Apocalipsis 16:1 - Qullan Arunaca

¹ Ucatsti mä jach'a aru ist'aracta santuariot mistuniri, pakallko angelanacarusti aqham saraquïnwa: “Sarapjjam, ucatsti waranucunipjjam orakjjaru cuna mutuyañanacatejj uca pakallko copanacan phukhantatäquis ucanaca, uca mutuyäwinacasti Diosatwa juti” sasa.

Aymar Bibliia 1986

¹ Ucatsti mä jach'a aru ist'aracta santuariot mistuniri, pakallko angelanacarusti aqham saraquïnwa: “Sarapjjam, ucatsti waranucunipjjam orakjjaru cuna mutuyañanacatejj uca pakallko copanacan phukhantatäquis ucanaca, uca mutuyäwinacasti Diosatwa juti” sasa.

Qullan Arunaka DC

¹ Ukatsti mä jach'a aru ist'arakta qullan utjäwit mistuniri, paqallqu angelanakarusti sänwa: “Sarapxam, ukatsti Diosan q'apisiñapamp phuqhantat paqallqu qirunak uraqir waranukunipxam” sasa.

Apocalipsis 16:1 Jak'a apnaqawi uñst'ayäwi

Salmos 79:6

Jach'a k'apisiñampiy t'akhesiyam, jumar jan uñt'ir marcanacaru, sutim jan aytasir reyinacaru.

Jeremías 10:25

Cawquïri marcanacatejj jan uñt'ctam ucanacjjaru colerasiñamjja warjjatam, cawquïri marcanacatejj jan jumaru art'asipctam ucanacjjaru, Jacobon marcaparu mank'antapjjatap laycu, k'alwa t'unjapjjaraquitayna, take marcpachsti k'ala t'unjata jaytapjjaraqui.

Ezequiel 10:2

Lino isimpi isthapitäcän uca jakerusti Tatitojj saraquïnwa: “Uca carronacan ruedanacapa mankharu mantam, uca angelanacan chhekhapawjjaru; ucatsti mä juc'a nina sanc'anaca aptaraquim, cawquïri ninatejj uca angelanac taypin nacqui ucata, ucatsti uca nina sanc'anacjja marcjjaru willitataraquim” sasa. Ucatsti uñjaractwa cunjämsa uca jakejj mantäna uca.

Ezequiel 22:31

Ucatwa nayajj mutuyäwejja apayantjja, take jupanacjjaru, colerasiñajjsti mä ninjamwa wartaniractjja, ucampiwa jupanacarojj t'unjaracta, uqhamat sarnakäwinacapat wayt'asa. Naya Tatituw ucjja arsta.’ ”

Sofonías 3:8

Ucampisa jumanacajj suyt'apjjeta cunürutï jumanacaru taripañataqui jutcä ucjja. Naya Tatitu Diosaw ucjja arsta: Nayasti amttwa take marcanaca, reinonaca mayaru tantachthapiña, ucat take jupanacjjaru mutuyäwi apayaniña, uqhamarac akquiri colerasiña warjjataniñataqui. ¡Ucatsti take orakenacawa t'unjatäni akquir colerasiñajjampi phichhantataraquïniwa!

Apocalipsis 11:19

Ucatsti alajjpachanjja Tatitun templopaw jist'artäna, Diosan arust'äwi luratanacapäquis uca arcas uñstaraquïnwa. Ucatsti llijullijunaca, khejjokhejjonacaraquiw utjäna, wali ojjoñanaca, orak qhathatis utjaraquïnwa, chhijchhis wal puriraquïna.

Apocalipsis 14:15

Tatitun templopatsti yakha angelaraquiw mistuni, ucatsti uca kenay patan kont'atäquis ucaruw jach'at aqham sas art'i: “¡Uca yawiñ hosimampi yawthapjjam cosechjja, horasäjjew apthapiñajja, yapusti k'elluratäjjaraquiwa!” sasa.

Apocalipsis 14:18

Altaratsti yakha angelaraquiw mistuni. Uca angelasti ninjjaru munañanïnwa, ucatsti uca hoz ayt'atäcänsa uca angelaruw jach'at art'i aqham sasa: “¡Uca ari yawiñ hosimampi apthapim uva achunaca, uvasti pokoratäjjewa!” sasa.

Apocalipsis 15:1

Ucatsti alajjpachanjj yakha jach'a unañchäwiraqui uñjta, ucasti wali muspharcañänwa. Pakallko angelanacaw uñstanïna pakallko khepa t'akhesïwimpi, uca t'akhesïwinacampisti Diosan colerasiñapajj tucusjjänwa.

Apocalipsis 16:17

Pakallköri angelasti samana thayaruraquiw copapjja waranucu, alajjpachatsti santuariotpacha mä jach'a aruwa ist'asini, aqham sasa: “Jichhajj luratäjjewa” sasa.

1 Samuel 15:18

Jichhajj Tatitutejj jumaru uca ñankha jucharar amalecita jakenacaru k'ala t'unjaniñamataqui qhitchhïyätamjja,

1 Samuel 15:3

Uca laycu, jichhajj saram ucatsti t'akhesiyaraquim; jupanacarusa uqhamarac yänacapsa takpach t'unjaniraquim, janiraqui jupanacatjja qhuyapt'ayasimti. Chachanacsa, warminacsa, wawanacsa, asu wawanacsa, uqhamarac vacanacsa, ovejanacsa, camellonacsa, asnonacsa takpach jiwarayanim’ —sasa.