Apocalipsis 21:4 - Qullan Arunaka DC

⁴ Jupaw taqi jachanakap nayranakapat picharani, janirakiw jiwañasa, jachañasa, warariñasa, usuyasiñas utjkxaniti, taqi kunanakatix nayrax utjkän ukanakax tukusxiwa” sasa.

Aymar Bibliia 1986

⁴ Diosajj take jachanacapwa nayranacapatjja picharani, janiraquiw jiwañas, jachañas utjcjjaniti, warariñasa ni usuyasiñasa. Take cunanacatï nayrajj utjcän ucanacajj tucusjjewa” sasa.

Qullan Arunaca

⁴ Diosajj take jachanacapwa nayranacapatjja picharani, janiraquiw jiwañas, jachañas utjcjjaniti, warariñasa ni usuyasiñasa. Take cunanacatï nayrajj utjcän ucanacajj tucusjjewa” sasa.

Apocalipsis 21:4 Jak'a apnaqawi uñst'ayäwi

Salmos 144:4

Jaqix mä samsumpi sasikiwa, jakañapax chhaqtir ch'iwjamakiwa.

Isaías 25:8

Tatitux wiñayatakiw jiwañarux t'unjani, taqi jaqinakan jachanakapsa picharaniwa, markapan aynacht'atapsti taqi aka uraqpachat chhaqtayxani. Tatituw ukham arsu.

Isaías 30:19

Jerusalenan jakir israelitanaka, janiw juk'ampi jachkxapxätati. Yanap mayisisa arnaqasitamatxa, Tatituw khuyapt'ayasïtam, arnaqasitam ist'asinsti jaysarakïtamwa.

Isaías 35:10

khitinakarutix Tatitux qhispiyki ukanaka; Jerusalén markarusti kusiskañ q'uchunak jayllisaw mantapxani, wiñayatakiw kusisit jakapxani. Jachañasa, t'aqhisiñas tukusxaniwa, kusisiñampi, sumankañampikiw utjxani.

Isaías 51:11

Ukhamarakiw juman qhispiyatanakax kuttanipxani, Jerusalén markarusti kusisiñat arnaqt'asisaw mantanipxani; ajanunakapasti wiñayatakiw k'uchikïni; Kusisiñampi phuqt'atäpxatapatsti, t'aqhisiñasa, jachañasa tukusxaniwa.

Isaías 60:20

Intix janipuniw ch'amakt'kaniti, phaxsin qhanapas janirakiw chhaqtkaniti, naya, Tatituw juman wiñay qhanamäyäxa, llakisiñ urunakamas tukusxaniwa.

Isaías 61:3

Sión qulluna llakt'atanakarux atipjatäñ lantxa, atipt'añ churiri, jachañ lantsti suma q'apkir kusisiñ qullanak churiri, chuyma kawkst'ata sarnaqaña lantsti, yupaychañ q'uchunak chuririraki. “Atipt'iri roble quqanaka” sasaw sutichapxarakïtam, pachpa Tatitun ayruntatanaka k'ajkir kankañap uñacht'ayañataki.

Jeremías 31:12

“Jerusalén markar purinisinsti, kusisiñat q'uchupxani, Tatitut katuqapkani uka askinakat kusisipxani: trigo, vino, aceite, ovejanaka, vacanaka, taqi ukanakata. Suma qarpata muxsa achunak churir yapjamäxaniwa, janirakiw ch'amapas tukuskxaniti.

Jeremías 31:13

Tawaqunakax k'uchikiw thuqt'asipxani, uka kipkarak waynanakasa, chuyman jaqinakas kusist'apxani. Nayaw jupanakarux chuymachä: jachatanakapsa kusisiñaruw tukuyä, t'aqhisiñanakapat sipansa juk'ampi jach'a kusisiñ churarakï.

Oseas 13:14

¿Ukatti jichhasti jiwañat qhispiyapxämasti? ¡Ukampis janiw khuyapayasiñ uñacht'aykxämati! Jiwa, ¡Jach'a ch'amamampi aka markar t'unjir jutam!”

Mateo 24:35

Alaxpachampi akapachampix tukusiniwa, arunakaxasti janiw tukuskaniti.

1 Corintios 15:26

qhipïr uñisiristi jiwawa, ukas q'ala t'unjatarakïniwa.

1 Corintios 7:31

akapachan kuna aski jikxatirinakas, janis kunsa jikxatapkaspa ukhamakiw tukupxañapa, aka uraqin niy tukusiskatap layku.

2 Corintios 5:17

Ukhamasti, khititix Cristompi mayachatäxchi ukax, machaq jaqïxiwa. Nayra luräwinakax tukusxiwa; jichhax taqi kunas machaqar tukutawa.

2 Corintios 6:17

Ukat Tatitux sarakiwa: “Jupanak taypit mistupxam, jithiqtapxarakim; kunatix q'añüki uk jan llamkt'apxamti. Nayasti jumanakar katuqxapxämawa,

Hebreos 12:27

“Mä kutimpiw” sasasti, Diosan taqi luräwinak apaqatäñap amuyayistu, unxtirinakas jan unxtañapataki.

2 Pedro 3:10

Ukampis Tatitun jutañap urux akatjamat lunthatar uñtataw purinini. Alaxpachanakasti mä jach'a axsarkañ uxuñampiw t'unthaptani, kunanakatix alaxpachan utjki ukanakax ninamp tukjatäniwa, uraqisti, kunanakapatix utjki ukanakamppach Diosan taripäwipar katuyatäniwa.

1 Juan 2:17

Ukampis akapachax jan wali munañanakapampiw tukusiski; ukatsipana, Diosan munañap luririx wiñayatakiw jaki.

Apocalipsis 20:13

Lamar qutax ukan jiwirinak katuyxäna, manqhapachas jiwatanak katuyxarakïna; taqpach jiwatanakasti luräwinakaparjam taripataw uñjasipxäna.

Apocalipsis 20:14

Ukatsti, Jiwañasa manqhapachasa, nina qutar jaquntatäxänwa. Uka nina qutasti payïr jiwawa,

Apocalipsis 21:1

Ukatsti machaq alaxpachampi, machaq uraqimpi uñjarakta. Nayrïr alaxpachampi uraqimpix tukusxataynawa, janirakiw qutas utjkxänti.

Apocalipsis 22:3

Janiw ukanxa khitis ñanqhachatäkxaniti. Diosampina, Corderompin qhapaq qunuñapaw uka markankani, Diosan luqtirinakapasti juparuw yupaychapxani.

Apocalipsis 7:17

qhapaq qunuñ taypinkki uka Corderow jupanakarux ovejanakarjam awatini, jakkir uma jalsunakaruw anakirakini, Diosasti taqi jachanakap nayranakapat phiskhurxani” sasa.