Proverbios 13:12 - Qullan Arunaka DC

¹² Suyatäki ukan jan phuqhasitapaxa, chuymaruw llakisiyi, munatasarjam phuqhasitapasti jakañ quqjamawa.

Aymar Bibliia 1986

¹² Cuna suyt'äwinacatejj jan phokhascjje ucasti chuyma usuyasiñaquiwa, ucampis munatasarjam phokhasi ucajj jacañ kokjamawa.

Qullan Arunaca

¹² Cuna suyt'äwinacatejj jan phokhascjje ucasti chuyma usuyasiñaquiwa, ucampis munatasarjam phokhasi ucajj jacañ kokjamawa.

Proverbios 13:12 Jak'a apnaqawi uñst'ayäwi

Génesis 46:30

Ukat Jacobux Josear säna: —Jichhax nayraxampiw uñkatsma, jakaskatam yatxarakta. ¡Jichhakuchapï jiwxiristxa! —sasa.

Nehemías 2:2

ukat jiskt'arakitu: —¿Kunats llakista? Wali llakit uñkatsma. Janirakiw usutjamäktasa, kuna jan walt'añaw utjpachätam —sasa. Ukkhasti wal axsaräyäta,

Salmos 143:7

Tatay, ¡mayisitaxarux jank'akiy ist'am, samanaxax tukstañampïskiwa! Janikiy nayatak maysa uñtamti, jan ukax jiwatar uñtatïristwa.

Salmos 17:15

Nayasti kusisitaw jikxatasï; ajanuy ajanu jumar uñkatasina, ¡uñatatkä ukkhax nayraqataman jikxatasisina!

Salmos 69:3

3 (4) Arnaqaskäwix q'ala chhajantatätwa, mallq'as walipuniw usxitu; ¡Diosaxar uñch'ukkäwix nayraxas juykhuptatäxiwa!

Proverbios 11:30

Chiqa kankañax jakañ churi, ñanqha lurañasti jakañ apaqi.

Proverbios 13:11

Mäki jikxatat qamir yänakax, mäkiw tukusxi, juk'at juk'at jikxatir jaqisti qamiriptiwa.

Proverbios 13:13

Yatichäwir jisk'achir jaqix, t'aqhisiniwa, kamachi arunakar ist'ir jaqisti, churäwi katuqani.

Proverbios 13:19

Amtäwiru phuqhirïñaxa kusisiñawa. Jan amuyt'asir jaqinakasti janiw jan walinakat jithiqtañ munapkiti.

Proverbios 3:18

Yatiñ kankañ jikxatiritakix ukax jakañawa; ¡yatiñ kankañ katxäsirinakasti kusisiñaniwa!

Cantar de los cantares 5:8

Jerusalenankir warminaka, achikt'asipxsmawa, munasitaxar uñjapxät ukkhax jupar sapxam: —Munasiñat jiwirjamäskiwa —sasa.

Juan 16:22

Jichhasti jumanakax llakisipxtawa; ukampis nayax wasitat jumanakar uñjapxäma ukapachasti, chuymanakamax kusisiniwa, janirakiw khitis uka kusisiñ apaqapkätamti.

Apocalipsis 2:7

¡Khititix jinchunïki ukax, ist'pan kuntix Tatitun Ajayupax iglesianakar siski uka! Jan walt'añanakar atipjirirusti, Diosan suma markapan utjki uka jakañ churir quqan achupat manq'ayä’ sasa.

Apocalipsis 22:2

umanakapasti markan jach'a thakhip taypi sarakipäna. Purap jawir thiyan quqanakaw utjarakïna; sapa phaxsi achur quqanakänwa, maran tunka payan kuti achur quqanaka. Achunakapax wiñay jakañ chuririwa, laphinakapasti akapach markanakan usunakap qulliriwa.