Números 19:22 - Qullan Arunaka DC

²² Taqi kunarutix q'añuchat jaqix llamkt'kan ukasti, q'añuchataw tukuni, q'añuchat jaqir llamkt'iristi, jayp'ukamaw q'añuchat uñjasini.”

Aymar Bibliia 1986

²² Take cuntejj k'añu jakejj llamct'cani ucajj k'añuchatäniwa, cawquïritejj mä k'añu jaquir llamct'cani, ucasti k'añuchataraquiw jayp'ucam uñjasini.”

Qullan Arunaca

²² Take cuntejj k'añu jakejj llamct'cani ucajj k'añuchatäniwa, cawquïritejj mä k'añu jaquir llamct'cani, ucasti k'añuchataraquiw jayp'ucam uñjasini.”

Números 19:22 Jak'a apnaqawi uñst'ayäwi

Levítico 15:1

Tatitusti Moisesampiru, Aaronampiruw akham sarakïna:

Levítico 15:10

“Khititix uka jathap aywiyir usut jaqin mä kuna qunt'atapxarus llamkt'kani, jan ukax uka yänaksa aptawaykani ukax, isip t'axsuqasxañapawa, jupa kipkas jariqasxañaparakiwa, ukampis jayp'thapiñapkamax q'añut uñt'atakïskaniwa.

Levítico 15:11

“Uka usut jaqitix amparap jan jariqasis yaqha jaqir llamkt'kani, uka llamkt'at jaqisti isip t'axsuqasxañapawa, jupa kipkas jariqasxañaparakiwa, ukampis jayp'thapiñapkamax q'añut uñt'atakipunïskaniwa.

Levítico 15:21

“Khititix uka phaxsi wilan warmin ikiñap llamkt'kani uka jaqix isip t'axsuqasxañapawa, jupa kipkas jariqasxañaparakiwa, ukatsti jayp'thapiñapkamax q'añut uñt'atakipunïskaniwa.

Levítico 15:22

“Khititix uka warmin mä kunar qunxatatapxarus llamkt'kani ukasti, isip t'axsuqasxañapawa, jupa kipkas jariqasxañaparakiwa, ukatsti jayp'thapiñapkamax q'añut uñt'atakipunïskaniwa.

Levítico 15:23

Uka warmin ikiñapsa jan ukax mä kunapsa maynix llamkt'kani ukkhax jayp'thapiñapkamax q'añut uñt'atakipunïskaniwa.

Levítico 15:27

“Khititix uka yänak llamkt'kani ukasti q'añut uñt'atäxaniwa. Isip t'axsuqasxañapawa, jupa kipkas jariqasxañaparakiwa, ukatsti jayp'ukamax q'añut uñt'atakipunïskaniwa.

Levítico 15:5

“Khititix uka jaqin ikiñap llamkt'kani ukasti, isip t'axsuqasxañapawa, jupa kipkas jariqasxañaparakiwa, ukampis jayp'ukamax q'añut uñt'atakïskaniwa.

Levítico 15:6

“Khititix uka usut jaqin qunuñapar qunt'kani ukasti, isip t'axsuqasxañapawa, jupa kipkas jariqasxañaparakiwa, ukampis jayp'ukamax q'añut uñt'atakïskaniwa.

Levítico 15:7

“Khititix uka usut jaqir llamkt'kani ukasti, isip t'axsuqasxañapäniwa, jupa kipkas jariqasxañapawa, ukampis jayp'thapiñapkamax q'añut uñt'atakipunïskaniwa.

Levítico 15:8

“Jathap aywiyir usut jaqitix mayni q'uma jaqir thuskatani ukasti, uka jaqix isip t'axsuqasxañapawa, jupa kipkas jariqasxañaparakiwa, ukampis jayp'thapiñapkamax q'añut uñt'atakipunïskaniwa.

Levítico 22:5

mä katarir llamkt'asas q'añuchasini, mayni jaqisa q'añükasin mayni jaqi masipar llamkt'asin q'añu tukuyani,

Levítico 22:6

uka jaqisti jayp'ukamax q'añuw uñjasini, janirakiw qullana yänakatsa manq'añapäkaniti janitix umampi jariqaskani ukapachaxa.

Levítico 5:2

“Maynitix kuna q'añsa llamkt'ani, mä jiwat q'añu uywa, uywañ uywäpasa, jan ukax jan uywañ uywäpasa, jan ukax q'añu asirüpasa, ukham llamkt'atapampix q'añuchataw uñjasini, janisay amuyaskpan, ukampis juchañchatäniwa.

Levítico 5:3

“Maynitix jan amuyaskasin jaqin kuna q'añuchatapsa llamkt'anixa, uka qhipat amuyasxani ukapachax juchañchataw uñjasini.

Levítico 7:19

“Kawkïr aychatix mä kuna q'añumpi jak'achasiyatänixa, uka aychax janiw manq'atäñapäkiti, jan ukasti ninar nakhantayatäñapawa. “Taqi khitinakatix q'umachatäki ukanakaw aychxa manq'apxarakini.

Levítico 7:21

“Kawkïri jaqitix mä kuna q'añunaksa llamkt'ani, mä jaqin q'añupäpasa, mä uywan q'añupäpasa, jan ukax kawkïr axtaskay yänakäpasa, ukat Tatitunkki uka sumankthapiñatak wilañcha luqtat aycha manq'kani ukasti, markap taypit apanukutäxaniwa.”

Hageo 2:13

Hageo profetasti saskakïnwa: “Sañäni, maynitix amaya llamkt'asin q'añuchasispa, ukatsti uka yänakaru llamkt'aspa ukaxa, ¿llamkt'at laykuti uka yänakax q'añu tukurakispasti?” Sacerdotenakasti —Jïsa —sapxarakïnwa.

Números 19:7

ukatsti sacerdotex isip t'axsusxani, janchipsa umampiw jariqasxani, ukat campamentorux mantxani, ukampis jayp'ukamaw q'añuchat uñjasini.