2 Samuel 1:19 - Qullan Arunaka DC

¹⁹ “¡Israel marka! ¡Juman jach'a kankañamax qullunakan t'unjat uñjasi! ¿Kunjämarak jan axsaririnakasti aynacht'apxisti?

Aymar Bibliia 1986

¹⁹ “¡Oh, Israel! ¡Juman jach'a cancañamajj kollunacan t'unjatawa! ¡Cunjämaraqui jan ajjsaririnacasti aynacht'apjjesti!

Qullan Arunaca

¹⁹ “¡Oh, Israel! ¡Juman jach'a cancañamajj kollunacan t'unjatawa! ¡Cunjämaraqui jan ajjsaririnacasti aynacht'apjjesti!

2 Samuel 1:19 Jak'a apnaqawi uñst'ayäwi

2 Samuel 1:23

“¡Saúl, Jonatán! Munat jaqinaka! Jakañansa, jiwañansa, janiw jaljtapxirïkiti. ¡Jach'a pakanakat sipan juk'amp jaltirïpxänwa! ¡Leonanakat sipan juk'amp ch'amanïpxänwa!

2 Samuel 1:25

¿Kamisarak ch'aman jaqinakasti nuwasïwin aynacht'apxisti? ¡Jonatanax qullu pataman jiwayat uñjasi!

2 Samuel 1:27

¿Kunjämarak ch'amani jaqinakasti aynacht'apxisti? ¡Nuwasiñ yänakas q'ala t'unjataw uñjasi!” sasa.

Isaías 4:2

Uka urux purinkani ukapachasti, jupanakax taqi kunan phuqt'ataw suman jakasxapxani. Markaxasti wali jach'ar tukt'asaw jakxani, kuna achunaktix uraqipax churkani taqi ukanakata. Khitinakatix Jerusalén markan qhiparapkani ukanakarusti, janiw taqinir mutuykäti, pachpa markan jakapxañapatakiw wakichä, ukatsti “Tatitun ajllit markapa” sas sutichatäpxaniwa.

Isaías 53:2

Tatituw jupan luqtiripan mä machaq alir uñtat jilañap muni, waña uraqirus saphintañap munaraki. Janiw jupax jiwakïkänti, janiw jach'äkarakïnsa, uñnaqapasti janiw munañjamäkänti;

Lamentaciones 2:1

¡Tatitun phiñasiñapax sinti jach'apuniwa, ukkha suma Jerusalén markarusti q'al ch'amakt'ayi! Israel markan sumäñapsa pampa t'unji, alaxpachat akapacharus jaquqankaspa ukhama; Phiñasiñapanxa, pachpa apnaqäwipatsa janiw amtaskiti.

Lamentaciones 5:16

¡Kunakïkan jiwasatxa! Jucha luratasat marka apnaqañsa q'al apt'astanxa.

Zacarías 11:10

Ukatsti “Walikïskaña” satäkis uka thujru katusasti p'akjaraktwa, Diosax taqi markanakampi mä arust'äwi lurkatayna ukax ukkhar tukusxatap uñacht'ayañataki.

Zacarías 11:7

Nayasti khariñatak yaqhachatäki uka ovejanak uñjañaruw uchasta, sinti t'ukha ovejanakaruw jilpach uñjarakta. Ukatsti pä thujrunak aytasta: mayarux “Walikïskaña” sasaw sutichta, mayarusti “Mayakïña” sasaw suticharakta.

1 Samuel 31:8

Qhipürusti, kunapachatix filisteonakax jiwatanakan yänakap aparir sarapkatayna ukkhaxa, Guilboa qullunsti Saúl reyimpiru, kimsa yuqanakapampir jiwarata jaqusiskir jikxatapxäna.