5) Taqi nanakasti mä q'añu lurir jaqir uñtatäpxtwa, taqi aski luräwinakaxasti q'añu isinakar uñtatarakiwa. Taqiniw ankuntat laphinakar uñtat willirtapxta, nanakan jucha luratanakaxasti thayar uñtataw apapxarakitu.

Levítico 13:48

jan ukax lip'ichit lurat mä kuna yänakansa uñstani,

Mateo 10:11

“Kunapachatix mä jisk'a markarusa, jan ukax jach'a markarus puripxätaxa, khititix aski jaqïki ukar thaqtapxam, uka markat sarañanakamkamasti jupan utapan qhiparapxam.

Marcos 16:5

Sepulturar mantasinsti, janq'u isin mä waynaruw kupïxan qunt'atäskir uñjapxäna. Warminakasti wal mulljasipxäna,

Lucas 20:35

ukampis khitinakatix Diosan amtataparjam jiwatanak taypit jaktañapax wakischi ukaxa, chachäpasa warmïpasa, janiw khitis jaqichaskxaniti,

Lucas 21:36

Jumanakax wakicht'atäpxam, Diosat mayisipxapunim, ukhamat taqi ukanak luraskani ukat jaltapxañamataki, ukatsti Jaqin Yuqap nayraqatan uñstapxañamataki.

Hechos 1:15

Ukürunakansti niya patak pä tunkan jilatanakaw tantacht'asipxäna. Pedrosti jupanak taypin sayt'asisin säna:

2 Tesalonicenses 1:5

Taqi ukanakax, Diosan chiqapar uñjirïtap uñachayistu; Diosan qhapaq markapar mantañatak askïpxañamataki, uka laykuw t'aqhisisipkaraktaxa.

Judas 1:23

Manqhapachar sarasipki ukanakarus kuttayanipxam, mayninakat khuyapt'asipxam, ukampis kuna jan walinaktix jupanakax lurapki ukanak jumanakax jan lurapxamti.

Apocalipsis 1:11

uka arusti situwa: “Uñjktas ukanak qillqam, ukatsti Asia suyunkir paqallqu iglesianakar apayam: Éfeso, Esmirna, Pérgamo, Tiatira, Sardes, Filadelfia, Laodicea, uka iglesianakaru” sasa.

Apocalipsis 11:13

Ukapachaw mä jach'a uraq khathatix sartäna, uka uraq khathatisti markan mä qawqha chiqanakap t'unthapïna, paqallqu waranqa jaqinakarakiw uka uraqi khathatimpix jiwaräna. Qhiparirinakasti, axsarañatsa alaxpachankir Diosaruw yupaychapxäna.

Apocalipsis 14:4

Jupanakasti janiw k'ari diosanakar yupaychas q'añuchasipkataynati, jupanakax taqpachaniw Corderor arkapxäna, kawkirutix jupax sarkän ukaru. Jupanakax jaqinak taypit qhispiyatäpxataynawa, nayrïr churäwi Diosampir Corderompir luqtañataki.

Apocalipsis 19:14

Alaxpachankir ejercitonakaw qhipap arkapxäna, suma lino janq'u q'uma isimpi isthapitkama, taqinis janq'u caballor lat'xatatkamaraki.

Apocalipsis 19:8

Juparuw suma lino lliphipkir q'uma isinakampi isthapisim sataxa, uka suma lino isisti, Diosar axsartasa sarnaqapki ukanakan chiqa jakataparuw uñtasi” sasa.

Apocalipsis 3:18

Ukatpï nayax amuyt'aysmaxa: ninar naksuyat suma quri nayat alasita, ukampi qamiriptañamataki, isthapisiñamatakisti, janq'u isinak nayat alasita, uka p'inqa q'alal janchim imxatañataki, ukatsti nayramatak qulla nayat alasita, nayramar ch'aqt'ayasisin uñjañamataki.

Apocalipsis 3:5

Jan walt'äwinak atipjirinakaru, nayar iyawsañ katxäsirinakarux, janq'u isimpiw isthapiyä, janirakiw wiñay jakañ qillqatat sutinakap apanukkäti, jan ukasti, Awkixan nayraqatapana, angelanakap nayraqatan jupanakarux uñt'asxä.

Apocalipsis 4:4

Uka qhapaq qunuñasti pä tunka pusin qhapaq qunuñanakampi muyuntatänwa, uka qunuñanakansti pä tunka pusin jilïrinakaw qunt'atäsipkäna, jupanakasti janq'u isinakanïnwa, p'iqinakapasti quri pillunakan asxatatänwa.

Apocalipsis 6:11

Ukatsti Diosax sapa mayniruw janq'u isinak churäna, jupanakarusti sarakïnwa: mä juk'a pacha suyt'apxakim sasa, Cristonkirinakan janïr jupanakjam taqpachani jiwarayat uñjasipxatap layku.

Apocalipsis 7:9

Uka qhipatsti, walja jaqinak uñjta taqi markanakata, kunayman janchini, kunayman parlani; uka jaqinakasti waljanipunïnwa, janiw khitis jakt'irjamäkänti. Jupanakasti qhapaq qunuñ nayräxana, Cordero nayräxan sayt'atäsipkänwa, janq'u isin isthapitkamakïnwa, amparanakapar layminakas ayt'atkamakirakïnwa.