2 Samuel 11:2 - Qullan Arunaka DC

^2-4 Mä jayp'usti, Davidax ikiñapat sartasin reyi uta terrazan sarnaqaskäna, ukatsti akatjamat mä wali suma uñnaqt'an warmir jarisiskir uñjäna. Uka warmisti ukkhakiw phaxsi wilapat q'umachasiskatayna. Davidasti uka warmit yatxatañ munasaw mayni uywatapar khithäna. Uywatasti kuttanisin yatiyxarakïnwa, uka warmin Betsabé sutinïtapa, Eliam jaqin phuchhapätapa, ukhamarak Urías sat mä hitita jaqin warmipätapa. Ukhamasti Davidax mayni jaqinak khithasin uka warmir irptayasinïna, ukatsti jupampiw ikintäna; uka qhipatsti warmix utaparuw kuttawayxäna.

Aymar Bibliia 1986

² Mä jayp'usti, Davidajj iquiñapat sartasinjj, palacio terraza patanwa sarnakascäna, ucatpachwa mä suma warmiru jarisisquiri uñjäna.

Qullan Arunaca

² Mä jayp'usti, Davidajj iquiñapat sartasinjj, palacio terraza patanwa sarnakascäna, ucatpachwa mä suma warmiru jarisisquiri uñjäna.

2 Samuel 11:2 Jak'a apnaqawi uñst'ayäwi

Génesis 12:11

Egiptor puripkän ukkhasti, Abram chachax Sarai warmiparuw säna: “Nayax juman mä suma uñnaqt'an warmïtam yatta,

Génesis 3:6

Warmisti uka quqan achupan manqt'añatakisa, yatiñanïñatakisa sumätap uñkatäna. Ukhamasti jupax mä achu apaqasin manq'antäna. Ukatsti chachaparurakiw churäna, jupasti manq'antarakïnwa.

Génesis 34:2

ukampisa juparux Jamor sat heveo jaqin Siquem sat yuqapaw uñjäna. Uka Jamor jaqisti uka chiqan mä jach'a jilïrïnwa, ukatsti munkir jan munkir jupampi ikintäna, ukhamat tawaqur jisk'achjäna.

Génesis 39:6

Ukat Potifarax jan kunatsa llakiskxänti, manq'añapatak llakisïna. Joseasti suma uñnaqt'an waynänwa, uñkatatas wali suma jaqirakïnwa,

Génesis 6:2

Diosan wawanakapasti uka warminakan jiwakïpxatap uñjapxäna. Ukat uka warminak ajllisipxäna, ukanakampiw jaqichasipxäna.

2 Samuel 13:1

Davidan wawapa, Absalón yuqapax mä kullakanïnwa, Tamar sutini, uka kullakapasti wali suma uñnaqt'an tawaqünwa. Ukhamïpansti Davidan Amnón sat mayni yuqapax, Tamar tawaqur walpun munapayatayna,

2 Samuel 14:27

Absalonax kimsa yuqall wawani, mä imill wawanïnwa, phuchhapax Tamar sutinïnwa, jupasti wali suma uñnaqt'an tawaqünwa.

2 Samuel 4:5

Beerot chiqankir Rimón chachan Baaná, Recab yuqanakapasti Is-bóset jaqin utaparuw sarapxäna, ukatsti wali lupt'ankän uka chika uruw puripxäna, Is-bosetax manq'añ tukuyasin ikt'askän ukapacha.

2 Samuel 4:7

Uta manqhar mantapkän ukkhasti Is-bóset jaqirux ikiñapan ikiskir jikxatapxäna; ukatsti mä cuchillompi purakapat chhuqhuntasaw jiwayapxäna, p'iqi apaqapxarakïna, uka qhipatsti jan khitin uñjkataw jaltawayxapxäna, p'iqi apasipxarakïna, ukatsti uka arum paqariw Arabá thakhinjam sarapxäna,

Job 31:1

Naya pachpaw chuymaxan amtasta, mä tawaqur jan uñch'ukiñataki.

Salmos 119:37

Janikiy k'ari diosanakar uñtayistati; ¡thakhiman sarañatak jakañ churita!

Proverbios 19:15

Jayrasiñax ikïk ikiyaski, jayra jaqisti manq'atjam t'aqhisini.

Proverbios 31:30

Suma uñnaqan warmix k'arikiwa, jiwakïñas inamayakiwa, Tatitur axsartir warmiw jach'ar aptkañaxa.

Proverbios 6:25

Janiy chuymaman warmin jiwakïtap layku munapayamti, ¡janirak uñtatapampis atipjayasimti!

Proverbios 7:8

Jupasti marka thakhi thiyar purisinxa, maykataruw makhati, uka warmin utap tuqiruw sari.

Jeremías 19:13

Jerusalenankir utanakasa, Judá uraqinkir reyinakan utanakapasa, kawkhantix yaqha diosanakar inciensonak luqtasipkäna, vino waxt'äwinak warapkäna uka uta patanakasa, q'añu chiqanakat uñt'atäniwa, kunjämäkitix Tófet chiqax ukhama’ ” sasa.

Mateo 10:27

Kuntix ch'amakan sapksma ukxa, uru qhanan arsupxam; jamasan sapksma uksti, uta patat arnaqapxam.

Mateo 24:17

uta patankiristi, yänakap apsusirix jan saraqanpati;

Mateo 5:28

Ukampis nayax sapxsmawa, khititix mä warmir munapayañatak uñtixa, niyaw chuymapan jupampix wachuq jucha lurxi.

Hechos 10:9

Qhipürusti, soldadompi, uywatanakampix Jope markaruw jak'achasisipkäna, ukchañkamasti Pedrox uta pata qamañawjaruw Tatitut mayisir makhatäna. Ukasti niya chika urünwa.

Deuteronomio 22:8

“Jumanakat maynitix mä machaq uta utachasini ukapachaxa, uta patarux mä pirqampiw muyuntayañapa; jan khitin uka patat jalaqtasin jiwaskañapataki; ukhamat wila masinakapan juchañchat jan uñjasiskañapataki.

Deuteronomio 5:21

“ ‘Janiw jaqi masiman warmip munapayätati. Janirakiw jaqi masiman utapsa, uraqinakapsa, uywatapsa, uywanakapsa, asnopsa, kunatix jupankki ukanaksa munapayätati.’

1 Pedro 4:7

Taqi kunan tukusiñapax jak'ankxiwa, ukatpï jumanakax wali amuyt'amp sarnaqapxañamaxa, Tatiturus mayisipxañamaxa.

1 Juan 2:16

Akapachax kuntix uñacht'ayki ukax janiw Dios Awkit jutkiti, jan ukasti akapachat sarti. Ukatsti akapachax akhamanak uñacht'ayi: janchin munañap lurañanaka, nayrampi uñtas munapayañanaka, qamir yänakat jach'a jach'a tukuñanaka.

1 Samuel 9:25

Kunapachatix qullan chiqawjat markaru saraqanxapxän ukkhasti, Saúl waynatakix uta pataruw mä ikiñ wakicht'apxäna,