2 Samuel 1:20 - Qullan Arunaka DC

²⁰ Gat chiqan jan khitirus yatiyapxamti, janirak Ascalón marka thakhinakansa parlapxamti, filistea warminakan jan kusisipxañapataki, Tatitur jan uñt'ir warminakan kusisiñat jan sink'usipkañapataki.

Aymar Bibliia 1986

²⁰ Gat sisqui uca chekansti jan yatiyapjjamti, janiraqui Ascalón callenacansa parlapjjamti, uqhamat filisteo warminacajj jan cusisipjjañapataqui, uca jan Diosar uñt'iri warminacajj jan cusisiñat sinc'upjjañapataqui.

Qullan Arunaca

²⁰ Gat sisqui uca chekansti jan yatiyapjjamti, janiraqui Ascalón callenacansa parlapjjamti, uqhamat filisteo warminacajj jan cusisipjjañapataqui, uca jan Diosar uñt'iri warminacajj jan cusisiñat sinc'upjjañapataqui.

2 Samuel 1:20 Jak'a apnaqawi uñst'ayäwi

Ezequiel 16:27

“ ‘Ukat nayax mutuysma, uraqimsa mä chikat apt'asiyaraksma, filisteonakan amparaparuw katuysma, kawkïr markanakatix jumar ukham q'añu luräwinakamat uñisipktam uka markanakaru.

Ezequiel 16:57

ñanqha lurataman janïr qhanstkipana; ukampis jichhax Edom uraqinkir markanakasa, filistea markanakasa, utam jak'ankir markanakas jan wali arunakampiw jisk'achapxtam; ¡taqpachanipuniw jisk'achapxaraktam!

Miqueas 1:10

Jan jumanakax jachapxamti, janirak Gat chiqan jakirinakarus yatiyapxamti. Usuchatäkasinsa Polvareda sat chiqan laq'anakapar juk'ampi qurumsupxam.

Jueces 11:34

Kunapachatix Jefté chachax Mispá chiqankir utapar kutt'xän ukkhasti, phuchhaw thuqt'asisa, panderetanak chhulluqt'ayasis jupar katuqir mistunïna. Jefté chachax uka sapa phuchhanikïnwa, janiw yaqha wawanakapax utjkänti,

Jueces 14:19

Ukatsti ukspachaw Tatitun ajayupax Sansonxar purïna; ukat Sansonax Ascalón chiqaru saräna, ukawjansti kimsa tunka jaqinakaruw jiwarayäna, ukanakat isinakap aparaniwayasin, ukampiw jiskt'anak chiqt'apkatayna ukanakarux arsutap phuqhäna. Uka qhipatsti wali phiñasitaw awkipan utapar kutt'xäna,

1 Samuel 14:6

Jonatanasti yanapiriparuw säna: —Jina, mäpit jawir khurkatar makhatañäni, kawkhankkitix Tatitur jan uñt'ir soldadonakax ukkharu. Inampis Tatitux mä kunsa jiwasatak luraskaspa, jupatakix janiw ch'amäkiti walja jaqimpi, jan ukax juk'a jaqimpi atipt'ayañaxa —sasa. Yanapiripax sänwa:

1 Samuel 17:26

Ukat Davidax jupa jak'ankki uka jaqinakar jiskt'arakïna: —¿Reyix kunsa churaspa aka filisteo jaqiru jiwaykaspa, israelitanakarus jan jisk'achaykaspa uka jaqiruxa? Ukhamasti, ¿khitirak Diosar jan uñt'iri uka filisteo jaqisti, jakkir Diosan ejercitopar arnaqañapatakisti? —sasa.

1 Samuel 17:36

mä leonasa jan ukax mä ososa nayar katjañ munipanxa, jawq'askamaw jiwayirïta. Tatitur jan uñt'ir aka filisteo jaqirusti uka kipkwa lurä, jupan jakkir Diosan soldadonakapar arknaqatap layku.

1 Samuel 18:6

Kunapachatix soldado tamanakax Davidan uka filisteo jaqiru jiwayxatapat kutt'anxapxän ukkhaxa, Israelan taqpach markanakapatsti, warminakaw Saúl reyir katuqirix mistunipxäna, jayllisa, kusisiñatsa panderonakampi, platillonakampi thuqt'asisaraki.

1 Samuel 31:4

Ukat Saúl reyix yanapiripar säna: —Espadam apsusim ukatsti jiwayxita, janiw Diosar jan uñt'ir jaqinakan nayar jiwayañap munkti, janirakiw nayat larusiñapsa munkti —sasa. Yanapiripasti jupar axsarasax janiw ukham lurañ munkänti. Ukat Saúl reyix jupapachaw espadap katusin uka patxar liwxattäna.

1 Samuel 6:17

Kawkïr qurit lurat phisqa ch'uphunaktix filisteonakax pantjasitapat Tatitur luqtapkäna ukanakaxa, Asdod, Gaza, Ascalón, Gat, Ecrón uka markanakatänwa,