2 Samuel 1:21 - Qullan Arunaka DC

²¹ “¡Guilboa qullunaka, jan jumanakar jallusa, sullasa purxatkpati, janirak trigosa waxt'a churañatak achpati! Atipjirinakan jark'aqasiñanakapax ukan takisit uñjasi. Saúl reyin jark'aqasiñapan k'ajatapas ukan tukusiwayxi.

Aymar Bibliia 1986

²¹ “¡Gilboa kollunaca, jumanacjjarojj jan jichhajj jallusa, ni sullasa purpati, jumanacajj jiwaña lugaräpjjatam laycu! Atipjirinacan escudopasti ucanwa taquisita uñjasiraquïnjja. Saúl reyin escudopan c'ajatapasa ucanwa tucusiwayjje.

Qullan Arunaca

²¹ “¡Gilboa kollunaca, jumanacjjarojj jan jichhajj jallusa, ni sullasa purpati, jumanacajj jiwaña lugaräpjjatam laycu! Atipjirinacan escudopasti ucanwa taquisita uñjasiraquïnjja. Saúl reyin escudopan c'ajatapasa ucanwa tucusiwayjje.

2 Samuel 1:21 Jak'a apnaqawi uñst'ayäwi

1 Crónicas 10:1

Filisteonakax Israel markaruw nuwantäna, israelitanakasti jupanakat jaltxapxänwa, ukampis Guilboa qullun jupanakarux jiwarayäna.

1 Crónicas 10:8

Qhipürusti, kunapachatix filisteonakax jiwatanakan yänakap apaqir sarapkän ukkhaxa, Saúl reyiru, yuqanakapampirux Guilboa qullun jiwarat jikxatapxäna.

Cantar de los cantares 4:4

Kunkamasti Davidan torreparuw amtayitu, k'uthat qalanakat lurata; waranqa escudonakampi k'achachata, jan axsarir jaqinakan escudonakapa.

Isaías 21:5

Manq'añawjax niya wakicht'atäxiwa, jant'akunakas jant'akt'atarakiwa, jach'a manq'äwix niya qalltxarakiwa. ¡Soldadonakan jilïripa, sayt'asipxam, jark'aqasiñanakam sum llijtayapxam!

Isaías 5:6

jan khiti tumpirin apanukurakïxa. Janiw khuchhurt'apkanisa, janirakiw qursupkanisa, quranakampi, ch'aphinakampiw chhaqtayani. Qinayanakarusti “jan uka yapunakxar jallumti” sarakïwa.

Ezequiel 31:15

“ ‘Naya, Tatituw akham arsta: Uka quqax jiwañ manqha pachar jaquntatäni ukkhasti, llakisiñatsa jach'a qutar wañt'ayäwa; jawiranaksa, jalir umanaksa wañt'ayarakïwa; jupa laykuw Líbano qullux llakt'at uñjasini, pampankir taqi quqanakas wañsuwayxarakini.

Joel 1:9

ukhamaw sacerdotenakax jachapxi, Diosan utapanxa janiw vinos, trigos Tatitur luqtañatakix utjkxiti.

Joel 2:14

Tatitux inas juchanakamat mutuyañ jan amtaskxchiniti, inas suma waxt'äwinak apayanchini: trigompi, vinompi jupar luqtäwinak churañataki.

Jueces 5:23

Tatitun angelapasti yatiyiwa: ‘¡Meroz markxaru, jaqinakapxaru jach'a ñanqhachäwi jutpan!’ sasa. Tatitun ejercitopar yanapt'ir jan jutapxatapata, ¡Tatit layku nuwasiñ jan munapxatapata!

1 Samuel 10:1

Ukhamasti Samuel profetax aceiten wayucha katusinxa, Saúl waynan p'iqipxaruw warxatäna, jamp'att'asinsti sarakïnwa: —Tatituw jichhürux Israel markan apnaqiripat jumar ajllistam. Jumaw jupanakar apnaqäta, uñisirinakapan amparapatsa qhispiyarakïta. Tatitun jumaru Israel markap apnaqañamatak ajllisitapax akhamat yatisini:

1 Samuel 31:1

Ukatsti filisteonakax israelitanakaruw tukjapxäna. Israelitanakasti jupanakan nayraqatapat jaltxapxäna, Guilboa qullunsti jiwaratanakax waljanipunïnwa.

1 Samuel 31:8

Qhipürusti, kunapachatix filisteonakax jiwatanakan yänakap aparir sarapkatayna ukkhaxa, Guilboa qullunsti Saúl reyimpiru, kimsa yuqanakapampir jiwarata jaqusiskir jikxatapxäna.