Sofonías 1:12 - Qullan Arunaca

¹² “Uca urunacanjja mä lamparampiw Jerusalén marcarojj uñaquiparaquï. Ucatsti mutuyaraquïwa cawquïri jakenacatï juchanacapan chhaktata inaqui kamasipqui, chuymanacapansti sapjjaraqui: ‘¡Janiw Diosajj walsa jan walsa lurcaniti!’ sasa.

Aymar Bibliia 1986

¹² “Uca urunacanjja mä lamparampiw Jerusalén marcarojj uñaquiparaquï. Ucatsti mutuyaraquïwa cawquïri jakenacatï juchanacapan chhaktata inaqui kamasipqui, chuymanacapansti sapjjaraqui: ‘¡Janiw Diosajj walsa jan walsa lurcaniti!’ sasa.

Qullan Arunaka DC

¹² “Uka urunakanxa, Jerusalén markarux mä qhanampi qhant'ayasaw uñakipäxa. Kawkïr jaqinakatix jucha luratanakapat jan amthapisis qamasisipki ukanakarux mutuyäwa, chuymanakapansti sapxaraki: ‘¡Janiw Tatitux walsa jan walsa lurkaniti!’ sasa.

Sofonías 1:12 Jak'a apnaqawi uñst'ayäwi

Job 21:15

¿Qhitirac take ch'amani Diosasti juparu sirviñasataquisti? ¿Cuna asquirac jicjjattansti jupa nayrakatan quillisisasti?’ sasaw parlapjjaraquejja.

Salmos 10:4

Ñankha lurir jakejj, jan p'enkanpachaw arsu: “Janiw Diosajj utjquiti, janiw qhitis luratajjat camsquitaniti” sasa. Uqhamac jupajj amuyi.

Salmos 14:1

Ñankha amuyun jakenacajj sapjjewa: “Janiw Diosajj utjquiti” sasa. Takeniw ñankha lurir tucupjje; cunayman ñankhanac lurapjje; janiw qhitis asqui lurirejj utjquiti.

Salmos 94:7

janis Tatitojj uñjcaspajj uqham amuyasipjje, janis Jacobon Diosapajj amuycaspajj uqham lup'ipjjaraqui.

Isaías 5:19

Jumanacasti sapjjaractawa: “Diosajj janc'aquiy lurañanacapjja lurpan uñjañasataqui. Israelan Kollan Diosapasti janc'aquiraqui amtäwinacapjja phokpan, uqhamat uca amtäwinacap yatiñasataqui” sasa.

Jeremías 10:5

Uca c'ari diosanacajj jamach'inacar sustjañataqui jake t'ejjetar uñtatäpjjewa, melonanac yapuchat yapunjama; janiw parlapcaspati, ucanacarusti k'epjjaruwayañaraquiwa, jan sarnakerïpjjatap laycu. Uca c'ari diosanacarojj jan ajjsarapjjamti, janiw qhitirus ñankhsa ni ascsa lurquiti.”

Jeremías 48:11

Moab marcajj sumaquipuniwa jacasiscänjja. Janipuniw cunapachas jaya marcarojj apayata uñjascänti. Mä sapa sañunquiri vinjama, cawquïri vinotejj jan mä sañut yakha sañuru waraquipatäqui, ucatsti janiraqui mojjsapasa ni k'aphipasa chhakquiti uqhama.

Ezequiel 8:12

Ucatsti saraquituwa: “¿Uñjtati cuntejj jamasan Israelanquiri jilïri jakenacajj lurapqui ucjja? ¿Sapa maynis c'ari diosanacapan t'ojjonacapanjja? Jupanacasti amuyapjjaraquiwa nayajj janis ucanaca uñjquirista uqhama, uqhamaraqui aca marcarojj apanucquiristsa uqhamwa amuyapjjaraqui” sasa.

Ezequiel 9:4

Juparojj saraquiwa: “Jerusalén marca muytam, cawquïrinacatejj aca marcan jan wali luräwinacap laycu wali llact'atäsipqui ucanacaru mä chimpu paranacaparu uscuraquim” sasa.

Ezequiel 9:9

Tatitusti ucjjarojj saraquituwa: “Israel marcan juchapajja uqhamaraqui Judá marcan juchapasa sinti jach'apuniwa. Aca orakensti jake jiwayañaw phokhantataraqui; jan wali lurañanacampi phokhantataraquiwa. Jupanacajj amuyapjjaraquiwa nayajj aca marcjja apanucjjeristsa janirac ñankha luratanacapsa uñjquiristti uqhamwa amuyapjjaraqui.

Amós 6:1

¡Ay, cunjaquïcani Sión marcan samarata jaquirinacataquejja! ¡Cunaquïcani Samaria kolluru confiata jaquirinacataquejja, marcanacan jach'a jilïrinacaparu qhitinacarutejj israelitanacajj sart'apqui ucanacaru!

Abdías 1:6

¡Cunjämsa saqueyjapjjtamjja, Esaú! ¡Imasitanacamsa k'alpun jan mayani lunthatsupjjtamjja!

Malaquías 2:17

Diosasti karitäjjew jumanacan arunacama isch'uccäwejja; jumanacasti jisqhisisipcactawa: “¿Cunaraqui jiwasasti lurtan jiwasaru isch'uccäwi karjasiñapataquisti?” sasa. Jumanacasti sapjjaractawa: “Jan wali lurir jakenacajj Diosataquejj waliquïsquiwa, jupanacarusti Diosajj suma chuymampiw uñji” sasa. Jan ucajj cunapachatejj sapcta: “¿Cawquincaraqui chekaparu uñjiri Diosasti?” sasa ucapacha.

2 Pedro 3:4

ucatsti jisct'apjjaraquiniwa: “¿Cawquirac Criston ‘Jutäw’ satapasti? Awquinacasas jiwarawayjjewa, take cunas pachpaquïscaraquisä, aca orakes utjquis ucqhatpacha” sasa.

Apocalipsis 2:23

Wawanacaparus jiwarayaraquïwa, uqhamatwa take iglesianacajj yatipjjani nayajj jaken amuyupsa, chuymapsa uñt'atajja; jumanacarusti luräwinacamarjamaraquiw sapakat mayniru churapjjäma.