2 Samuel 24:2 - Qullan Arunaka DC

² Ukat reyix ejercitopan jach'a jilïripa Joab chachar säna: —Israel uraqin utjir taqpach ayllunakapar muytanim, Dan chiqata Berseba chiqakama, ukatsti markachirinakar jakthapim, qawqha jaqinakas utjatayna uk nayan yatiñaxataki —sasa.

Aymar Bibliia 1986

² Uqhamasti reyejj Joab chacharuw ordenäna, jupasti reyin ejercitopan jach'a jilïriparaquïnwa; ucatsti saraquïnwa: —Jichhajj Israel oraken tribunacapjja k'alwa sarnakanïta, Dan sisqui ucqhata Beerseba sisqui ucacama ucatsti take jakenacaru censo aptaraquim, nayan yatiñajjataqui kawkha jakenacas utji uca.

Qullan Arunaca

² Uqhamasti reyejj Joab chacharuw ordenäna, jupasti reyin ejercitopan jach'a jilïriparaquïnwa; ucatsti saraquïnwa: —Jichhajj Israel oraken tribunacapjja k'alwa sarnakanïta, Dan sisqui ucqhata Beerseba sisqui ucacama ucatsti take jakenacaru censo aptaraquim, nayan yatiñajjataqui kawkha jakenacas utji uca.

2 Samuel 24:2 Jak'a apnaqawi uñst'ayäwi

Génesis 21:14

Qhipärmanthi willjtasti, Abrahamax Agar warmirux t'ant'ampi, mä uman lip'ichi wayaqampi churäna, ukanak q'ipxaruyasasti, Ismael wawapar irpxaruyasaw khithanukxäna. Agarasti sarawayxänwa, Beerseba wasara tuqinarak khuy aka sarnaqäna.

2 Samuel 17:11

Nayasti jichhax amuyt'ayirismawa: israelitanakax taqpachani jumamp tantacht'asipxpan, Dan chiqata, Beerseba chiqakam utjiri israelitanaka; uka jaqinakax quta iranankir ch'allar uñtasita jan jakt'kayarakiwa, ukatsti nuwasïwin juma kipkaw jupanakar sarayäta.

2 Samuel 2:13

kawkintix uma imañax utjkäna ukkharu. Ukawjan jupanakax Seruiá jaqin Joab yuqapampi, Davidan jaqinakapampiw jikintasipxäna. Uka pä tamasti purap tuqin wakichrantasipxäna, mayninakax maykatana, mayninakasti maykatanaraki.

2 Samuel 20:23

Ukhamaw Joab chachax Israel markan taqpach ejercitopan jach'a jilïripat sayt'äna. Joiadá jaqin Benaías yuqapasti, cereteo, peleteo jaqinakan jilïriparakïnwa.

2 Samuel 23:37

Amón chiqankir Sélec; Beerot chiqankir Naharai, jupasti Seruiá jaqin Joab yuqapan yanapiripänwa.

2 Samuel 24:15

Ukhamasti, Tatitux mä jach'a usu taqpach Israel markxar apayanïna, ukärmanthit qalltasina, kimsïr urukama; ukatsti Dan markata, Beerseba markakamax paqallq tunka waranqa jaqinakaw jiwaräna.

2 Samuel 3:10

Saúl reyin qunuñap churañataki, ukatsti taqpach Israel markxaru, Judá uraqxar reyit utt'ayañataki, Dan sat chiqata, Beerseba sat aynach chiqakama —sasa.

2 Samuel 8:16

Ejerciton jach'a jilïripax Seruiá jaqin Joab yuqapänwa; Ahilud jaqin Josafat yuqapasti reyin qillqiripänwa.

1 Crónicas 21:2

Ukhamasti Davidax Joab chacharu, markan jilïrinakaparux sänwa: —Sarapxam, ukatsti Israel markar jakthapinipxam, Beerseba chiqata qalltasina Dan chiqakama, jakthapisasti nayar yatiyapxita, qawqhanïkitix jaqix uk yatiñataki —sasa.

2 Crónicas 32:31

Kunapachatix Babilonia markankir jilïr irpirinakax khithanak khithankäna, markan kuna muspharkañatix luraskatayna ukanak yatxatiri ukkhaxa, Diosax Ezequiasar sapak jaytäna jupar yant'añataki, ukhamaraki chuymapan lup'ïwipa yatiñataki.

Proverbios 29:23

Jach'a jach'a tukurix jisk'achataw uñjasini, llamp'u chuymanisti jach'ar aptatäniwa.

Jeremías 17:5

Tatitux sarakiwa: “Ñanqhachatäpan jaqinakar alkatasirixa, ñanqhachatäpan pachpa ch'amapar alkatasirixa, ñanqhachatäpan nayat jayarst'ir jaqixa.

2 Corintios 12:7

ukhamarak jan khitinsa uka muspharkañ qhanañchäwinakat nayar taripaskañapataki. Ukat nayan jan jach'achasiñaxatakix mä t'aqhisiñ katuqta, janchir mä ch'aphimpi jununtatäkaspas ukhama, ukasti Supayan mä khithapjamaw nayar t'aqhisiyitu.

Jueces 20:1

Ukhamasti israelitanakax taqpachaniw Dan, Beerseba, Galaad chiqankirinakax mayar tukt'asin Tatit nayraqatan tantacht'asipxäna.