Proverbios 13:13 - Qullan Arunaca

¹³ Qhititejj yatichäwiru jisc'achcani ucajja, t'akhesiniwa, ucampis qhititejj camachi arunacaru ist'cani ucajja, churäwi catokani.

Aymar Bibliia 1986

¹³ Qhititejj yatichäwiru jisc'achcani ucajja, t'akhesiniwa, ucampis qhititejj camachi arunacaru ist'cani ucajja, churäwi catokani.

Qullan Arunaka DC

¹³ Yatichäwir jisk'achir jaqix, t'aqhisiniwa, kamachi arunakar ist'ir jaqisti, churäwi katuqani.

Proverbios 13:13 Jak'a apnaqawi uñst'ayäwi

2 Crónicas 36:16

Ucampis jupanacajj larusipjjänwa Diosan qhitanacapatjja, yatiyäwinacapjja jisc'achapjjänwa, uqhamarac profetanacapatsa sawcasipjjäna, Tatitun colerapajj marcapataqui tucusjjänwa, khespiyasiajj janiw cunjämatsa utjcjjänti.

Esdras 10:3

Jichhasti nanacajj arsusipjjäwa uca yakha marcanquir warminacajjaru qhithanucjjañataqui, wawanacapamppacharu, ucatsti phokhatäpan leyejja, cunjämatï jumasa, uqhamarac qhitinacatejj Tatitun camachi arunacapa phokhapqui nanacar amuyt'ayasa ucarjama.

Salmos 115:13

Tatitur iyawsirinacarojj asquinac churani, jisc'arusa, jach'arusa.

Salmos 119:165

Arunacam munirinacajj suman jacasipjje, janiw cunas jupanacarojj tincuyquiti.

Salmos 19:11

Ucatpï uywatamajj arunacam sum yatjjatejja, arunacam imañajj asquinac jicjjatañawa.

Salmos 19:12

¿Qhitirac pantasitanacap yatisti? Tatay, imantat juchanacajjat k'omachjjeta,

Éxodo 9:20

Faraonan yakhep sirvirinacapajja Tatitun arunacapar iyawsas ajjsarasinjja, uywanacapjja utaruw apantasjjapjjäna, uqhamarac uywata sirvirinacaparusa janiw utat mistuyapcänti.

Proverbios 1:25

Jan ucasti suma ewjja arunacajj-jja jisc'achapjjtawa, janiraquiw ewjja arunacajj-jja catokañ munapctati.

Proverbios 13:12

Cuna suyt'äwinacatejj jan phokhascjje ucasti chuyma usuyasiñaquiwa, ucampis munatasarjam phokhasi ucajj jacañ kokjamawa.

Proverbios 13:21

Jucharar jakenacajja jan walt'añampi arcnakatäpjjewa, ucampis asqui jakenacajja asquinacwa catokapjjani.

Proverbios 16:20

Qhititejj Diosan arunacapar ist'i ucajja, cusisiñwa jicjjatani; ¡cusisiñaniwa Tatitur iyawsir jakejja!

Proverbios 19:16

Tatitun camachi arunacapa imirejj jacañapwa imasisqui, ucampis Tatitun yatichäwi arunacaparu jisc'achirejja jiwaniwa.

Isaías 66:2

¡Take acanacjja nayaw amparajjampi lurta, uqhamatwa utjañjja kalltapjjaraqui! Naya Tatituw ucjja arsta. “Cawquïr jaktejj nayajj uñtascta ucajj qhititejj pobre, llact'ata sarnakqui, arunacajjsa suma ist'caraqui, phokcaraqui ucawa.

Jeremías 43:2

ucapachaw Osaiasan Azarías sat yokapajja, Carea jaken Johanán yokapasa, yakha jach'a jach'a tucuri jakenacampejj Jeremiasarojj sapjjäna: “¡Cuntejj jumajj parlcta uca arunacajj c'ariwa!. Tatitu Diosasasti janiw jumarojj sisctamti nanacaru ‘Jan Egiptor sarapjjamti’ sañamataquejja.

Ezequiel 20:13

Ucampisa jupanacajj wasara tokenjja naya tokew sayt'asjjapjji, leyinacajjarusti janiraquiw jaysapquisa; cuna camachi arunactejj nayajj jupanacaru churcäyät ucanacsa apanucupjjaraquiwa, jupanacasti uca camachi arunacar phokhasajj jacañwa catokapjjasapänjja, uqhamaraqui samaraña urojjsa k'alwa taquisipjjaraqui. Ucatwa nayajj jupanacjjaru colerajj wartaniñ munayäta, pachpa wasaran jupanacar tucjañataqui.

Ezequiel 20:16

Jupanacasti camachi arunacajj-jja apanucupjjewa, leyinacajjarus janiw ist'apcaraquiti, samarañ urunacajjsa ñankhachapjjaraquiwa, chuymanacapanjja yakha diosanacan khepap arcañacpun munasipqui.

Ezequiel 20:24

jan camachi arunacajjar phokhapjjatap laycu, uqhamaraqui leyinacajjsa apanucupjjatapata, samarañ urunacajjsti taquisipjjaraquïnwa, awquinacapan c'ari diosanacap uñcatataquïsipcaraquïnwa.

Malaquías 3:16

(Cawquïri jakenacatï Diosaru ajjsartasa sarnakapcän ucanacajj jupanaccamaw parlasipjjäna, Diosasti cuntejj parlapcäna ucanacjja sumwa ist'araquïna, Diosan nayrakatapansti mä libroruw kellkasïna cawquïri jakenacatï Diosaru ajjsarapcäna, uqhamaraqui jupatsa jan armasipcaraquïna ucanacajja.)

Números 15:31

Jupasti nayan arunacajj jisc'achi, janiraquiw arsutanacajjsa phokquiti uca laycu, jupajj jakonucutäniwa, juchapsti uñt'asiraquiniwa.”

Mateo 5:12

Cusisitaqui jacasipjjam, jumanacasti alajjpach marcanjja churäwinac catokapjjäta. Uqhamaracwa nayra profetanacarojj uñisipjjerïna, qhitinacatejj jumanacat nayrakata jacawayapjjäna ucanacarojja.

Lucas 16:31

Abrahamasti saraquïnwa: ‘Janitejj Moisesampiru profetanacampirojj ist'añ munapcchejja, janiraquiw iyawsapcaniti, jiwatanacat maynejj jacatatcchini ucasa’ ” sasa.

2 Juan 1:8

Wal amuyasipjjam jumanacpacha, irnakatanacamajj jan chhakañapataqui, jan ucasti Diosan phokhat pagop catokapjjañamataqui.