Sofonías 3:5 - Qullan Arunaka DC

⁵ Ukampis Tatituw uka markankaski; luräwinakapax taqinitakis askipuniwa. Sapa qhantatiw jan armt'asis chiqa arunakap arsuraki. Ukampis juchan phuqhantat jaqixa, luratanakapat janiw p'inqasipkarakisa.

Aymar Bibliia 1986

⁵ Ucampisa Diosaw uca marcancasqui; jupasti cunatejj chekapäqui uc luri, janiraquiw jan walinacjja lurquiti. Sapa alwaraquiwa jan armt'asisa cheka arunacapjja arsuraqui. Ucampisa juchan phokt'ata jakejj jan p'enkaniraquiwa sarnake.

Qullan Arunaca

⁵ Ucampisa Diosaw uca marcancasqui; jupasti cunatejj chekapäqui uc luri, janiraquiw jan walinacjja lurquiti. Sapa alwaraquiwa jan armt'asisa cheka arunacapjja arsuraqui. Ucampisa juchan phokt'ata jakejj jan p'enkaniraquiwa sarnake.

Sofonías 3:5 Jak'a apnaqawi uñst'ayäwi

Génesis 18:25

¡Janiw wakiskaspati jan juchaniru, juchanimpi chika jiwarayañamaxa, panpachanis pachpa jucha lurapkaspa ukhama! ¡Jan uk luramti! Jumax aka uraqpachan jach'a taripirïtawa, ¿janit chiqapar uñjkäta? —sasa.

Job 34:10

Wali amuyt'an jaqinaka, ist'apxita: ¡Taqi ch'aman Diosax janiw kuna jan walsa lurkaspati, janirakiw kunatix jan chiqapäki uksa lurkaspati!

Job 7:18

sapür jupar uñch'ukiñamataki, jupar sapa kuti yant'añamatakisti?

Job 8:3

Taqi ch'aman Tatitux, janipuniw kunapachas kunatix chiqapäki uk maysar q'iwkiti.

Salmos 145:17

Tatitux taqi sarnaqäwipan chiqap uñjiriwa, taqi luräwinakapan munasiñaniwa.

Salmos 37:6

Aski kankañam taqinin uñjkay qhantayani, kunjämtix chika urun intix qhantki ukhama.

Salmos 92:15

15 (16) Arxatir Tatituxan askïtap yatiyapxani, imasirixan ñanqha jan lurirïtap arsupxani.

Isaías 12:6

Jerusalén markan utjasirinaka, kusisiñat arnaqasipxam, Israelan Qullan Diosapax taqi jach'a ch'amapampiw jumanak taypinki.”

Isaías 28:19

Sapa kuti jutkan ukkhasti q'al tukjapxarakïtam. Sapa qhantati, sapüru, sapa jayp'urakiw jutani, jutañap yatisakiw jumanakax khathatxapxäta.

Isaías 33:2

Tatay, nanakat khuyapt'ayasipxita, jumarukiw suyt'apxsma. Sapa qhantatiy ch'ama churapxita, jan walt'añansti yanapt'apxitaya.

Isaías 45:21

Parlapxam, arsusipxarakim, munapxsta ukapachax jumanakpura jiskt'asipxam: ¿Khitis nayratpacha taqi akanak arsünxa? ¿Khitis nayra urunakatpach yatiyänxa? ¿Janit naya Tatitu ukanak lurktxa? Janiw yaqha Diosax nayat sipan utjkiti. Nayat sipan yaqha atipjiri, qhispiyiri Diosax janiw utjkiti.

Isaías 50:4

Khitinakatix chuyma usutäpki, qaritäpki ukanakar chuymachañatakiw Tatitux yatichitu. Sapa qhantatiw nayarux sartayitu, jupan mä suma yatiqiripjama, ukhamat suma yatichäwinakap katuqañataki.

Jeremías 3:3

Ukat jallus jan purkiti awti pachansa, jallu pachansa. Yaqha chachanakampi sarnaqir warmir uñtat jan p'inqanïtawa; ¡ukham sarnaqatamat p'inqasiñamänwa!

Jeremías 6:15

¡Kuntix nayax jan munkta ukanakat p'inqasipxañapänwa! Ukampisa, janiw p'inqasipkiti, ¡janirakiw kunatix p'inqasiñäki uksa yatipkiti! Ukatpï jichhaxa, kunapachatix mutuykä ukkhaxa, ch'anqtasisaw mayninakjam liwirtapxani. Naya, Tatituw uk sista.”

Jeremías 8:12

Ñanqha axtaskañ juchanakpin lurapxtaxa, ukham luratanakamat janiw p'inqasipktati, janirakiw kunäkitix p'inqasiñax uksa yatkxapxtati. Ukatpï mutuyapxämaxa, ukatsti taqiniw t'unjatäpxäta. Naya, Tatituw uk arsta.’ ”

Lamentaciones 3:23

Sapärmanthiw machaqar tukuraki; ¡kunja jach'as Tatitun chiqapätapaxa!

Ezequiel 18:25

Jumanakax sapxätawa: ‘Tatitux janiw chiqapar uñjkiti’ sasa, ukampis ist'am Israel marka, ¿nayan jan chiqapar uñjaskataxti jumanakax amuyapxta? ¿Janit jumanakaki jan chiqapar kunanaksa lurapkta?

