Sofonías 1:14 - Qullan Arunaca

¹⁴ “Jac'anquiwa Tatitun qhä jach'a urupajja. ¡Jac'anquiwa uca urojj, janc'aquiw puriniraquini! Tatitun jutäwip urusti wali jachañ urüniwa, jach'a ch'aman jakenacas ajjsarañat wararipjjaniwa.

Aymar Bibliia 1986

¹⁴ “Jac'anquiwa Tatitun qhä jach'a urupajja. ¡Jac'anquiwa uca urojj, janc'aquiw puriniraquini! Tatitun jutäwip urusti wali jachañ urüniwa, jach'a ch'aman jakenacas ajjsarañat wararipjjaniwa.

Qullan Arunaka DC

¹⁴ ¡Tatitun jach'a urupax jak'achasisinkiwa! ¡Jak'ankiwa, jank'akiw purinini! Tatitun jutäwip urusti wali jachañ urüniwa, jan axsarir ch'aman jaqinakas axsarañat wararipxaniwa.

Sofonías 1:14 Jak'a apnaqawi uñst'ayäwi

Isaías 15:4

Hesbonas, uqhamaraqui Eleales ucanacajj yanapa mayipjje, Jahaza sisqui ucacamaw jupanacan arnakasitanacapajj ist'asi. Ucatwa Moab marcan guerrero jakenacapas ajjsarayasipjje, ajjsarañampis phokhantatäpjjaraquiwa.

Isaías 33:7

¡Ist'am, cunjämsa wali chacha tucurinacajj callen arnakasipjje, cunjämsa jachapjjaraqui sumancañ thakeri qhitatanacasa!

Isaías 66:6

Uca jach'a ch'ajjwanacajj marcat ist'asi, wali ch'ajjwanacaraquiw templotsa ist'asiraqui, uca ch'ajjwanacasti pachpa Tatitun ch'ajjwatapawa, uñisirinacaparu cunatejj waquisqui uc churasa.

Isaías 8:22

ucatsti orakeruw alintapjjaraquini, ucansti aynacht'añampi, ch'amacampicwa jicjjatapjjani, ch'iyar arum ch'amacampi llaquisiñanacampi. Take cunwa arum ch'amacajj chhaktayani. T'akhesiyat jakesti janiw jaltañataquejj ch'amanïcaniti.”

Jeremías 25:36

Awatirinacajj arnakasipjjewa; usuyasiñat arnakasipjje tama irpirinacajja, Tatitojj pastonacapa pharsuyatap laycu.

Jeremías 30:7

¡Mä ajjsarcañ uruw jac'achasini, uca urjamasti janiw yakha urojj utjquiti! Uca urusti Jacobon marcapataquejj mä llaquiscañ urüniwa, ucampisa, nayaw jupanacarojj khespiyaraquï.

Jeremías 46:5

“¿Ucampisa, cunsa uñjtjja? Wali ajjsarasaw kheparu jittapjje. Guerran nuwasiri jakenacapasti atipjataw chhuqhunucjjapjje, jan khepar uñtasaw jalsuwayjjapjje. ¡Take chekansa ajjsarañaw phokhanti! Naya Tatituw ucjja arsta.

Jeremías 48:41

Marcanacasa, suma sayt'asiña chekanacasa uñisiripan amparaparuw purini. Uca urusti Moab marcan guerrar sarir jakenacapasti partompi wararir warminacjamaw qhathatipjjani.

Ezequiel 12:23

Jichhasti jupanacarojj nayan sutejjjjaru saraquim: ‘Jichhasti janiw mayampisa uca säwejj Israel marcan utjcjjaniti’ sasa. Nayaw ucjja uqham luraraquï. Ucjjarusti saraquim: ‘Cuntejj profetanacajj unañchäwi toke uñjapcän ucanacan phokhasiñapa urunacasti niya jac'ancjjaraquiwa.

Ezequiel 30:3

Cuna urutejj niya jac'achasinqui ucatsti wali arnakasipjjam; ¡Tatitun urupajj niyaw jac'achasini! ¡Mä kenayan phokhantata urünïwa! ¡Take marcanacataquisti mä ajjsarcaña urüniwa!

Ezequiel 7:12

Horasajj purinjjewa, urusti jutjjaraquiwa. Aljasirisa janiw cunat cusisiñapas utjquiti, alasiris janiw cunat llaquisiñapas utjcaraquiti. Israel marcan jach'a jach'a tucutapatsti mutuyaraquïwa.

