2 Samuel 24:1 - Qullan Arunaka DC

¹ Tatitux wasitat israelitanakatak q'apisirakïna, ukatsti Davidaruw amtayäna, Israel markampita, Judá markampit jaqinak jakthapiñapataki.

Aymar Bibliia 1986

¹ Tatitusti wasitatwa israelitanac toke colerasiraquiquïna, ucatsti Davidaruraquiw jupanac toke amtayäna, mä censo aptañapataquiraquiw arsuraquïna, Israel marcata, Judá marcampita.

Qullan Arunaca

¹ Tatitusti wasitatwa israelitanac toke colerasiraquiquïna, ucatsti Davidaruraquiw jupanac toke amtayäna, mä censo aptañapataquiraquiw arsuraquïna, Israel marcata, Judá marcampita.

2 Samuel 24:1 Jak'a apnaqawi uñst'ayäwi

Génesis 45:5

ukampis jichhax jan llakisipxamti, janirak jumanakpachas nayar aljapxatamat juchañchasipxamti, Diosaw jumanakat nayra khithanitu, jakañanak qhispiyañaxataki.

Génesis 50:20

Jumanakax nayar jan walinak lurañ amtapxäyätaxa, ukampis Diosaw uka jan walinak askir tukuyxi, jichhasti uk uñjaraktan: Diosax walja jaqinakan jakaskañapatakiw ukham luri.

2 Samuel 12:11

Naya, Tatituw arsta: Jumatakisti jan walt'añanak pachpa utamat sartayä, juman uñjkataw warminakamarux pachpa utamankirit maynir katuyarakï, jupasti uru qhanan uka warminakampix ikintarakini.

2 Samuel 16:10

Reyisti sänwa: —Seruiá jaqin yuqanakapa, janiw jumanakan kuna lurañanakamas utjkiti. Ñanqhachaskitpan, Tatituw juparux ukham sispacha. Ukhamächi ukasti, ¿khitiraki: kunats ukham lurta saspasti? —sasa.

2 Reyes 3:6

Ukat Joram reyix Samaria markat mistusin Israelan taqpach ejercitopar uñakipäna.

1 Crónicas 21:1

Supayax israelitanakatakiw sayt'asïna, ukaw Davidarux Israel markan jaqinakar jakthapiñ amtayäna.

1 Crónicas 7:2

Tolá chachan wawanakapa: Uzí, Refaías, Jeriel, Jahmai, Ibsam, Samuel, jupanakasti Tolá awkipan wila masinakapan jilïrinakapänwa, ukatsti jan axsarir nuwasirinakänwa. Davidan urunakapansti jupanakat saraqir wawanakapax pä tunka payan waranqa suxta patakanïnwa.

1 Crónicas 7:40

Taqi jupanakaw Aser chachat saraqir wawanakapäna. Jupanakax wila masin jilïrinaka, jan axsarir soldadonaka, wali wakiskir jaqinakänwa. Wila masitkam qillqatanakax pä tunka suxtan waranqa jaqinakänwa, nuwasiñatakis wali wakicht'atanakänwa.

2 Crónicas 32:25

Ezequías reyisti aski katuqkasas janiw yuspagarañ chuymanïkänti, jan ukasti jach'a jach'aw tuküna, ukat Tatitux jupatak q'apisïna, ukhamarak Judá, Jerusalén uka markanakatakisa.

Éxodo 7:3

Ukampis nayaw faraonarux chuymap qalarayä jan munañapataki, walja muspharkañ uñacht'äwinak Egipton lurarakï.

Ezequiel 14:9

“Mä profetatix k'ari yatiyäwinak churanixa, nayaw uka profetar ukham yatiyañapatak lurtxa, ukampis uka profetarux mutuyasin Israel markaxat chhaqtayarakï.

Ezequiel 20:25

Ukatsti jupanakarux jan askïki uka kamachinak churarakta, ukhamat jakañ jan jikxatapxañapataki.

Levítico 10:6

Ukat Moisesax Aaronampiru, Eleazar, Itamar uka yuqanakapampiruw sarakïna: —Jichhax jan ñik'utanakamsa jararasipxamti, janirak llakisiñatsa isinakam ch'iyanuqasipxamti, ukatarak jumanakamppach jiwarasipkasma, Tatitus aka markxar phiñasiñap wartasinkaspa. Wila masinakapax jachasipkpan, ukhamarak israelita jaqinakasa, Tatitux uka jaqinakar ukham nakhantayatapata.

Números 1:19

kunjämtix Tatitux Moisesar iwxkatayna ukhamarjamaw Sinaí wasaran jaqix jakthapisïna.

Hechos 4:28

Ukham lurasaw jupanakax phuqhapxi, taqi kuntix jumax lurasiñapatak nayratpach amtkatäta ukhamarjama.

2 Tesalonicenses 2:11

Ukat Diosax pantjasiñampi sallqjayasiñatak katuyi, kunatix k'arïki ukar jaysapxañapataki,

Jueces 2:14

ukat Tatitux Israel markataki q'apisïna, lunthatanakampiw jupanakan utjir yänakap aparayäna, ukatsti uka thiyanakan jakir uñisirinakapampiw tukjayarakïna, janiw jupanakax saykatañatak ch'amanïpkänti.

Jueces 2:20

Ukat Tatitux Israel markatak q'apisisin säna: “Aka jaqinakax nayra awkinakapampi lurat arust'äwirux t'unjapxiwa, janirakiw jaysañ munapkituti.

1 Samuel 26:19

Jach'a munañan rey, aka luqtirimar ist'añamatakiw achikt'assma: Tatitutix juma reyir nayar jan walt'ayañatak utt'aychi ukaxa, inach mä waxt'äwi katuqitaspa; ukampis jaqin amtäwipakïchi ukasti, Tatitux uka jaqinakar ñanqhachpan. Jichhasti Tatitun uraqipat jaqunukupxitu, ukham lurasax yaqha diosanakar luqtañaxatakiw nukt'apxitu.