Apocalipsis 21:3 - Qullan Arunaca

³ Ucatsti mä jach'a aru ist'aracta alajjpachat art'asiniri: “¡Acajjay, Diosajj jichhajj jakenac taypinwa jaqui! Jupanacampiw jacani, jupanacasti marcapäniwa. Dios quipcaraquiw jupanacampïni, jupanacan Diosaparaquïniwa.

Aymar Bibliia 1986

³ Ucatsti mä jach'a aru ist'aracta alajjpachat art'asiniri: “¡Acajjay, Diosajj jichhajj jakenac taypinwa jaqui! Jupanacampiw jacani, jupanacasti marcapäniwa. Dios quipcaraquiw jupanacampïni, jupanacan Diosaparaquïniwa.

Qullan Arunaka DC

³ Ukatsti jach'a aru ist'arakta qhapaq qunuñat art'asiniri: “¡Akaxay, Diosax jichhax jaqinak taypin jaki! Jupanakampiw jakani, jupanakasti markapäniwa, Dios kipkarakiw jupanakampïni, jupanakan Diosaparakïniwa.

Apocalipsis 21:3 Jak'a apnaqawi uñst'ayäwi

1 Reyes 8:27

“Ucampis ¿chekäspati Diosajj aca orakena jacaspa ucajja? Alajjpachatejj jach'a cancañapampi jan jumar apjjäsiña puedcstamti ucajja, ¡aca templo lurarapcsma ucajja juc'ampiwa jan jumarojj apjjäsiñ puedquiristamti!

2 Crónicas 6:18

“Ucampisa, ¿chekäspati Diosajj aca orakena jakenacamp chica jacañapajja? Alajjpachasa ucch'atakësina jan jumar catjjäscstamti ucajja, ¡ucatsa juc'ampiwa aca templo jumataqui luraycta ucajj jan jumar catjjäsquiristamti!

Éxodo 25:8

Nayataquisti mä kollana utjäwi lurarapipjjetäta, ucan nayajj jacañajjataqui.

Éxodo 29:45

Uqhamaraqui nayajja israelitanac taypinwa jacäjja, nayawa jupanacan Diosapäyäjja.

Isaías 12:6

Sionan utjasiranaca, cusisiñat arnakasipjjam, Israelan Kollan Diosapajj jumanac taypincatapata, take acapachan jach'a ch'amapampi.”

Jeremías 31:33

Cuna arust'äwtejj qhaya urun Israelampi lurcä ucajj aqhamäniwa: Nayan leyinacajjsti chuymanacaparuw uscü, p'ekenacaparuw kellkantaraquï. Nayasti jupanacan Diosapäyäwa, jupanacasti nayan marcajjaraquïniwa. Naya Tatituw ucjja arsta.

Jeremías 32:38

Jupanacasti nayan marcajjäniwa, nayasti jupanacan Diosaparaquïyäwa.

Ezequiel 37:27

Nayasti jupanac taypinwa jacaraquëjja, Diosaparaquïyäwa, jupanacasti nayan marcajjaraquïniwa.

Ezequiel 43:7

aqham sasa: “Aca chekajj nayan tronojjawa, cawqharutejj cayunacajjajj tact'qui uca chekawa; aca chekanwa nayajj israelitanac taypin wiñayataqui jacaraquëjja. Janipuniw jupanacasa, reyinacapasa nayan kollan sutejja juc'ampi jisc'achaycjjapjjaniti, uqham jan take chuyma nayaru arcatanacapampejja, cunjämatejj reyinacapar amtañataqui lantinacapa lurasipjjänjja uqhama, cunapachatejj uca reyinacapajj jiwarjjapjjän ucapacha.

Ezequiel 48:35

Uca perkasti takpachajja llätunca waranka metroniraquïniwa largorojja, uca marcan sutipasti acat ucsarojja: ‘Tatituw acanqui’ sataraquïniwa.”

Zacarías 13:9

Uca jilt'iri parterusti nina tokeracwa pasayäjja, cunjämatejj kollkejj k'omachañäqui uqhamaracwa k'omachäjja, Cunjämatejj korejj k'oma tucuyañäqui uqhamaracwa k'oma tucuyäjja. Ucqhaw jupanacajj nayar art'asipjjetanejja, nayasti jaysaraquïwa. Saraquïwa: ‘Nayan marcajja’ sasa. Jupanacasti sapjjaraquiniwa: ‘Tatituw jiwasan Diosasajja’ sasa. Naya Tatituw ucjja arsta.”

