Sofonías 3:5 - Qullan Arunaca

⁵ Ucampisa Diosaw uca marcancasqui; jupasti cunatejj chekapäqui uc luri, janiraquiw jan walinacjja lurquiti. Sapa alwaraquiwa jan armt'asisa cheka arunacapjja arsuraqui. Ucampisa juchan phokt'ata jakejj jan p'enkaniraquiwa sarnake.

Aymar Bibliia 1986

⁵ Ucampisa Diosaw uca marcancasqui; jupasti cunatejj chekapäqui uc luri, janiraquiw jan walinacjja lurquiti. Sapa alwaraquiwa jan armt'asisa cheka arunacapjja arsuraqui. Ucampisa juchan phokt'ata jakejj jan p'enkaniraquiwa sarnake.

Qullan Arunaka DC

⁵ Ukampis Tatituw uka markankaski; luräwinakapax taqinitakis askipuniwa. Sapa qhantatiw jan armt'asis chiqa arunakap arsuraki. Ukampis juchan phuqhantat jaqixa, luratanakapat janiw p'inqasipkarakisa.

Sofonías 3:5 Jak'a apnaqawi uñst'ayäwi

Génesis 18:25

¡Janiw waquiscaspati uqham jan juchanirojja juchaninacampi chica jiwarayañamajja, panpachanis pachpa jucha lurapcaspa uqhama! ¡Jan uc luramti! Jumajj aca mundpachana jach'a juezätawa, ¿janiti chekaparu uñjcäta? —sasa.

Job 34:10

Ucampisa jumanacajja, amuyt'ani jakenacäpjjtawa, uca laycu jichhajj ist'apjjeta. ¡Take ch'amani Diosajj janiw cuna jan walsa lurcaspati, janiraquiw cunatejj jan chekapäqui ucsa lurcaspati!

Job 7:18

¿Cunataraqui juparusa sapüru uñjasctasti? ¿Ucatsti sapa cuti yant'aru uscuractasti?

Job 8:3

Take ch'amani Diosasti janipuniw cunapachasa cunatejj chekapäqui ucjja maysaru k'ewcaspati.

Salmos 145:17

Tatitojj take sarnakäwipan chekap uñjiriwa, take luräwinacapan munasiñaniwa.

Salmos 37:6

Asqui cancañamarojj willjtar uñtat khantayani, asqui sarnakatamsti chicürjam khanayani.

Salmos 92:15

Arjjatir Tatitojjan asquïtap yatiyapjjani, imasirejjan jan ñankha lurirïtap arsupjjani.

Isaías 12:6

Sionan utjasiranaca, cusisiñat arnakasipjjam, Israelan Kollan Diosapajj jumanac taypincatapata, take acapachan jach'a ch'amapampi.”

Isaías 28:19

Sapa cuti jutcan ucqhasti k'al apapjjaraquïtam. Sapa alwaw jutani, sapüruraqui, sapa jayp'uraqui, jutañap yatisaquiw jumanacajj qhathatipjjätajja.

Isaías 33:2

Tata, nanacat qhuyapt'ayasipjjeta, nanacasti jumaruquiw suyt'apjjsma. Sapa alway nanacan arjjatirejjämjja jan walt'añ horasansti khespiyapjjaraquitaya.

Isaías 45:21

Parlapjjam, arsusipjjaraquim, munapjjsta ucapachajj jumanaccamaraqui jisct'asipjjam: ¿Qhitis nayratpacha take acanac arsünjja? ¿Qhitis nayra urunacatpach yatiyänjja? sasa. ¿Janiti naya Tatitu ucanac lurctsti? Janiw yakha Diosajj nayat sipan utjquiti. Nayat sipan yakha atipjiri khespiyiriraqui Diosajj janiw utjquiti.

Isaías 50:4

Tatitojj yatichituwa karitanacaru suma arunacampi chuymachañajjataqui. Sapa khantatiw nayarojj sum kont'ayitu, uqhamat suma ist'añajjataqui.

Jeremías 3:3

Ucatwa jallus jan purcaraquitejja, awti horasasa ni jallupachasa. Yakha chachanacampi sarnaker warmir uñtata jan p'enkanïtawa. ¡Uqham sarnakatamatjja p'enkasiñamänwa!

Jeremías 6:15

¡Jumanacajj take ucanacatjja p'enkasipjjañamänwa, take cunanactejj nayajj jan muncta ucanac luratanacamatjja! Ucampisa, janiw p'enkasipquiti, ¡janiraquiw cunatejj p'enkasiñäqui ucsa yatipquiti! Ucatpï jichhajja, cunapachatejj nayajj mutuycä ucqhajja, ch'anktasipjjaniwa, mayninacjamaw liwirtapjjaraquini. Naya Tatituw, ucjja sista.”

Jeremías 8:12

¡Take cuna jan walinactejj nayajj jan muncta ucanac luratanacamatjja jumanacajj p'enkasipjjañamänwa! Ucampisa, janiw p'enkasipctati, janiraquiw yatjjapjjtati cunäquitejj p'enkasiñajj ucsa. Ucatpï cunapachatejj nayajj mutuyapcäma ucapachajj, ch'anktasipjjätawa, mayninacjamaw liwirtapjjaraquïta. Naya Tatituw ucjja arsta.’ ”

Lamentaciones 3:23

Sapärmanthiw machakar tucuraqui, ¡cunja jach'as Tatitun chekapätapajja!

Ezequiel 18:25

Jumanacajj sapjjätawa: ‘Tatitojj janiw chekaparu uñjquiti’ sasa, ucampisa ist'am Israel marca: ¿Jumanacasti amuyapjjtati nayan jan chekaparu uñjascatajja? ¿Janit jumanacaqui jan chekaparu cunanacsa lurapcta?

