Apocalipsis 3:15 - Qullan Arunaka DC

¹⁵ Taqi luratanakam nayax yattwa. Jan thayätamsa, janirak junt'ütamsa yatiraktwa. ¡Mäpit thayäsmasa jan ukax, junt'üsmasa!

Aymar Bibliia 1986

¹⁵ Take luratanacamwa nayajj yatta. Yatiractwa jan thayätamsa ni junt'ütamsa. ¡Mäpita thayäsma jan ucajj junt'üsmasa!

Qullan Arunaca

¹⁵ ‘Take luratanacamwa nayajj yatta. Yatiractwa jan thayätamsa ni junt'ütamsa. ¡Mäpita thayäsma jan ucajj junt'üsmasa!

Apocalipsis 3:15 Jak'a apnaqawi uñst'ayäwi

1 Reyes 18:21

Ukatsti Eliasax taqpach markar jak'achasisaw säna: —¿Kunapachkamarak jumanakasti pä chuyma sarnaqapxätasti? Tatitutix chiqpach Diosächixa, juparuy arkapxam, jan ukax Baal diosatix chiqächixa, jupar arkapxarakim —sasa. Markachirinakax janiw kamsapkänsa.

Proverbios 23:26

Munat wawaxay, taqi chuymamamp nayar ist'ita, iwxa arunakaxarjam sarnaqarakim.

Oseas 10:2

Israelan chuymapax payar jaljtatawa, jichhasti juchanakapat mutuyatarakïniwa. Tatitux uka altaranakap t'unthapiniwa, qullana qalanakapsa q'al tukjarakini.

Oseas 7:8

“Israel markax yaqha markanakampiw mayachasxi. Jan suma qhatit t'ant'jamaw tukuwayxi, maysäxax suma qhatita, maysäxasti ch'uqïskaraki ukhama.

Mateo 10:37

“Khititix awkiparu, taykaparu nayar munasiñat sipan juk'ampi munki ukaxa, janiw nayatakjamäkiti; khititix yuqaparusa, phuchhaparusa nayar munañat sipan juk'ampi munki ukaxa, janiw nayatakjamäkiti;

Mateo 24:12

Ñanqhan wal mirantatap laykusti, jaqinakax waljaniw jupanakkam munasiñxa chhaqtayasxani.

Mateo 6:24

“Janiw khitis pani uywirir luqtkaspati, maynirux munasiniwa, maynirusti uñisiniwa, jan ukax maynirux alkataniwa, maynirusti jisk'achaniwa. Diosampiru, qamir yänakampirux janiw khitis luqtkaspati.

Romanos 12:11

Luräwinakansti jan jayrasipxamti, Diosatakix taqi chuyma lurapxam.

1 Corintios 16:22

Khititix Tatitur jan munkchixa, ¡Diosan ñanqhachäwipax jupxar purpan! ¡Nanakan Tatituxay, jutam!

2 Corintios 12:20

Mä tuqitxa axsararaktwa, jumanakar tumpir jutkä ukkhax, inas jan kunjämtix nayax munkta ukham jikxatapkchïmati, janirak jumanakas kunjämtix munapkta ukham nayar jikxatapkchitätati. Jumanak taypin inas utjaskchi ch'axwañanaka, uñisisiñanaka, thithiñanaka, sapak kunsa munirïñanaka, k'umisiñanaka, jach'a jach'a tukuñanaka, pixtusiñanaka.

Deuteronomio 5:29

¡Walïspaw jupanakan ukham amuyunïpxaspa ukaxa, ukatsti jach'añchapxitaspa, kamachi arunakaxsa taqi urunakan phuqhapxarakispa ukaxa, ukhamat wawanakapasa, jupanakas wiñay sum sarnaqapxaspa!

Filipenses 1:9

Diosaruw mayiskta jumanakan munasiñaman juk'ampi utjañapataki, jupasti yatiñ kankaña, amuyt'a kankañsa jumanakar churañapataki,

2 Tesalonicenses 1:3

Munat jilatanaka, jumanakat Diosar yuspagarañax wakisipuniwa, kunatix askïki ukarjam lurasina, jumanakan iyawsäwimax jiltaskiwa, maynit maynikam munasiñas juk'amp juk'ampiw utjaskaraki.

Santiago 1:8

jupax jichhürux may amti, qharürusti yaqharaki, janiw jakäwipan may arsur jaqïkiti.

1 Pedro 1:22

Jumanakasti, Tatitun arunakapar jaysasinxa, jilatanakar chiqpach munañatakiw q'umachasxapxtaxa. Ukhamax maynit maynikamax taqi chuymampi, taqi ch'amamp munasipxañamawa.

Apocalipsis 2:2

Nayax taqi luratanakam yatta; ch'ama tukutamsa, llamp'u chuymanïtamsa yattwa. Ñanqha lurir jaqinakar jan uñkatañ munatamsa yatiraktwa. Jan apostolükasin ‘Tatitun apostolupäpxtwa’ siri jaqinakar yant'atam yatiraktwa, ukham yant'asin uka jaqinakan k'arisipxatanakap katjaraktawa.

Apocalipsis 2:4

Ukampis jumatak arsuñaxaw utjitu: qalltan utjkäyätamsa uka munasiñamax janiw utjkxtamti.

Apocalipsis 3:1

“Sardes iglesiankir angelar qillqasin apayam: ‘Diosan paqallqu ajayupanïki, paqallqu warawaranïki ukax akham siwa: Taqi luratanakam nayax yatta; nayar taqi kunan iyawskitasma ukham uñt'ayasitam yatiraktwa. Ukampis chiqpachan janiw jayskistati.

Apocalipsis 3:16

Janiw junt'üktasa thayäkaraktasa, llaphïtam laykuw lakaxat kutsuyanïma.