Ezequiel 7:16

Yakhepanacajj, palomanacar uñtatas kollu tokenacaru jaltapcchini ucasa, takeniw juchanacap laycu jiwarapjjani.

Joel 1:15

¡Ay cunaquïcani, Tatitun urupajj jac'achasinjjewa! ¡Ajjsarcañ uruwa, take ch'amani Diosasti t'unjatäñaswa apaniraqui!

Joel 2:1

“Sión kollunsti trompet phust'apjjam; Tatitun kollan kollupansti toct'asin jawsthapipjjam jakenacarojja. Take jumanacasti Judá marcan utjirinaca qhathatipjjam, Tatitun urupajj jac'ancjjatap laycu;

Joel 2:11

Tatitusti, ejercitop nayrakatanjja jach'a arupwa ist'asiyaraqui. Ejercitopasti waljaniwa, jan jact'cayaraquiwa jupan arsutap phokherinacajja. ¡Cunja jach'asa, ajjsarcañaraquis Tatitun urupajja! Janiw qhitis jupa nayrakatanjja sayt'ascaspati.

Joel 2:31

Intejj ch'amact'aniwa, phajjsis wilaw tucuraquini, janïra Tatitun urupajj purincan ucqhajja, uca urusti jach'a urüniwa, ajjsarcañaraqui.

Joel 3:14

Walja jakenacaw Decisión sat vallenjja tantacht'ata, Tatitun urupasti jac'ancaraquiwa,

Joel 3:16

Cunapachatejj Tatitojj jach'a arupa Sión kolluna, uqhamarac Jerusalenan ist'asiyi ucqhajja, alajjpachas, acapachas qhathatiwa. Ucampis Tatitojj israelitanacan arjjatiripawa, jupanacajj marcapäpjjatap laycu.

Amós 8:2

Jupasti jisct'araquituwa: —¿Amós, cuns uñjtajja? —sasa. —Mä canastan pokorat achunaca —saractwa. Tatitusti saraquituwa: —Israel marcajj pokoratäjjewa; janipuniw mayampsa perdoncjjeristti.

Sofonías 1:10

Aqham siw Tatitojja: “Qhä urunjja yanapa mayisa warariñanacaw ist'asini Chawlla Puncu satäquis ucatpacha. Jakesti maysäjja marcatpach art'asini, kollunacasti wali ajjsarcañaraquiw allthaptapjjani.

Sofonías 1:7

“¡Amuct'apjjam Dios nayrakatana, Tatitun urupawa jac'achasini! Ucatsti Diosaraquiwa mä sacrificio waquichi jupan arquirinacaparu.

Malaquías 4:5

“Jumanacasti uñjapjjam, nayasti Elías profetaruw qhitanipjjäma janïra Diosan urupa jutquipana, cawquïri urutï wali jach'äni, uqhamarac wali ajjsarcayäni.

Hechos 2:20

Intis ch'amact'aniwa, phajjsis wilaruw tucuni, janïr taripañ uru purinquipanjja. Ucürojj mä jach'a cusiscañ c'ajquir urüniwa.

Filipenses 4:5

Suma chuymanïpjjatamajj take jakenacan uñt'atäpan. Tatitojja jac'anquiwa.

1 Tesalonicenses 4:16

Tatit pachpawa alajjpachat sarakanini, arcangelan art'ataparu, Diosan trompetap phust'ataparu. Cristor iyawsasa jiwirinacajja nayrakatwa jactapjjani;

Hebreos 12:26

Qhä tiemponjj Diosan arupajj orak qhathatiyäna, ucampis jichhajj siwa: “Mä cutimpiw qhathatiyäjja, janiw orakecti jan ucasti alajjpachamppacha” sasa.

Santiago 5:9

Jilatanaca, janirac jumanaccamajja jan walinacsa parlasipjjamti, Tatitun jan juchañchatäscañataqui. Diosasti, qhititejj taripcani ucajj jac'ancjjewa.

2 Pedro 2:3

Kollker sinti chuyma churatäpjjatap laycojja c'ari yatichäwinacampejj jumanacatjja k'alwa take cunsa apsupjjätam, ucampis jupanacarojj t'unjatäñaquiw suyt'jje, nayratpacha juchañchatäpjjaraquiwa.