Apocalipsis 16:1 - Qullan Arunaka DC

¹ Ukatsti mä jach'a aru ist'arakta qullan utjäwit mistuniri, paqallqu angelanakarusti sänwa: “Sarapxam, ukatsti Diosan q'apisiñapamp phuqhantat paqallqu qirunak uraqir waranukunipxam” sasa.

Aymar Bibliia 1986

¹ Ucatsti mä jach'a aru ist'aracta santuariot mistuniri, pakallko angelanacarusti aqham saraquïnwa: “Sarapjjam, ucatsti waranucunipjjam orakjjaru cuna mutuyañanacatejj uca pakallko copanacan phukhantatäquis ucanaca, uca mutuyäwinacasti Diosatwa juti” sasa.

Qullan Arunaca

¹ Ucatsti mä jach'a aru ist'aracta santuariot mistuniri, pakallko angelanacarusti aqham saraquïnwa: “Sarapjjam, ucatsti waranucunipjjam orakjjaru cuna mutuyañanacatejj uca pakallko copanacan phukhantatäquis ucanaca, uca mutuyäwinacasti Diosatwa juti” sasa.

Apocalipsis 16:1 Jak'a apnaqawi uñst'ayäwi

Salmos 79:6

¡Jach'a q'apisiñampiy t'aqhisiyam, jumar jan uñt'ir markanakaru, sutim jan aytasir reyinakaru!

Jeremías 10:25

Jumaru jan uñt'ir markanakaru, jumaru jan art'asiri markanakarux q'apisiñamampi mutuyam, jupanakax q'alpun t'unjapxitu, markarus jan walt'añaruw puriyapxi.

Ezequiel 10:2

Tatitusti lino isimpi isthapit jaqirux sarakïnwa: “Chhiqhaninakan kayüxapan utjki, uka carron jach'a muyuri muruq'unak taypir mantam; ukatsti mä juk'a nina sank'anak aptanim, uka chhiqhaninak taypin nakhaski ukata, ukatsti uka nina sank'anak markpachar willitatarakim” sasa. Ukatsti kunjämsa uka jaqix uka taypiru mantäna uk uñjarakta.

Ezequiel 22:31

Ukatpï nayax taqi jupanakxarux mutuyäwixa apayantxa, q'apisiñaxsti mä ninjam jupanakar t'unjañatak wartanirakta, ukhamat sarnaqäwinakapat wayt'asa. Naya, Tatituw uk arsta.’ ”

Sofonías 3:8

Jichhaxa, ukham lurapxatanakamatxa, jumanakar mutuyañ urux jak'ankiwa. Naya, Tatituw Israel markan Diosapätxa, arsutaxarux phuqhapuniwa. Markanakar mayar tantachthapiñatakiw amtta, jach'a q'apisiñaxampiw uka markanakar mutuyä. Q'apisitäkta ukkhaxa, mä ninjamätwa; ¡aka uraqpach nakhantayarakïxa!

Apocalipsis 11:19

Ukatsti Tatitun utapan punkunakapaw alaxpachan jist'artäna, uka utap manqhansti arust'äwipa arcaw uñstäna. Ukatsti lliju llijunakampi, qhixu qhixunakampiw utjäna, wali uxuñanaka, uraq khathatinaka, wali ch'aman chhijchhimpiw utjarakïna.

Apocalipsis 14:15

Ukatsti Tatitun utapat yaqha angelaw mistunïna, ukat uka qinay patan qunt'atäkis uka angelar jach'at art'äna: “¡Yawiñamampi yawthapiñ qalltam, apthapiñ urüxiwa, yapusti q'illuratäxiwa!” sasa.

Apocalipsis 14:18

Yaqha angelasti altarat mistunirakïna. Uka angelasti ninar apnaqañatak munañanïnwa, ukatsti ari yawiñ ayt'atäkänsa uka angelaruw jach'at art'äna: “¡Uka ari yawiñamampi yawirañ qalltam! ¡Uraqin utjir uva yapunakat uva achunak apthapim, uvasti puquratäxiwa!” sasa.

Apocalipsis 15:1

Ukatsti alaxpachan yaqha jach'a chimpurak uñjta, ukasti wali muspharkañänwa. Paqallqu angelanakaw paqallqu mutuyäwimpi uñstanïna, ukanakasti qhip qhipa mutuyäwinakawa, ukanakampiw Diosan q'apisiñapax tukusxäna.

Apocalipsis 16:17

Paqallqür angelasti saman thayarurakiw qirupankir waranuküna, ukatsti mä jach'a aruw ist'asini, qullan utjäwinkir qhapaq qunuñatpacha, uka arusti sarakïnwa: “¡Jichhax luratäxiwa!” sasa.

1 Samuel 15:18

Jichhasti, Tatitutix jumaru uka jucharar amalecita jaqinakar q'al t'unjaniñamatak khitchïyätam ukaxa,

1 Samuel 15:3

Ukhamasti jichhax saram, ukatsti nuwantanim, yänakapamppach tukjanim, janirak jupanakat khuyapt'ayasimti. Chachanaksa, warminaksa, wawanaksa, asu wawanaksa, ukhamarak vacanaksa, ovejanaksa, camellonaksa, asnonaksa taqpach jiwarayanim” —sasa.