Zacarías 8:8

apanjjaraquïwa Jerusalenaru ucan jacasjjapjjañapataqui. Jupanacasti ucqhajj marcajjäjjaniwa, nayasti Diosaparaquïyäwa, take chuymampi, chekapar taripañampiraqui.”

Números 9:16

Uqhamapuniw lurasirïna. Kenayaw urunacajj carparojj muyuntäna, arumasti ninaraqui.

Juan 1:14

Qhä Arusti janchiruw tucu, jiwasanac taypinwa jacaraquïna. Jiwasanacajj uñjtanwa jach'a cancañapa, uca jach'a cancañasti alajjpach Awquin mä sap Yokapan jach'a cancañapänwa, munasiñampi asquimpi phokhantataraqui.

Juan 14:23

Jesusasti saraquïnwa: —Qhititejj munasquitu ucajja, cuntejj nayajj siscta ucwa luri; Awquejjasti munasiniwa, Awquejjampi nayampejj jupamp jakeriw jutapjjä.

2 Corintios 6:16

Jan ucajj ¿mayaquïspacha Diosan templopampi yakha diosanacampejja? Jumanacajj jacquir Diosan templopäpjjtawa, cunjämtï Dios quipcasa sisqui uqhama: “Jupanac taypinwa jacä, uqhamarac sarnakaraquï. Nayajj jupanacan Diosapäyäwa, jupanacasti nayan marcajjaraquïniwa.”

2 Corintios 6:18

Jumanacan Awquimäyäwa, jumanacasti wawanacajjäpjjaraquïtawa” siw take ch'aman Diosajja.

1 Tesalonicenses 3:11

Munapjjtwa Dios Awquis pachpana, uqhamarac Tatit Jesucristosan nanacar yanapapjjañapa jumanacar uñjir sarañataqui.

Hebreos 11:16

Ucampis jupanacajj mä suma orak munapjjäna, ucasti alajjpach marcawa. Ucatwa Diosajj jan p'enkasquiti, jupanacan Diosapa sayasiñjja, jupanacataquisti mä marcaw waquichata utji.

Hebreos 8:10

Israel marcampi mä arust'äwi lurcä qhaya urunac khepata ucajja aqhamäniw, siw Tatitojja: Jupanacan p'ekeparuw camachi arunacajj uchä, chuymaparuw kellkantaraquï. Ucapachaw nayajj jupanacan Diosapäyäjja, jupanacasti nayan marcajjäpjjaraquiniwa.

Hebreos 8:2

Ucat jupajj sacerdoten luräwinacap luri chekpach kollan utana, ucasti Tatitun luratawa, janiw jakenacan luratäquiti.

Apocalipsis 10:4

Cunapachatï uca pakallko k'ejjok'ejjonacajj pasjjäna ucqhasti, nayajj kellkañajjänwa, ucampis mä aru alajjpachat ist'ta aqham sasa: “Amuqui imjjäsim cuntejj uca pakallko khejjokhejjonacajj parlqui ucjja, janiraqui kellkamti” sasa.

Apocalipsis 10:8

Cuna artï nayajj alajjpachat ist'cäyäta ucajja, wasitatwa nayampi parläna, aqham sasa: “Saram, cawquïr angelatejj kotampiru, orakjjampiru tact'atäquis ucaru, ucatsti amparapancquis uca jist'arat jisc'a libro catum” sasa.

Apocalipsis 12:10

Ucatsti mä jach'a aru alajjpachat ist'ta aqham siri: “Purinjjewa Diosasan khespiyasiñapajja, munañanïñapasa, jupan apnakañapasa, Jesucristona munañapampi apnakañapasa. Jilanacasaru c'arintasa juchañchirïqui ucasti ucatjja jaksutäjjewa, jupasti uruy arumaraquiwa, jilanacasarojj Dios nayrakatan juchañchäna.

Apocalipsis 21:7

Atipjiristi take acanacwa herenciata catokani. Nayasti jupan Diosapäyäwa, jupasti nayan wawajjäniwa.

Apocalipsis 22:3

Janiw ucanjja qhitis ñankhachatäcjjaniti. Diosampina Corderompina tronopaquiw uca marcancani, sirvirinacapasti ucanwa yupaychapjjaraquini.

Apocalipsis 7:15

“Ucataracwa jichhajj jupanacajj Diosan tronop nayrakatancasipqui uruy aruma Diosan templopana yupaychasa. Tronon kont'atäqui ucasti take jupanacarojj imaraquiniwa.