Apocalipsis 21:3 - Qullan Arunaka DC

³ Ukatsti jach'a aru ist'arakta qhapaq qunuñat art'asiniri: “¡Akaxay, Diosax jichhax jaqinak taypin jaki! Jupanakampiw jakani, jupanakasti markapäniwa, Dios kipkarakiw jupanakampïni, jupanakan Diosaparakïniwa.

Aymar Bibliia 1986

³ Ucatsti mä jach'a aru ist'aracta alajjpachat art'asiniri: “¡Acajjay, Diosajj jichhajj jakenac taypinwa jaqui! Jupanacampiw jacani, jupanacasti marcapäniwa. Dios quipcaraquiw jupanacampïni, jupanacan Diosaparaquïniwa.

Qullan Arunaca

³ Ucatsti mä jach'a aru ist'aracta alajjpachat art'asiniri: “¡Acajjay, Diosajj jichhajj jakenac taypinwa jaqui! Jupanacampiw jacani, jupanacasti marcapäniwa. Dios quipcaraquiw jupanacampïni, jupanacan Diosaparaquïniwa.

Apocalipsis 21:3 Jak'a apnaqawi uñst'ayäwi

1 Reyes 8:27

“Ukampisa Diosaxay, ¿chiqpachapunit jumasti aka uraqin jakasmasti? Alaxpachatix jach'a kankañapampi jumar jan katxäsirjamäkstamxa, ¡janiw jumatak utacharapksma ukax katxäskiristamti!

2 Crónicas 6:18

“Ukampisa, ¿chiqapuniti Diosasti aka uraqin jaqinakamp chik jakaspasti? Alaxpachasa wali jach'äsin janiw katxäskiristamti, ¡ukatsa juk'ampiwa aka uta jumataki luraykta ukax jumar jan katxäskiristamti!

Éxodo 25:8

Ukatsti nayatakix mä qullan utjäwi lurarapipxitäta, nayan jumanak taypin utjasiñaxataki.

Éxodo 29:45

Nayax israelitanak taypin jakä, jupanakan Diosapäyäwa.

Isaías 12:6

Jerusalén markan utjasirinaka, kusisiñat arnaqasipxam, Israelan Qullan Diosapax taqi jach'a ch'amapampiw jumanak taypinki.”

Jeremías 31:33

Khä urun Israelampi lurkä uka arust'äwix akhamäniwa: Nayan kamachinakaxsti chuymanakaparuw uskü, p'iqinakaparuw qillqantarakï. Nayax jupanakan Diosapäyäwa, jupanakasti nayan markaxarakïniwa. Naya, Tatituw uk arsta.

Jeremías 32:38

Jupanakax nayan markaxäniwa, nayasti jupanakan Diosaparakïyäwa.

Ezequiel 37:27

Ukatsti jupanak taypin jakxä, jupanakan Diosapäyäwa, jupanakasti nayan markaxarakïniwa.

Ezequiel 43:7

akham sasa: “Aka chiqax nayan qunuñaxawa, kayunakaxan takt'asiñapawa; aka chiqan nayax israelitanak taypin wiñayatak jakarakï. Janipuniw jupanakasa, reyinakapasa nayan qullan sutix juk'ampi jisk'achaykxapxaniti, jan taqi chuyma arkatanakapampi, jiwat reyinakapar yupaychatanakapampi.

Ezequiel 48:35

Marka muyta pirqasti taqpachax sayt'urux llätunka waranqa metronïniwa, akat uksarusti uka markan sutipax: ‘Tatitun Utapa’ satäniwa.”

Zacarías 8:8

ukatsti Jerusalén markan jakasxapxañapatakiw apanxarakï. Jupanakasti ukkhax nayan markaxäniwa, nayasti aski chuymampi, chiqa kankañamp uñjir Diosapäyäwa.”

Números 9:16

Ukhamaw sapa kuti lurasïna: Urux qinayaw carpar imxattäna, arumasti ninar uñtataw ukar qhant'äna.