Ezequiel 48:35

Uca perkasti takpachajja llätunca waranka metroniraquïniwa largorojja, uca marcan sutipasti acat ucsarojja: ‘Tatituw acanqui’ sataraquïniwa.”

Oseas 14:9

Yatiñani, uqhamaraqui ch'iqhi jakenacajj aca arunacjja amuyt'apjjpan: Tatitun thaquipajj chekapawa, cheka jakenacaquiraquiw ucanjamjja sarapjje; ucampis ñankha jakenacajj uca thaquinjja liwisipjjewa.

Oseas 6:5

Ucatwa profetanac toke t'unjapjjsmajja, arunacajj tokeraqui jiwayapjjaracsmajja. Nayan cheka cancañajjasti mä khanjamaw khant'aniraqui.

Miqueas 3:11

Marcanquir juesanacasti kollke chilltayasipjjaraquejja, sacerdotenacasti kollke laycuquiraquiw yatichapjje, profetanacasti profecía arunacapjja aljapjjaraquiwa; ucatsti parlapjjaraquiwa Tatitojj jupanacampïcaspa uqhama, sapjjaraquiwa: ‘Tatituw jiwasampïsqui, janiw cuna jan walis pasquistaspati’ sasa.

Miqueas 7:9

Tatit contraw juchjja lurta, ucatracwa jichhajj colerasiñapsa amuqui muturaquëjja; uccañcamasti, jupaw nayarojj uñjaraquitani, chekaparuw uñjaraquitani. Tatitojj khanaparuw irpitani, atipjañapsti uñjayaraquitaniwa.

Habacuc 1:3

¿Cunatsa ucatak llaquisiñanaca, t'akhesiñanaca uñjayista? Nayajj t'akhesiyañanacampi, tucjañanacampi muyuntatätwa; uqhamarac quejasiñanacasa, ch'ajjwañanacasa, take chekanwa utjejja.

Sofonías 2:1

“Jumanacasti, mayaruqui tantacht'asipjjam jan p'enkan jakenaca.

Sofonías 3:13

Israel marcan jilt'iri jakenacasti janiraquiw cunatejj jan chekapäqui ucanacjja lurcjjapjjaniti, c'arisipcaraquinisa, janiraquiw engaño arunacsa parlcjjapjjaniti. Jupanacasti jan cuna ajjsarasaw mank'asipjjani, samarapjjaraquini” sasa.

Sofonías 3:15

Diosaw apaktam juchanacamat mutuyatäñjja, uqhamaraqui uñisirinacamarus jakonucuraquiwa. Israelan reyipa, Tatitu Diosaw jumanac taypincasqui; janiw cunaru ajjsarañamas utjquiti.

Sofonías 3:17

Tatitu Diosaw jumanac taypincasqui, ¡jupajj take ch'amaniwa, juparaquiw khespiyätam! Diosasti jumar uñjasinjja cusisiniwa, munasiñapampejj machaka jacañrac churätam; cusisiñapansti k'ochuraquiniwa,

Zacarías 2:5

Ucampisa naya quipcaw mä nina uyjam Jerusalenar muyuntayäjja, marca taypinracwa jach'a cancañajj uñacht'ayäjja. Naya Tatituw arstjja.’ ”

Zacarías 9:9

¡Wali cusisim, Sión marca! ¡Cusisiñat k'ochum, Jerusalén marca! Juman Reyimaw mä asnjjat jutasqui, llamp'u chuymani, mä jisc'a asno kalljjata, cawquïritejj mä qhumuñ uywan wawapäqui ucjjata.

Lucas 12:2

Janiw cuna jamasanquiris jan khanstirejj utjquiti, ni cuna imantatas jan yatisirejj utjcaraquiti.

Romanos 2:5

Wali kala chuymanïtawa, janiraquiw uca jan wali luratanacamsa apanucuñ munctati. Ucatpï jichhajj juma pachpataqui uca jan wali luräwinacjja wal montonasctajja, cunürutejj Diosan chekapar taripañ urojj purincani ucürutaqui.

Romanos 3:26

Lurasiraquiwa jiwasanacar uñacht'ayañataqui jupajj chekapätapa, jichhasti pachpaquïsquiwa qhitinacatejj Jesucristor iyawsqui ucanacar jupampïñataqui catokasinjja.

1 Corintios 4:5

Uqhamajj jumanacajj jan cunatsa mäqui juchañchapjjamti, jan ucasti suyt'apjjam Tatituru, jupaw take cunsa khanar apsuscani, cunatejj ch'amacan imantatäqui ucsa. Tatitojj take jakenacan amtatanacapsa khanaruw apsuni, ucatsti Diosajj sapakat maynirusa lurataparjamaraquiw uñjani.

Deuteronomio 23:14

Jumanacan Tatitu Diosamasti jumanac taypinwa sarnake, campamento chekana, jumanacar imañataqui uqhamata uñisirinacamar atipjayañataqui, ucat sipansa jumanacan campamento utamajj kollanäñapawa, uqhamata Diosajj jan cuna k'añunac uñjañapataqui; janitejj uqhamäcaspa ucqhajj Diosajj janiw jumanacampïcaspati.

Deuteronomio 32:4

Jupaw jiwasan arjjatirisajja; luräwipasa chekaparaquiwa, luratapasa chekaraquiwa. Jupasti chekapa Diosawa, janiw jupanjja cunatejj jan chekapäqui ucajj utjquiti, ¡jupasti chekapawa, asquiraquiwa!

1 Pedro 1:17

Jumanacajj Diosarojj “Awqui” sapjjtawa. Diosasti take jakenacarojj sapa maynirusa chekapwa uñjani, ucatpï jumanacajj Diosar ajjsarapjjañamajja aca oraken jaccasinjja.