Proverbios 13:12 - Qullan Arunaca

¹² Cuna suyt'äwinacatejj jan phokhascjje ucasti chuyma usuyasiñaquiwa, ucampis munatasarjam phokhasi ucajj jacañ kokjamawa.

Aymar Bibliia 1986

¹² Cuna suyt'äwinacatejj jan phokhascjje ucasti chuyma usuyasiñaquiwa, ucampis munatasarjam phokhasi ucajj jacañ kokjamawa.

Qullan Arunaka DC

¹² Suyatäki ukan jan phuqhasitapaxa, chuymaruw llakisiyi, munatasarjam phuqhasitapasti jakañ quqjamawa.

Proverbios 13:12 Jak'a apnaqawi uñst'ayäwi

Génesis 46:30

Ucat Israelajj Josearojj saraquïna: —Jichhajj jumar nayrajjampi uñcatasajja, uqhamarac jacasquir jumar jicjjatatajj laycojja, ¡puedjjtwa jiwjjascañjja! —sasa.

Nehemías 2:2

Ucatsti nayarojj jisct'araquituwa: —¿Cunatsa wali llaquista? Nayajj wali llaquitwa uñcatsma. Jumajj janiraquiw usutjamäctasa, cuna jan walt'añawa utjpachätamjja —sasa. Wali ajjsaräyäta ucapachajja,

Salmos 143:7

Tatay, mayisitajjarojj janc'aquiy ist'am, samanajjajj tucstañampïsquiwa. Janiquiy ajanum maysar uñtamti, uqhamäspa ucajja, jiwatanacar uñtatïristwa.

Salmos 17:15

Nayasti cusisitaw jicjjatasï; ajanuy ajanu jumar uñcatasina, uñatatcä ucapach nayrakataman jicjjatasisina.

Salmos 69:3

Arnakascäwejj ch'ama thayjtatätwa, mallk'as chhajantjjetuwa; Diosajjar uñch'uccäwejj nayrajjas juyqhuptatäjjewa.

Proverbios 11:30

Cheka cancañajj jacañwa churi, ñankha lurañasti jacañjja apakewa.

Proverbios 13:11

Mäqui jicjjatata kamir cancañajj, mäquiwa tucusjje, ucampis qhititejj juc'at juc'ata jicjjatquejja, ucawa juc'ampi jiljjatayi.

Proverbios 13:13

Qhititejj yatichäwiru jisc'achcani ucajja, t'akhesiniwa, ucampis qhititejj camachi arunacaru ist'cani ucajja, churäwi catokani.

Proverbios 13:19

Amtäwiru phokherïñajja cusisiñawa; jan amuyt'an jakenacasti, janiw jan walinacat jithektañ munapquiti.

Proverbios 3:18

Yatiñ cancañajj jicjjatiripataquejj jacañawa; ¡cusisiñaniwa uca yatiña catjjäsipqui ucanacajja!

Cantar de los cantares 5:8

Jerusalenanquir warminaca, arsupjjeta phokhañataqui, munatajjarutejj uñjapjjäta ucqhajja aqham sapjjam: —Munasiñat jiwirjamäsquiwa —sasa.

Juan 16:22

Uca pachparaquiw jumanacajj jichhajj llaquisipjjta; ucampis nayajj wasitampiw cutt'anis uñjapjjäma, ucqhawa jumanacajj wal chuymanacaman cusisipjjäta, uca cusisiñsti janiw qhitis apakapcätamti.

Apocalipsis 2:7

Qhititejj ist'añ munqui ucajj ist'pan cuntejj Kollan Ajayojj iglesianacar sisqui ucjja: Qhitinacatejj atipjcani ucanacajj Diosan marcapan utjquis uca jacañ churir kokatwa mank'apjjani.’

Apocalipsis 22:2

Uca marcan jach'a callepansti purap jawira uñcatasinjja mä kokaw jilaraquïna. Uca kokasti jacañ churiri kokänwa, tunca payani cutiraquiw maranjja achüna. Sapa phajjsiwa achüna, laphinacapasti marcanacan kollasiñapataquiw willirtaraquïna.