Juan 1:14

Arusti jaqiruw tuküna, ukatsti jiwasanak taypin jakarakïna. Jiwasanakasti jach'a qhapaq kankañap uñjapxtan, uka jach'a qhapaq kankañsti, Awkin mä sapa Yuqapätap laykuw katuqäna, munasiñampi askimpi phuqhantata.

Juan 14:23

Jesusasti sarakïnwa: —Khititix munaskitu ukax, arsutaxaruw phuqhi; Awkixasti juparux munasiniwa, Awkixampi nayampix jupamp jakiriw jutapxä.

2 Corintios 6:16

Janiw Diosan utapampi yaqha diosanakan utapampix mayakïkaspati. Jiwasax jakkir Diosan utapätanwa, kunjämtix Dios kipka siski ukhama: “Jupanak taypin jakä, sarnaqarakï; nayaw jupanakan Diosapäyä, jupanakasti nayan markaxäniwa” sasa.

2 Corintios 6:18

nayax jumanakan Awkimäyäwa, jumanakasti nayan yuqanakaxa, phuchhanakaxäpxätawa, uksti naya taqi ch'aman Tatituw arsta” sasa.

1 Tesalonicenses 3:11

Pachpa Dios Awkisampina, Jesucristo Tatitusampin jumanakar uñjir sarañatak nanakar yanapt'añap munapxta.

Hebreos 11:16

ukampis jupanakax mä suma marka munapxäna, ukasti alaxpach markawa. Ukat Diosax jupanakan Diosap satäñxa jan p'inqaskiti, jupanakatakisti mä markaw wakichatäski.

Hebreos 8:10

Kuna arust'äwtix khaya urun Israelampi lurkä ukax akhamäniwa, siw Tatituxa: Nayan kamachinakaxsti amuyuparuw uskü, chuymaparuw qillqantarakï. Nayax jupanakan Diosapäyäwa, jupanakasti nayan markaxäniwa.

Hebreos 8:2

ukatsti sacerdotjamax chiqpach qullan utan lurañampiw phuqhi, uka utasti Tatitun luratänwa, janiw jaqinakan luratäkänti.

Apocalipsis 10:4

Uka paqallqu q'ixu q'ixunakan ist'ayasitapatsti, nayax qillqañampïskäyätwa, ukampis alaxpachat mä aru ist'ta, uka arusti situwa: “Amuki imxäsim kuntix uka paqallqu qhixu qhixunakax parlki ukxa, janirak qillqamti” sasa.

Apocalipsis 10:8

Alaxpachat aru ist'käyät uka arusti, wasitat nayampi parläna, akham sasa: “Jak'achasim, uka jist'arat jisk'a qillqat katum. Qutxampiru, uraqxampir takt'atäkis uka angelan amparapat katuqam” sasa.

Apocalipsis 12:10

Ukatsti mä jach'a aru alaxpachan ist'ta, uka arusti sänwa: “Tatitusan qhispiyasiñapampi, munañanïñ kankañapampi, marka apnaqañapampix purinxiwa; Jesucriston munañanïñ kankañapax purinxiwa. Jilanakasar k'arintas juchañchirix jaqunukutäxiwa, uruy aruma, jilanakasar Dios nayraqatan juchañchirix jaqunukutäxiwa.

Apocalipsis 21:7

Jan walinakar atipjiristi taqi akanak katuqani; nayasti jupan Diosapäyäwa, jupasti nayan wawaxäniwa.

Apocalipsis 22:3

Janiw ukanxa khitis ñanqhachatäkxaniti. Diosampina, Corderompin qhapaq qunuñapaw uka markankani, Diosan luqtirinakapasti juparuw yupaychapxani.

Apocalipsis 7:15

“Ukat jichhax Diosan qhapaq qunuñap nayraqatankasipki, uruy arumaw utapan jupar luqtapxi. Qhapaq qunuñan qunt'atäki ukaw, jupanakampïni, jupanakar imarakini.