Apocalipsis 3:17 - Qullan Arunaka DC

¹⁷ Jumax sistawa: Nayax qamirïtwa, taqi kunas sumaruw misturapitu, taqi kunan phuqt'atätwa, janiw kunas pist'kituti, sasa. Ukampis janiw amuyasktati: juman aynacht'ata juykhütama, jan kusisiñani, mich'a, q'alalarakïtama.

Aymar Bibliia 1986

¹⁷ Ucampis jumajj: Kamirïtwa sistawa, waliquïsctwa, take cunan phokt'atätwa saractawa; janiraquiw amuyasctati mä aynacht'ata jan cunanïscatamjja, juyqhuraquïtawa uqhamarus k'alalaraquïtawa.

Qullan Arunaca

¹⁷ Ucampis jumajj: Kamirïtwa sistawa, waliquïsctwa, take cunan phokt'atätwa saractawa; janiraquiw amuyasctati mä aynacht'ata jan cunanïscatamjja, juyqhuraquïtawa uqhamarus k'alalaraquïtawa.

Apocalipsis 3:17 Jak'a apnaqawi uñst'ayäwi

Génesis 3:7

Ukspachaw jupanakan nayranakapax jist'artäna, ukatsti panpachaniw q'alaläsipkatap amuyasipxäna. Ukhamasti higo quqan laphinakap ch'ukthapipxäna, ukampirakiw imxatasipxäna.

Éxodo 32:35

Ukatsti Tatitux mä usumpiw markar t'aqhisiyäna, Aaronan lurat vaca qallur yupaychapxatapata.

Proverbios 13:7

Yaqhipanakax jan kunanïsinsa, qamirïpkaspas ukhamaw tukupxi; yaqhipanakasti taqi kunanïkasinsa, jan kunanïpkaspas ukhamaw tukupxaraki.

Proverbios 30:9

Nayax qamirïxirista ukaxa, inas jumat armasxirisma: “¿Khitirak Diosasti?” sasa; jan kunanïrista ukasti, inas lunthatasxirista, ukhamat qullan sutim nayax p'inqachayirista.

Isaías 42:19

Israelax Tatitur luqtiritakiwa; Tatituw jupan khithapäñapatak ajllisiwayi; ukampis janiw yaqha markax Israel markjam sinti juykhu, sinti uqarax utjkiti.

Jeremías 2:31

Jichhax khitinakatix akankapkta ukanakax sum ist'apxita: ¡janiw nayax jumanakatak mä parintat wasarar uñtatäkti, janirakiw axsarkay ch'amakan phuqhantat p'iyar uñtatäkti! ¿Ukatsti, kunatarak sapxistasti: ‘kuntix munapktxa uk lurapxä, janirakiw jumarux yupaychkxapxämati sasasti’?

Oseas 12:8

8 (9) Israelitanakasti sarakiwa: ‘¡Jïsa, qamiriw tukta, taqi kun jikxatt'asirakta; ukampis janiw khitis jalaqtanak uñjataxat juchañchkitaspati, lunthatasiñampi jikxatatäkchi ukasa!’

Zacarías 11:5

Alasirinakax jan khuyapt'ayasisaw kharirapxi, aljirinakasti sapxiwa: ‘¡Tatitux yuspagaratäpan, nayax qamirïxtwa!’ sasa. Pachpa awatirinakapas janikiw ovejanakapat khuyapt'ayasipkiti.

Mateo 5:3

“Kusisiñanïpxiw Tatitur taqi chuyma alkatirinakaxa, jupanakankiw Diosan qhapaq markapaxa.

Mateo 9:12

Jesusasti uk ist'asin sänwa: —K'umar jaqinakax janiw mä qullir munapkiti, jan ukasti usutanakaw qullir munapxixa.

Lucas 1:53

Manq'at awtjatanakarux askimpiw phuqt'i, qamirinakarusti jan kunan khithanuku.

Lucas 6:24

“Ukampis ¡qamirinaka, kunakïpkäta, kusisiñanakam niyaw katuqxapxtaxa!

Romanos 11:20

Walikïskiwa, jupanakax jan iyawsañanïtap laykuw qhuchhuqatäpxäna, jumasti iyawsañanïtam laykukiw ukankasktaxa. Ukhamasti jan jach'a jach'a tukumti, jan ukasti axsart'añamax utjpan.

Romanos 11:25

Jilatanaka, nayax Diosan jamasan imantatäki uk yatipxañam munta, ukhamat jan jumanakax yatiñaninakjam tukusipkañamataki: yaqhip israelitanakax chuymanakap qalarayasipxi, ukasti jan israelitanakäpki ukanakan mantañapkamakiwa.

Romanos 12:3

Diosax munasiñapan iwxa arunak nayar churatap laykuw taqi jumanakar sapxsma, jan maynis jumanak pachpax jilankatam amuyasipxamti, jan ukasti, kunatix wakiski ukhamak amuyasipxam, kuntix Diosax waxt'äwinak iyawsañamp chika churki ukarjama.

Romanos 7:24

¡Kunakïkan nayatxa! ¿Khitirak janchixankki uka jiwan munañapat qhispiyitanisti?

2 Pedro 1:9

Ukampis khitintix akanakax jan utjki ukaxa, mä juykhump sasiwa; nayra juchanakapat pampachatätapsa armxarakiwa.

Apocalipsis 16:15

“Amuyasipxam, nayax lunthatar uñtataw akatjamat jutä. Suyasapun sarnaqir jaqix kusisiñanïniwa, isinakap imasir jaqis kusisiñanïniwa, q'alal jan sarnaqaskañapataki, p'inqapa jan uñachayaskañapataki.”

Apocalipsis 2:9

Nayax taqi luräwinakam yatta, t'aqhisitamsa, pist'añan sarnaqatamsa yatiraktwa, ukampis ajay tuqin qamirïtawa. ‘Judiöpxtwa’ siri jaqinakan jumxat jan wali parlatanakap yatiraktwa, ukampis chiqpachan jupanakax supayan tamapankasipkiwa.

Apocalipsis 3:16

Janiw junt'üktasa thayäkaraktasa, llaphïtam laykuw lakaxat kutsuyanïma.