Sofonías 1:13 - Qullan Arunaca

¹³ Ucatwa take yänacapas saqueyjatäni, utanacapas t'unjataraquïni. Utanaca utachasisipcaniwa, ucampis janiraquiw uca utanacan jacapcaniti. Uva alinacsa ayrusisipcaniwa, ucampisa janiraquiwa ucatjja vino umapcaniti” sasa.

Aymar Bibliia 1986

¹³ Ucatwa take yänacapas saqueyjatäni, utanacapas t'unjataraquïni. Utanaca utachasisipcaniwa, ucampis janiraquiw uca utanacan jacapcaniti. Uva alinacsa ayrusisipcaniwa, ucampisa janiraquiwa ucatjja vino umapcaniti” sasa.

Qullan Arunaka DC

¹³ Ukham jan wali amuyatanakapat taqi yänakapas aparatäpxani, utanakapas t'unjatarakïni. Utanaksa lurasipxaniwa, ukampis janiw uka utanakan jakapkaniti; uva alinaksa ayrusisipkaniwa, ukampis janiw uka uvat vino umapkaniti” sasa.

Sofonías 1:13 Jak'a apnaqawi uñst'ayäwi

Isaías 6:11

Nayasti jisct'aractwa: —¿Cunapachcamaraquïni ucasti, Tata? —sasa. Jupasti saraquituwa: —Cunapachatejj marcanacajj k'ala t'unjatäni, uca marcanacansti janiraqui mä jakes utjcaniti ucqhacamäniwa. Utanacas jan jakeni uñjasini, pampanacas ch'usa wasarar tucuyata,

Jeremías 15:13

Israel, walja jucha luratam laycusti, take imasitanacamsa, kamir cancañamsa uñisirinacamaruw catuyä, take cunanacatejj orakeman utjqui ucanacsa, jupanacaruw catuyä inaqui apasjjapjjañapataqui.

Jeremías 17:3

pampanacansa, take ucanacatjja amtasipjjewa. Juchanacam laycusti, kamir cancañamsa, imasitanacamsa lunthatsuyämawa, take orakenacamansti kollana kollunacamsa lunthatjayaraquïwa.

Jeremías 4:20

Jan walt'añanacat yatiyäwinacaw puriniraqui; take marcpachaw jichhajj t'unjataraqui. Campamentonacajjas acatjamat t'unjataw uñjasipjje, carpanacajjas k'ala t'unjatapuniwa.

Jeremías 4:7

Leonajj niyaw putupat mistuni; marcanac tucjiristi niyaw jutanti; marcapatwa mistuniwayi, marcama t'unjañataqui, wasara, k'ala t'unjatwa marcanacamjja tucuyani.

Jeremías 5:17

Jupanacasti yapunacamwa catuntasipjjani, t'ant'amsa mank'antapjjaraquini, imill wawanacamsa, yokall wawanacamsa mank'antapjjaraquiniwa, ovejanacamsa, vaca kallunacamsa mank'antapjjaniwa, uqhamaraqui uva yapunacamsa, higo yapunacamsa. Jumajj alcatascta uca jach'a perkani marcanacamsa armanacapampiw t'unjapjjani.”

Jeremías 9:11

“Jerusalén marcarojj mä kala chhajjwaruw tucuyä; kamakenacan putunacaparuw tucuyaraquï; Judá oraken marcanacsti mä wasararuw tucuyaraquï; jan jakeniw kheparjjapjjaraquini.”

Jeremías 9:19

Sionatpachwa usutat aykoñanacajj purini: “¡Cunjämaraqui aqham k'ala t'unjatäjjtansti! ¡Cunja jisc'achjatätansa! Marcassti apanucjjacchiñanïya, utanacasasti k'ala t'unjatawa.”

Lamentaciones 5:2

Take cunanacajjas jichhajj yakha jakenacan amparapancjjewa, utanacajjsa yakha jakenacaquiw catuntasjjapjje.

Ezequiel 22:31

Ucatwa nayajj mutuyäwejja apayantjja, take jupanacjjaru, colerasiñajjsti mä ninjamwa wartaniractjja, ucampiwa jupanacarojj t'unjaracta, uqhamat sarnakäwinacapat wayt'asa. Naya Tatituw ucjja arsta.’ ”

Ezequiel 7:19

Kollkenacapsa callenacaruw willtapjjani, korinacapsa k'añu t'unanacäcaspas uqhamwa wartapjjaraquini. Tatitun colerasiñapa urojj purincani uca urusti janiw koripasa ni kollkepasa jupanacarojj khespiycaniti. Uca korinacajj janiraquiw mank'at awtjata puracanacapsa phokt'caniti, uca korir munasaw ñankha lurañanacaru puripjje.

Ezequiel 7:21

Yakha marcanacatwa jakenacjja jutayaraquëjja uca korinac lunthatapjjañapataqui, sinti jan wali jakenacaw jutapjjani, jupanacasti uca korinacapjja aparapjjpan, uqhamaraqui mä k'añu yänacäcaspas uqhama uñjapjjaracpan.

Ezequiel 7:24

Nayasti wali khoru jakenacwa qhitaneraquëjja, uca jakenacasti marcanquiri utanacwa catuntasipjjani. Jach'a jilïri jakenacan jach'a jach'a tucutapasti tucusiraquiniwa; diosanacaparu yupaychañäqui ucqhanacsti taquisiyaraquïwa.

Amós 5:11

Janiw kalat lurasipcta uca suma utanacan jacapcätati, janiraquiw uca suma uva yapunac yapuchasipcta ucats vino umapcätati. Pobrenacar taquichasipjjatamata, uqhamarac trigotsa impuesto apsupjjatamampitjja.

Miqueas 3:12

Ucatpï Diosan Jerusalén marcapajj jumanacan juchanacam laycu khollinokata uñjasinejja, mayjaru willthapitaraqui, templojj cawqhancquitejj uca kollus koran korantataw uñjasini.”

Miqueas 6:15

Yapuchascätawa, ucampis janiw cosech apthapcätati; aceitunanacsa pekascätawa, ucampis janiw aceitjja apscätati; uva tacsuscätawa, ucampis janiraquiw vinjja umcätati.

Sofonías 1:9

Uqhamaraquiwa qhä urunjja mutuyaraquï cawquïri jakenacatï perka pata mantapqui, ucatsti uywiripan utapa phokt'ayapqui lunthatat yänacampi, uqhamarac sallkjañanacampi ucanacarusa” siw Tatitojja.

Deuteronomio 28:30

Mä warmimpi casarasiñataquiw parlascäta, ucampis yakha jakew parlatamampejj iquintasini; mä uta lurasïta ucampis janiraquiw ucan jacañjja puedcätati; uva yapunac yapuchasïta, ucampis janiraquiw ucatjja cunsa mank'cätati;

Deuteronomio 28:39

Uva yapunacsa yapuchascätawa sum uñjasina, ucampis janiraquiw vinopsa umcätati ni uvanacsa apthapiscätati, jan ucasti lak'onacaw take ucanacjja tucjani.

Deuteronomio 28:51

Jupanacasti uywanacaman kallunacapa, orakenacaman achunacapwa mank'antapjjaraquini jan cunan tucuyañcama; janiraquiw trigomsa, ni aceitemsa, ni vinomsa, ni vacaman, ni ovejaman kallunacapsa jilt'aycaniti, ucapachasti jumajj mank'atjamaw jiwaraquïta.