Apocalipsis 16:2 - Qullan Arunaka DC

² Nayrïr angelasti sarasin uraqiruw qirup waranuküna; ukatsti taqi khitinakatix uka jach'a axsarkañ animalan chimpupampi chimpt'atäpkäna, ukar uñtasit lursutarus yupaychapkarakïn uka jaqinakarusti, jan wali llixti usuw janchinakapar mistüna, wal usuyasa.

Aymar Bibliia 1986

² Nayrïri angelasti sarasinjja copapjja orakjjaruw wart'anïna. Take qhitinacatejj uca jach'a ajjsarcañ animalan chimpt'atäqui, uqhamarac uñtasitanacaparus yupaychapcäna ucanacarojj mä jan wali llejjti usuw mistüna wali usuyasa.

Qullan Arunaca

² Nayrïri angelasti sarasinjja copapjja orakjjaruw wart'anïna. Take qhitinacatejj uca jach'a ajjsarcañ animalan chimpt'atäqui, uqhamarac uñtasitanacaparus yupaychapcäna ucanacarojj mä jan wali llejjti usuw mistüna wali usuyasa.

Apocalipsis 16:2 Jak'a apnaqawi uñst'ayäwi

2 Crónicas 21:15

Jumarux kunayman usunakampiw usuntayätam. Jumax purak usumpix jiphillanaksa qutstayasiñkamaw usuntäta’ ” sasa.

2 Crónicas 21:18

Uka qhipatsti, Tatitux mä jan qullkay purak usumpiw juparux mutuyäna.

Salmos 78:26

Inti jalsu thayampi, aynach thayampiw alaxpachan thayt'äna; ¡Diosaw ch'amapampi thayt'ayäna!

Isaías 3:17

Jichhax jumanakarux q'alalsuyapxämawa, p'iqis q'ararata, q'ala llixtjtata tukuyapxäma.”

Isaías 3:24

“Jerusalén markankir warminaka, jichhürux suma q'apkir qullampi q'aphichatäpxtawa, qharürusti axtañ q'aphinakjamaw q'apipxäta; jichhürux suma wak'anakampi wak't'atäpxtawa, qharürusti wiskanakampi wak't'atakïpxätawa; jichhürux suma isinakampi isthapitäpxtawa, qharürusti thantha isinakamp isthapitakïxapxätawa; jichhürux jiwa uñnaqt'anïpxtawa, qharürusti ajanumax t'irikamakïniwa; jichhürux ñik'utamas ukkha sum k'anthapt'asitäpxtawa, qharürusti jan ñik'utaniw uñjasipxätaxa.”

Hechos 12:23

Ukspachaw Tatitun angelapax Herodesar usuntayäna, Diosäkaspas ukham amuyasitap layku, jupasti laq'unakan manq'antataw jiwxäna.

Deuteronomio 28:27

“Tatituw jumar egipcionakarjam llixti usunakamp mutuyätam, p'usu usunakampi, sarna usunakampi, jasi jasi usunakampi, janiw uka usunakat waliptkätati.

Deuteronomio 28:35

Tatituw juman qunqurimaru, lankhu charamaru, taqpach janchimar ñanqha llixtinakamp t'aqhisiyätam, janiw kunas k'umarachkätamti.

Deuteronomio 7:15

Tatitusti taqi usunaka, mutuñanaka jumanakat apaqapxätam, Egipto markar apaykän uka usunak apanukuni; ukampis Tatitux taqi uka usunakampiw uñisirinakamar t'aqhisiyani.

Apocalipsis 13:12

Nayrïr jach'a axsarkañ animaljam munañanirakikïnwa, jupan nayraqatapana. Aka uraqin utjirinakarusti uka nayrïr jach'a axsarkañ animalar yupaychapxañapatakiw wayt'äna, jach'a chhuxripat waliptkataynas ukaru.

Apocalipsis 14:16

Ukspachaw qinay patan qunt'atäkän ukax, yawiñapampi yapunak apthapi aka uraqina.

Apocalipsis 14:9

Ukxarusti kimsïr yaqha angelarakiw jupanakar arktäna, wali jach'at art'asisa: “Khititix uka jach'a axsarkañ animalar yupaychkani, ukar uñtasit lursutarus yupaychkani, uka axsarkañ animalan chimpupampi amparaparusa, jan ukax, paraparus uchayaskani ukaxa,

Apocalipsis 16:1

Ukatsti mä jach'a aru ist'arakta qullan utjäwit mistuniri, paqallqu angelanakarusti sänwa: “Sarapxam, ukatsti Diosan q'apisiñapamp phuqhantat paqallqu qirunak uraqir waranukunipxam” sasa.

Apocalipsis 16:11

ukampis janiw ukhamäkasinsa jan wali luräwinakap apanukupkänti, jan ukasti, jan wali q'añu arunakampiw alaxpachankir Diosar ñanqhachapxäna, llixti usumpi mutupxatap layku.

Apocalipsis 8:7

Nayrïr angelaw trompetap phust'äna, ukatsti chhijchhimpi, ninampiw aka uraqirux warxattanïna, wilampi kituntata. Uraqisti niya chikatan chikatapaw nakhantäna, quqanakatsa, taqi ch'uxña quranakatsa niya chikatan chikatapaw nakhantarakïna.

1 Samuel 5:6

Ukatsti Tatitux Asdod chiqan utjasirinakarux walpun t'aqhisiyäna, axsarañampi phuqhantasa kunayman ch'uphu usunakampi chhuxriñchjasaraki.

1 Samuel 5:9

Ukampis Tatitun arcapa uka markar puripansti, Tatitux uka markan kunayman jan walt'añanak sartayäna, jaqinakarusti taqiniruw kunayman ch'uphu usunakampi chhuxriñchjäna, jach'a jaqinakaru, ukhamarak wawanakarusa.