Ezequiel 48:35

Marka muyta pirqasti taqpachax sayt'urux llätunka waranqa metronïniwa, akat uksarusti uka markan sutipax: ‘Tatitun Utapa’ satäniwa.”

Oseas 14:9

9 (10) Yatiñani, ch'ikhi jaqinakas aka arunak amuyt'apxpan: Tatitun thakhipax chiqapawa, chiqa jaqinakakiw ukanjam sarapxi; ukampis ñanqha jaqinakax uka thakhin liwisipxiwa.

Oseas 6:5

Ukat nayax profetanak tuqi t'unjapxsmaxa, arunakax tuqiraki jiwayapxsmaxa. Nayan chiqa kankañaxasti mä qhanjamaw qhant'ani.

Miqueas 3:11

Kunatix chiqäki ukanak uñjirinakasa qullqi chilltayasipxi, sacerdotenakas qullqi laykukiw yatichapxi, profetanakasti profecía arunakapxa aljapxarakiwa; taqi akanakatxa Tatitux walikiw siskaspasa ukhama. Ukatsti sapxarakiwa: “Tatituw jiwasampïski, janiw kuna jan walis jiwasxar jutkaniti” sasa.

Miqueas 7:9

Tatit nayraqatan juch lurta, ukat q'apisiñapsa amuk muturakïxa; ukchañkamasti, jupaw nayarux uñjitani, chiqaparuw uñjarakitani. Tatitux qhanaparuw irpitani, atipjañapsti uñjayarakitaniwa.

Habacuc 1:3

¿Kunatarak ukataq llakisiñanaka, t'aqhisiñanaksa uñjayistasti? Nayax t'aqhisiyañanakampi, tukjatäñanakampi muyuntatätwa; taqi chiqansa, ch'axwañanakampi, nuwasiñanakampikiw utjaski.

Sofonías 2:1

Jan p'inqan jaqinaka, mayaruk tantacht'asipxam,

Sofonías 3:13

Israel markan jilt'iri jaqinakasti, jan wali luräwinakxa janiw lurkxapxaniti, k'arisiñsa apanukxapxaniwa, jupanakax sallqa arunaksa janiw parlkxapxaniti. Jupanakax jan kun axsarasaw manqt'asipxani, samart'apxarakini” sasa.

Sofonías 3:15

Tatituw juchanakamat mutuyatäñxa apaqtam, uñisirinakamarus jaqunukurakiwa. Israel markan Reyipa Tatituw, juma taypinkaski; janiw kunat axsarañamas utjañapäkxiti.

Sofonías 3:17

Tatit Diosamaw juma taypinkaski; ¡jupax taqi ch'amapampiw jumarux qhispiyätam! Tatitusti jumar uñjasin kusisiniwa. Munasiñapampiw machaq jakañ churätam; kusisiñapan q'uchuni,

Zacarías 2:5

5 (9) Naya kipkaw mä nina uyur uñtat Jerusalén markaxar muyuntä, marka taypinsti jach'a kankañax uñacht'ayä. Naya Tatituw uk arsta.’ ”

Zacarías 9:9

¡Sión marka, walpun kusisim! ¡Jerusalén marka, kusisiñat q'uchum! Reyimaw juman ukar jutaski, chiqa kankañani, taqi atipt'añ churiri, mä jisk'a asno qallur qunxatata.

Lucas 12:2

Janiw kuna jamasankiris jan qhanstirix utjkiti, janirakiw kuna imantatas jan yatisirix utjkiti.

Romanos 2:5

Ukampis jumax qala chuymanïtam layku, Diosar makhatañ jan munatam laykux, juma pachpaw mutuñ urutakix mutuyäwi katuqañatak wakichasisktaxa, kunapachatix Diosax chiqpach juchañchir uñstankani,

Romanos 3:26

jupan llamp'u chuymanïtap layku. Diosax jichha pachan kamisatix aski jaqir tukuykistaspa uk uñacht'ayañ munäna; ukampix jupax kunjäm askïkitix ukham askirak Jesusar iyawsirinakarux tukt'ayi.

1 Corintios 4:5

Ukhamasti, jumanakax jan kunatsa mäkix taripapxamti; Tatitun jutañap suyt'apxam, jupaw ch'amakankki uk qhanar apsuni, chuyman amtäwinakapsa qhanstayarakini. Ukatsti Diosaw sapaqat maynirux luräwipatjam jach'achaskani.

Deuteronomio 23:14

14 (15) Jumanakan Tatit Diosamax jumanak taypin campamenton sarnaqi, jumanakar imañataki, ukhamat uñisirinakamar atipjayañataki, ukhamasti, jumanakan campamentomax qullan chiqäñapawa, ukhamat jan kuna q'añunak Diosan uñjañapataki; janitix ukhamäkaspa ukasti, Diosax janiw jumanakampïkaspati.

Deuteronomio 32:4

Jupaw jiwasan arxatirisaxa; luräwinakapax jan kamskayawa, luratapas chiqaparakiwa. Jupax chiqa kankañan Diosapawa, janiw ñanqha luratapax utjkiti, ¡jupax chiqawa, askirakiwa!

1 Pedro 1:17

Jumanakatix taqi jaqinakar luräwinakaparjam taripir chiqa Diosarux “Awki” sapxstaxa, jumanakax aka uraqin jakkasax Jupar axsart'as jakapxañamawa.