Apocalipsis 21:5 - Qullan Arunaka DC

⁵ Ukatsti qhapaq qunuñan qunt'atäkän ukax sänwa: “Nayax taqi kun machaqat lurta” sasa. Sarakïnwa: “Qillqam, aka arunakax chiqapawa, iyawskañarakiwa” sasa.

Aymar Bibliia 1986

⁵ Ucatsti tronon kont'atäcäns ucajj siwa: “Uñjam, nayajj take cunwa machakat lurta” Saraquiwa: “Kellkam, aca arunacasti chekapawa, catuyascañaraquiwa” sasa.

Qullan Arunaca

⁵ Ucatsti tronon kont'atäcäns ucajj siwa: “Uñjam, nayajj take cunwa machakat lurta” Saraquiwa: “Kellkam, aca arunacasti chekapawa, catuyascañaraquiwa” sasa.

Apocalipsis 21:5 Jak'a apnaqawi uñst'ayäwi

Isaías 42:9

Kuntix nayratpach yatiykta ukax phuqhasiwayxiwa, jichhasti machaq yatiyäwinak yatiyapxäma, ukanakas akat qhiparux phuqhasirakiniwa.”

Isaías 43:19

Nayaw jichhax taqi kunsa machaqaptayä, uksti jichpacharakiw uñjäta. Wasaran thakhinak jist'arä, jan achuri uraqinsti jawiranak jist'ararakï.

Lucas 5:38

Ukatpï chhuyu vinox machaq lip'ichit lurat wayaqar imañax wakisixa.

2 Corintios 5:17

Ukhamasti, khititix Cristompi mayachatäxchi ukax, machaq jaqïxiwa. Nayra luräwinakax tukusxiwa; jichhax taqi kunas machaqar tukutawa.

Hebreos 12:27

“Mä kutimpiw” sasasti, Diosan taqi luräwinak apaqatäñap amuyayistu, unxtirinakas jan unxtañapataki.

Apocalipsis 1:11

uka arusti situwa: “Uñjktas ukanak qillqam, ukatsti Asia suyunkir paqallqu iglesianakar apayam: Éfeso, Esmirna, Pérgamo, Tiatira, Sardes, Filadelfia, Laodicea, uka iglesianakaru” sasa.

Apocalipsis 1:19

Kuntix uñjktas uk qillqantam, kunatix jichhax utjki, kunatix akat qhipar utjkani ukanaksa qillqantarakim.

Apocalipsis 19:9

Ukatsti angelax sarakituwa: “Aka arunak qillqam: ‘Corderon jaqichasïwipar jawsayatanakax kusisiñanïpxiwa’ ” sasa. Ukatsti saskakiwa: “Aka arunakax Diosan chiqa arunakapawa” sasa.

Apocalipsis 20:11

Ukatsti mä jach'a janq'u qhapaq qunuñ uñjarakta, ukan qunt'atäkän ukampiru. Jupan nayraqatapat uraqimpi alaxpachampix jan mayampitakiw chhaqtawayxäna, janirakiw kawkinsa wasitat uñjañäkxänti.

Apocalipsis 22:19

Khititix akan qillqatäki uka profecía arunakata kunsa apaqanixa, janiw Diosax jakañ churir quqan achupat jupar jalt'asiykaniti, janirakiw akan qillqatäki uka qullan markar mantaykaniti.

Apocalipsis 22:6

Angelasti sarakituwa: “Aka arunakax aski chiqap arunakawa, profetanakar unañchir pachpa Tatit Diosaw angelapar khithani, jank'ak phuqhaskani ukanak luqtirinakapar uñacht'ayiri” sasa.

Apocalipsis 4:2

Nayasti ukspachaw Qullan Ajayun apnaqat uñjasta, ukatsti alaxpachan mä qhapaq qunuñ uñjta, uka qunuñansti mayniw qunt'atäskäna.

Apocalipsis 4:9

Uka pusi jakaskirinakasti, sapa kuti khititix qhapaq qunuñan qunt'atäki, wiñayan wiñayapatak jakaski ukar jach'añchapki, yuspagarapkaraki ukkhaxa, uka pä tunka pusin jilïrinakax jupa nayraqatan killt'asisin jupar yupaychapxäna, ukatsti qhapaq qunuñan nayraqatapar pillunakap liwnuqasin sapxarakïna:

Apocalipsis 5:1

Ukatsti qhapaq qunuñan qunt'atäkän ukan kupi amparapan mä qillqat uñjta, patatsa manqhatsa qillqsuta, paqallqu sellonakampi uchantata.