Apocalipsis 3:16 - Qullan Arunaka DC

¹⁶ Janiw junt'üktasa thayäkaraktasa, llaphïtam laykuw lakaxat kutsuyanïma.

Aymar Bibliia 1986

¹⁶ Janiw junt'ücaractasa ni thayäcaractasa, jan ucasti llaphïtam laycuw lacajjatjja cutsuyanïma.

Qullan Arunaca

¹⁶ Janiw junt'ücaractasa ni thayäcaractasa, jan ucasti llaphïtam laycuw lacajjatjja cutsuyanïma.

Apocalipsis 3:16 Jak'a apnaqawi uñst'ayäwi

Jeremías 14:19

Tatay, ¿Judá markarux q'alpunti apanukxta? ¿Jerusalén markampisa qaritäxaraktati? ¿Kunatarak ukham jan qullkañ chhuxriñchjapxistasti? Nanakax sum sarnaqañ suyt'asipkäyäta, ukampis jan walt'añakiw purinirapipxitu. K'umar sarnaqasiñ suyt'apxäyäta, ukampis jichhax axsarañakiw utjxi.

Apocalipsis 2:5

Amuythapisim, nayra pachan kunjämäyätas ukat amtasim, ukatsti Tatitur kutikipstam. Jan wali luräwinak apanukum, kunjämtix qalltan sarnaqkäyätas ukham sarnaqam. Janitix ukham lurkätaxa, nayax jumar mutuyiriw jutä, ukatsti candeleromxa uchañapat apaqarakï.

Apocalipsis 3:15

Taqi luratanakam nayax yattwa. Jan thayätamsa, janirak junt'ütamsa yatiraktwa. ¡Mäpit thayäsmasa jan ukax, junt'üsmasa!

Apocalipsis 3:17

Jumax sistawa: Nayax qamirïtwa, taqi kunas sumaruw misturapitu, taqi kunan phuqt'atätwa, janiw kunas pist'kituti, sasa. Ukampis janiw amuyasktati: juman aynacht'ata juykhütama, jan kusisiñani, mich'a, q'alalarakïtama.