2 Samuel 11:1 - Qullan Arunaka DC

¹ Mä urusti, reyinakax nuwasïwir sarantapxirïkän uka urunak purinkipan, Davidax Joab chachar khithäna, jilïrinakampiru, taqpach israelita ejercitompiru, amonita jaqinakamp nuwasipxañapataki, ukampis jupax Jerusalén markan qhiparäna. Joab chachampi, taqi jaqinakapampisti, amonitanakarux tukjapxänwa, ukatsti Rabá sat marka katuntapxarakïna.

Aymar Bibliia 1986

¹ Mä cutisti, cunapachatejj reyinacajj nuwasiri mistupjjerïna ucapachaw Davidajj Joab jach'a jilïriru uqhamaraqui oficialanacampiru qhitäna, take ejercitompi, ucatsti amonitanacarojj tucjapjjänwa, uqhamarac Rabá marcarus muyuntapjjaraquïnwa. Ucampis Davidajj Jerusalenaruw khepararaquïna.

Qullan Arunaca

¹ Mä cutisti, cunapachatejj reyinacajj nuwasiri mistupjjerïna ucapachaw Davidajj Joab jach'a jilïriru uqhamaraqui oficialanacampiru qhitäna, take ejercitompi, ucatsti amonitanacarojj tucjapjjänwa, uqhamarac Rabá marcarus muyuntapjjaraquïnwa. Ucampis Davidajj Jerusalenaruw khepararaquïna.

2 Samuel 11:1 Jak'a apnaqawi uñst'ayäwi

2 Samuel 10:14

Amonita jaqinakasti, sirio jaqinakar ukham jaltxiri uñjasax, jupanakas Abisai nayraqatat jaltxapxarakïnwa, ukatsti markaruw mantxapxäna. Ukhamasti Joab chachax amonitanakampi nuwasiñ suyt'xänwa, ukat jupax Jerusalén markar kuttawayxäna.

1 Reyes 20:22

Uka qhipatsti profetax wasitatampiw Israelan reyipan ukar saräna, akham sasa: —Ejercitomar jaqinak yapxatam, lurañamäki uksti suma amuyt'ampi luram; Siria markankir reyix akat mä mararux wasitat jumamp nuwasir kutt'anini —sasa.

1 Reyes 20:26

Mä mara qhipatsti, Ben-adad reyix sirio ejercitoru uñakipasinxa, Afec chiqaruw saräna, Israelampi nuwasiñataki.

1 Crónicas 20:1

Reyinakax phanchhir urunakan nuwasirix mistupxirïna, Joab chachax soldadonakap sarañatak wakicht'äna, ukatsti amonitanakarux q'alpun tukjäna. Ukatsti Rabá markar sarasaw muyuntäna, katuntasinsti q'alpun tukjäna. Ukañkamasti Davidax Jerusalén markaruw qhiparäna.

2 Crónicas 36:10

Uka marana, phanchhiri pachan, Nabucodonosor reyix Joaquín reyir Babilonia markar katuntat apayäna. Jupa lantisti, Nabucodonosor reyix Sedequías chacharuw Judá markan reyipat utt'ayäna, jupax Joaquín reyin jilapänwa. Ukxarusti Tatitun utapan utjkäna uka jila alani yänakamp Babiloniar apasipxarakïna.

Salmos 60:9

9 (11) ¿Khitirak uyunakampi muyuntat markar irpitanisti? ¿Khitirak Edom uraqkam puriyitanisti?

Eclesiastés 3:8

Munasiñ pacha, uñisiñ pacha. Ch'axwañ pacha, sumankañ pacha.

Jeremías 49:2

“Jichhax walikiwa, Naya, Tatituw arsta: Amón uraqinkir Rabá markan nuwasiñ art'asïwi ist'añap urux purininiwa; mayjar apthapit t'unjamaw tukuni, markanakapansti ninaw nakharakini. Ukapachaw Israelax markanakap wasitat tumpasxani. Naya, Tatituw uk arsta.

Jeremías 49:3

“Hesbón marka, Ai markan t'unjatätapat jacham. ¡Rabá markankir warminaka, jach'at wararipxam! ¡Chhankha isimpi isthapisipxam, chuymanakam liq'isipxam! ¡Luqhinakar uñtat jalanaqapxam, janchinakamsti chhuxriñchjasipxarakim! Milcom diosax jaya markar apatäniwa, sacerdotenakapampi, jupan jilïr jaqinakampi chika.

Ezequiel 21:20

20 (25) Mayïr chimpusti amonitanakan Rabá sat marka tuqiruw chiqañchani, payïr chimpusti Jerusalén marka tuqiruw chiqañcharakini, Judá uraqinkir suma uyuchrantat markaru.

Amós 1:14

Ukat Rabá markan uyunakap ninampi phichkatä, jach'a utanakapasa qhillar tukuñkamaw nakhantani, ukasti nuwasiñ uruna, arnaqasiñanak taypin jach'a thaya urun lurasini.

Zacarías 14:3

Ukatsti Tatituw uka markanakamp nuwasir misturakini, kunjämatix nuwasïwi urun nuwaski ukhama.

Deuteronomio 3:11

(Og sat reyikiw refaíta sat jach'a tansa jaqinakat qhiparxäna. Ikiñapax hierrot luratänwa; sayt'urux pusi metronïnwa iranarusti pä metronïnwa. Uka ikiñasti jichhakamaw amonitanakan Rabá sat markapan utjaski.)

1 Samuel 18:30

Mä tuqitsti, kunapachatix jilïr filisteo jaqinakax nuwasir mistupkäna ukkhaxa, Davidax Saúl reyin jilïrinakapat sipansa atipjapunïnwa, Davidax wali aytata jaqiw tukurakïna.