Números 19:22 - Qullan Arunaca

²² Take cuntejj k'añu jakejj llamct'cani ucajj k'añuchatäniwa, cawquïritejj mä k'añu jaquir llamct'cani, ucasti k'añuchataraquiw jayp'ucam uñjasini.”

Aymar Bibliia 1986

²² Take cuntejj k'añu jakejj llamct'cani ucajj k'añuchatäniwa, cawquïritejj mä k'añu jaquir llamct'cani, ucasti k'añuchataraquiw jayp'ucam uñjasini.”

Qullan Arunaka DC

²² Taqi kunarutix q'añuchat jaqix llamkt'kan ukasti, q'añuchataw tukuni, q'añuchat jaqir llamkt'iristi, jayp'ukamaw q'añuchat uñjasini.”

Números 19:22 Jak'a apnaqawi uñst'ayäwi

Levítico 15:1

Tatitusti Moisesampiru, Aaronampiruw parläna; aqham saraquïnwa:

Levítico 15:10

“Cawquïri jaketejj uca jatha aywiyir jaken mä cuna kont'atapjjarusa llamct'ani ucasti k'añut uñt'atapunïniwa jayp'thapiñapcamajja.

Levítico 15:11

“Cawquïri jatha aywiyiri usut jaketejj amparapa jan jarekasisa yakha jakeru llamct'ani, uca llamct'at jakejja isipjja t'ajjsokasjjañapawa, jupa pachpas jarekasiñaparaquiwa, ucampis k'añut uñt'atäniwa jayp'thapiñapcamajja.

Levítico 15:21

“Cawquïritejj uca phajjsi wilani warmin iquiñapa llamct'ani ucasti isinacapjja t'ajjsokasjjañapawa, uqhamaraqui jupa quipcasa jarekasjjañaparaquiwa, ucatsti jayp'ucama k'añut uñt'ataquipunïscaniwa.

Levítico 15:22

“Cawquïritejj uca warmina mä cuna konjjatatapjjarusa llamct'ani ucasti isipjja t'ajjsokasjjañapawa jupa quipcasa jarekasjjañaparaquiwa, ucampisa jayp'ucamajja k'añut uñt'ataquipunïscaniwa.

Levítico 15:23

Uca warmin iquiñapsa jan ucajj mä cunapsa maynejj llamct'ani, ucasti k'añut uñt'ataquipunïscaniwa, jayp'thapcama.

Levítico 15:27

“Cawquïritejj uca yänaca llamct'ani ucasti k'añut uñt'atäniwa. Isipjja t'ajjsokasjjañapawa, uqhamarac jupa quipcasa jarekasjjañaparaquiwa, ucampisa jayp'ucamajja k'añut uñt'ataquipunïscaniwa.

Levítico 15:5

“Cawquïritejj uca jaken iquiñapa llamct'ani ucasti, isipa t'ajjsokasjjañapawa, uqhamarac jupa quipcasa jarekasjjañaparaquiwa, ucampisa jayp'ucama k'añut uñt'ataquïscaniwa.

Levítico 15:6

“Cawquïri jaketejj uca aywiyiri jaken konuñaparu kont'ani ucasti, isipjja t'ajjsokasjjañapawa, uqhamarac jupa quipcasa jarekasjjañaparaquiwa, ucampisa jayp'ucama k'añuquipuniw uñjasiscani.

Levítico 15:7

“Cawquïritejj uca jatha aywiyiri jakeru llamct'ani ucasti isipjja t'ajjsokasjjañaparaquiwa, ucatsti jupa quipcasa jarekasjjañaparaquiwa, ucampisa k'añut uñt'ataquipunïscaniwa jayp'thapiñapcamajja.

Levítico 15:8

“Uca jatha aywiyiri usut jaketejj mayni k'oma jakeru thusjjatani, uca jakesti isinacapjja t'ajjsokasjjañapawa, uqhamarac jupa quipcasa jarekasjjañaparaquiwa, ucampisa k'añut uñt'ataquipunïscaniwa jayp'thapiñapcamajja.

Levítico 22:5

jan ucajj mä catari casta animal llamct'asasa k'añuchasini, jan ucajj mayni jakesa k'añücasina mayni jake masiparu llamct'asina k'añu tucuyaraquini,

Levítico 22:6

uca jakesti jayp'ucama k'añuw uñjasini, janiraquiwa kollana yänacatjja mank'añapäquiti janitejj umampi jarekascani ucapachajja.

Levítico 5:2

“Maynitejj cuna k'añsa llamct'ani, mä jiwat k'añu uywa, uywañ uywäpasa, jan ucajj jan uywañ uywäpasa, jan ucajj k'añu asirüpasa, uqham llamct'atapampejj k'añuchataw uñjasjjani, ucatsti janisay amuyascpa, juchañchataraquïniwa.

Levítico 5:3

“Maynitejj jaken cuna k'añupsa llamct'anejja, cuna k'añuchiripsa, janisa ucapachajj amuyascpa, ucat khepata amuyasjjani ucapachasti juchañchataw uñjasini.

Levítico 7:19

“Cawquïri aychatejj mä cuna k'añu yänacampisa jac'achasiyatänejja, ucajj janiw mank'atäñapäquiti, jan ucasti ninaru naqhantayatäjjañapawa. Take qhitinacatejj k'omachatäqui ucanacaw aychjja mank'apjjaraquini.

Levítico 7:21

“Cawquïri jaketejj mä cuna k'añunacsa llamct'ani, mä jaken k'añupäpasa, jan ucajj mä uywan k'añupäpasa, jan ucajj cawquïri ajjtascaña yänacäpasa, ucat uca sumancthapiñataqui loktat aycha mank'araquini ucasti jakenac taypitjja apanucutäjjaniwa, uca aychajj Tatituncatap laycu.”

Hageo 2:13

Ucatsti Hageojj sascaquïnwa: “Sañäni, mayni jakejj amaya llamct'i, ucat k'añuchasi, ucatsti sarasinjja cawquïri aca yänacsa llamct'araqui, ¿jichhajj ucanacajj llamct'ata laycojja k'añuti tucuraqui? Sacerdotenacasti ‘Jïsa’ sapjjaraquïnwa.

Números 19:7

Ucatsti sacerdotejj isipa t'ajjsusini, uqhamaraquiw janchipsa jarekasini, take ucanac lurasasti campamentorojj mantjjaraquiniwa, ucampisa janiw k'omachatäquiti jayp'ucamajja.