2 Samuel 24:2 - Qullan Arunaca

² Uqhamasti reyejj Joab chacharuw ordenäna, jupasti reyin ejercitopan jach'a jilïriparaquïnwa; ucatsti saraquïnwa: —Jichhajj Israel oraken tribunacapjja k'alwa sarnakanïta, Dan sisqui ucqhata Beerseba sisqui ucacama ucatsti take jakenacaru censo aptaraquim, nayan yatiñajjataqui kawkha jakenacas utji uca.

Aymar Bibliia 1986

² Uqhamasti reyejj Joab chacharuw ordenäna, jupasti reyin ejercitopan jach'a jilïriparaquïnwa; ucatsti saraquïnwa: —Jichhajj Israel oraken tribunacapjja k'alwa sarnakanïta, Dan sisqui ucqhata Beerseba sisqui ucacama ucatsti take jakenacaru censo aptaraquim, nayan yatiñajjataqui kawkha jakenacas utji uca.

Qullan Arunaka DC

² Ukat reyix ejercitopan jach'a jilïripa Joab chachar säna: —Israel uraqin utjir taqpach ayllunakapar muytanim, Dan chiqata Berseba chiqakama, ukatsti markachirinakar jakthapim, qawqha jaqinakas utjatayna uk nayan yatiñaxataki —sasa.

2 Samuel 24:2 Jak'a apnaqawi uñst'ayäwi

Génesis 21:14

Khepärmanthisti Abrahamajj wali alwatwa Agar warmirojj t'ant'a churäna, mä umani lip'ichi wayakampi cuna, take ucanacsti k'epjjaruyawayaraquïnwa. Ismael wawaparu irpjjaruyasinsti esclavaparojj qhitanucjjänwa. Jupasti mistuwayjjasinjja Beerseba wasaranwa sarnakascäna, janiraquiw cawcsar sarañsa puedcänti.

2 Samuel 17:11

Jichhasti nayajj amuyt'ayirismawa take israelitanacajj tantacht'asipjjpan jumampi Dan sisqui uca chekata Beerseba sisqui uca chekacama; uca jakenacasti kota irananquiri ch'allar uñtasitawa jan jact'cayaraqui, ucatsti juma quipca nuwasiñanjja jupanacaru sarayañama.

2 Samuel 2:13

Mä toketsti Sarvia sat jaken Joab yokapajja, uqhamaraqui Davidan soldadonacapasa, Hebrón toketjja mistunipjjaraquïnwa, ucatsti jupanacampejj Gabaón estanque jac'an jiquintasipjjäna. Paypacha ejercitonacasti uñcatasi puraw waquichrantasipjjäna, mayninacajj uca uma estanquet maysana, mayninacasti maycatanaraqui.

2 Samuel 20:23

Joab chachaw Israel marcan ejercitopan jach'a jilïriparaquïnjja, Joiada jaken yokapa Benaía sata jakesti uñjirinacan jilïriparaquïnwa, uca uñjirinacasti cereteonaca, peleteonaca ucanacaraquïnwa.

2 Samuel 23:37

Selec sat Amón chekan utjiri jakempi; Beerot chekanquiri Naharai jakempi, jupasti Joab chachan yanapiriparaquïnwa, cawquïritejj Sarvia sat jaken yokapäcaraquïna ucana.

2 Samuel 24:15

Uqhamasti Tatitojj mä jach'a usu apayanïna take Israel marcaru, ucärmanthi alwat kalltasina, cunürutejj tucusiñapäcäna ucacama, uqhamasti Dan sisqui uca marcata, Beerseba marcacamasti pakallko tunca waranka jakenacaw jiwarapjjaraquitaynajja.

2 Samuel 3:10

¡Saúl reyirusti tronopjja apakaraquïwa, Davidaruraquiw Israeljjaru, uqhamaraqui Judá orakjjaru reyit utt'ayaraquï, Dan sisqui uca chekata, Beerseba sisqui uca chekcama! —sasa.

2 Samuel 8:16

Ejerciton jach'a jilïripasti Joab jakënwa, Sarvia jaken yokapa. Josafat sisqui ucasti, cawquïritejj Ahilud sisqui ucan yokapäcän ucasti reyin kellkeriparaquïnwa.

1 Crónicas 21:2

Ucatsti Davidajj Joab chacharu, uqhamarac marcan jilïrinacaparojj sänwa: —Sarapjjam, ucatsti Israel marcar jacthapinipjjam, Beerseba chekata kalltasina Dan chekacama, ucatjja yatiyapjjeta kawkhas utji ucana, uqhamat nayan yatiñajjataqui —sasa.

2 Crónicas 32:31

Cunapachatï babilonianquiri autoridadanacajj qhitanaca qhitancäna, marcan cuna lurasïwinacatejj lurascäna ucanac yatjjatiri ucqhajja, Diosajj Ezequiasarojj sapacwa jaytäna jupar yant'añataqui, uqhamarac chuyma mankhena lup'ïwipa ut'añataquiraqui.

Proverbios 29:23

Jach'a jach'a tucuñajj jakerojj jisc'aruw tucuyi, ucampis jisc'aru tucuñawa jach'ar aptatäñjja utjayi.

Jeremías 17:5

Tatitusti saraquiwa: “Maldecitäpan qhitin chuymapatejj nayat jayancqui ucajja, uqhamaraqui jakenacaru alcatasipqui ucanacasa, uca jakenacan yanapapa thakerinacasa.

2 Corintios 12:7

Uca uñachayäwinacasti wali muspharcañaraquïnwa, ucampis ucatjja jan nayan jach'a jach'a tucuñajjataquejj mä t'akhesiñwa nayajj catokta mä ch'aphir uñtata. Ucasti Supayan qhitapawa nayar t'akhesiyitu.

Jueces 20:1

Ucatsti take israelitanacajj Dan, Beerseba, Galaad sat chekanquirinacajj mayaquiw tantacht'asipjjäna Mizpa sat chekana Diosan nayrakatapana.