Apocalipsis 3:14 - Qullan Arunaka DC

¹⁴ “Laodicea iglesiankir angelar qillqasin apayam: ‘Khititix chiqapäki, kunsa chiqapapun arski, khititix Diosan luratanakapat nayrïrïki ukax akham siwa:

Aymar Bibliia 1986

¹⁴ Laodicea iglesiancquis uca angelar kellkasin apayam: “Aqham siw qhititejj chekapäqui, uqhamarac cunsa chekapapuni arsqui ucajja, uqhamarac qhititejj take cuntejj Diosajj lurqui ucan kalltapäqui ucajja:

Qullan Arunaca

¹⁴ “Laodicea iglesiancquis uca angelar kellkasin apayam: ‘Aqham siw qhititejj chekapäqui, uqhamarac cunsa chekapapuni arsqui ucajja, uqhamarac qhititejj take cuntejj Diosajj lurqui ucan kalltapäqui ucajja:

Apocalipsis 3:14 Jak'a apnaqawi uñst'ayäwi

Génesis 49:3

“Rubén, jumax jilïri yuqall wawaxätawa, jumaw nayrïr wawaxätaxa, jumätaw ch'amaxasa, ch'amaxan nayrïr achupasa. Jumaw taqi kunansa nayrankäta, jumarakiw taqi kunxarus ch'amanïyäta.

Proverbios 14:5

Chiqa qhanañchir jaqix janiw k'ariskiti, k'ari irkatir jaqisti k'arinak arsu.

Proverbios 8:22

“Tatituw nayarux luräwinakap nayra irnuqitu, taqi kun lurañ janïr qalltkän ukapacha.

Isaías 55:4

Nayaw juparux markanakat arsuri uskta, markanakatak mä jilïr yatichirirak uskta.

Isaías 65:16

Khititix aka markan askinak katuqañ munanixa, chiqa aski Tatituruw mayini; aka markan mä juramento luriristi, chiqa aski Diosan sutipxaruw lurani. Nayra t'aqhisïwinakasti armatäxiwa, nayraqataxatsa chhaqtxarakiwa.

Jeremías 42:5

Ukhamasti jupanakax Jeremiasarux sapxarakïnwa: —Tatitu Diosamaw chiqpach qhanañchirïni janitix nanakax kuntix jupax siskätam uka arunakar phuqhapkä ukkhaxa.

Juan 1:3

Jupa tuqiw Diosax taqi kun luräna; jan jupampisti janiw kuna luratas utjkiti.

Juan 8:14

Jesusasti jupanakarux sarakïnwa: —Naya pachpatsay parlaskä, arsutaxax chiqawa. Nayax yatistwa kawkit jutataxsa, kawkir sarataxsa; ukampis jumanakax janiw yatipktati kawkit jutataxsa, kawkir sarataxsa.

2 Corintios 1:20

jupanarak Diosan arsutanakapax phuqhasi. Ukatpï Diosar yupaychktan ukkhax “Ukhamäpan” sistanxa, Cristo Jesús tuqi.

Deuteronomio 21:17

Uka uñisita warmin wawaparuw tayna yuqall wawapat uñt'asiñapa, ukatsti taqi yänakapat mä ukkhamp churañapa; uka wawaw nayrïr wawapaxa, juparurakiw tayna wawa kankañax wakt'i.

Colosenses 1:15

Cristox Diosan Yuqapawa, jupasti taqi kunatix utjki ukat nayrïriwa; jan uñjkay Diosan ajanupawa.

Colosenses 1:18

Jupaw iglesian p'iqipaxa, iglesiasti jupan janchipawa, juparakiw iglesiarux jakañ churi. Jupaw qalltaxa, jiwatanak taypit nayraqat jaktiriwa, ukhamat jupan taqi kunansa nayrankañapataki.

Colosenses 2:1

Nayax yatipxañam munta; jumanak laykux wali ch'am tukusaw irnaqaskta, Laodicea markan iglesiankirinak layku, ukhamarak khitinakatix jan uñt'apkitus ukanak layku.

Colosenses 4:16

Aka qillqat ullart'asinsti, Laodiceankir iglesiar apayapxam, ukan ullart'atäñapataki; Laodiceat purinir qillqatsti jumanakax ullart'apxarakim.

Apocalipsis 1:11

uka arusti situwa: “Uñjktas ukanak qillqam, ukatsti Asia suyunkir paqallqu iglesianakar apayam: Éfeso, Esmirna, Pérgamo, Tiatira, Sardes, Filadelfia, Laodicea, uka iglesianakaru” sasa.

Apocalipsis 1:5

Diosan chiqa qhanañchiripa Jesucristotsa katuqasipxarakim. Uka Jesucristow jiwatanak taypit nayrïr jaktirixa, taqi akapach reyinakar apnaqañatakis jupax munañanirakiwa. Jesucristox jiwasar munasistuwa, juchanakasatsa wilap wartasaw jariqistu,

Apocalipsis 19:11

Ukatsti alaxpach jist'arat uñjta, mä janq'u caballorakiw uñstanïna. Uka caballor lat'xatat jaqisti, Chiqa, Aski, sutinïnwa. Jupasti chiqa kankañampiw apnaqäna, chiqapat nuwasirakïna.

Apocalipsis 2:1

“Éfeso iglesiankir angelar qillqasin apayam: ‘Kupi amparapar paqallqu warawar apt'atäki, paqallqu quri candeleronak taypin sarnaqki ukax akham siwa:

Apocalipsis 21:6

Ukatsti sarakituwa: “Taqi kunas luratäxiwa. Nayätwa qalltasa, tukuyasa. Umat pharjatarusti nayax inakiw jakañ churir jalsu umat churä.

Apocalipsis 22:13

Nayätwa qalltasa tukuyasa, nayrïrisa qhipïrisa.”

Apocalipsis 22:6

Angelasti sarakituwa: “Aka arunakax aski chiqap arunakawa, profetanakar unañchir pachpa Tatit Diosaw angelapar khithani, jank'ak phuqhaskani ukanak luqtirinakapar uñacht'ayiri” sasa.

Apocalipsis 3:7

“Filadelfia iglesiankir angelarux qillqasin apayarakim: ‘Khititix qullanäki chiqapäkaraki, David reyin jist'arañapsa katxäski, jist'aratapar jan khitis jist'antirïki, jist'antatapar jan khitis jist'arirïki ukax akham siwa: