Nahúm 1:3 - Qullan Arunaca

³ Dios Tatitojj wali llamp'u chuymaniwa, ucampis wali ch'amaniraquiwa, juchanirusti juchapjja uñt'asiyapuniniwa. Tatitojj jach'a ajjsarcañ thayanac patan sarnake, kenayanacasti cayunacapan polvonacapawa.

Aymar Bibliia 1986

³ Dios Tatitojj wali llamp'u chuymaniwa, ucampis wali ch'amaniraquiwa, juchanirusti juchapjja uñt'asiyapuniniwa. Tatitojj jach'a ajjsarcañ thayanac patan sarnake, kenayanacasti cayunacapan polvonacapawa.

Qullan Arunaka DC

³ Dios Tatitux wali llamp'u chuymaniwa, ukampis wali ch'amanirakiwa, juchanirus juchapxa uñt'asiyapuniniwa. Tatitux jach'a axsarkañ thayanak patan sarnaqi, qinayanakasti kayunakapan laq'a sartayatapawa.

Nahúm 1:3 Jak'a apnaqawi uñst'ayäwi

2 Samuel 22:10

Alajjpach jist'arasin sarakanïna, cayunacap mankhäjjansti, ch'iyär juri kenayanacaw utjäna:

Nehemías 9:17

Janiw jupanacajj ist'aña munapcänti, ni cuna jach'a luräwinactejj jupanac laycu lurcta ucsa amtañ munapcänti. Jupanacajj chuymanacapa kalarayasisajja mä jilïrwa ajllisipjjäna Egiptoru wastatampi esclavöñaru irpañapataqui. Ucampis jumajj juchanac pampachasiri Diosätawa, mä suma qhuyapayasiriraqui, c'achaquiraqui colerasiñataqui, uqhamarac wali munasiriraqui, ucatjja janiw jaytanucctati jupanacarojja.

Job 10:14

juchjja lurtti janicha ucwa uñch'uquisincaraquistästajja, uqhamat nayaru juchañchañataqui.

Job 38:1

Uqhamasti Tatitojj Job chacharojj mä jach'a thaya taypitwa parläna:

Job 9:4

Diosajj jach'awa ch'amanïñansa, uqhamaraqui yatiñ cancañansa; ¿qhitirac Dios nayrakatanjja sayt'asispa, ucatsti jan cunaqui mistjjaraquispasti?

Salmos 103:8

Tatitojj munasiriwa, qhuyapayasiriwa, janiw mäc k'apisirïquiti, qhuyapayasiñan phokhantatawa.

Salmos 104:3

Jumaw utjäwimarojj umanacjjar utt'aytajja; kenayanacajj juman sarnakañ carronacawa, thayan chhekhanacapjjan sarnakaractajja.

Salmos 145:8

Tatitojj munasiriwa, qhuyapayasiriraquiwa, k'apisiñapajj c'achhaquiwa, munasiñapasti jilarquiriwa.

Salmos 147:5

Diosasajj jach'a ch'amanipuniwa, yatiñ cancañapajj jan tucusquiriwa.

Salmos 50:3

Diosasajj jutasquiwa, janiw amuc jutquiti: naqhantir ninaw nayrakatapanjam jutasqui, jach'a tutucamp muyuntataw jutascaraqui.

Salmos 62:11

Diosan arsutap ist'ta, jupan arsut arup yatta: “Diosajj ch'amaniwa, ch'amasa, munasiñas jupanquiwa, jupaw sapa maynirojj lurataparjam wajjt'i” sasa.

Salmos 66:3

Diosarojj sapjjam: “Luratanacamajj muspharcañapuniwa, timanacamajj jach'a ch'amam laycuw nayrakataman ajjsarañat tincurapjje.

Isaías 19:1

Egipto marca toke profecía arunaca: “Tatitur uñtapjjam, Egiptoruw jutasqui mä jaliri kenayar lat'jjatata. Jupa nayrakatansti Egipton diosanacapajj qhathatipjjewa, Egiptonquir jakenacasti wal ajjsarapjjaraqui.

Isaías 66:15

Tatitusti nina taypinjam purini, carronacapasti mä tutuca thayar uñtataraquiwa; colerasiñapasti ninjamaw purinini, mutuyäwipasti akquir ninjamaraquiw naqhani.

Jeremías 4:13

“Uñtapjjam, uñisirinacajj mä kenayjamaw jutanti, nuwasiñ carronacapasti mä jach'a thayjamaw jutantapjje, caballonacapasti jach'a jamach'inacat sipansa juc'ampi jalapjje. ¡Cunaquïcan jiwasataquejja, jichhajj k'ala tucusitätanwa!

Daniel (hebreo) 7:13

“Nayajj uca unañchäwinacjja arumajj uñjascaquïyätwa. Ucat acatjamat uñjta: “Kenayanac taypin jutasquiri mayniru uñjta jaken yokapäcaspas uqhama, jupasti, cawqhantejj kont'atäcän uca chuymani Jilïri jakejj ucaruw sararaquïna, juparuw jac'achayapjjaraquïna.

Oseas 8:7

Jupanacajj thaya yapuchapjje, ucatsti jach'a tutucanacwa apthapipjjaraquini: janiw cuna yapunacapas utjcaniti yawthapiñataquejja, janiraquiw jac'sa trigo puyanacatjja apsupcaniti; apsupcan ucasa, yakha marcanquiri jakenacaquiw mank'apjjani.

Joel 2:13

¡Jumanacasti Tatitu Diosamar cuttjjapjjam, isinacama ch'iyanokcamayjja, chuymanacamaya ch'iyanokapjjamjja! Tatitojj munasiriwa, qhuyapayasiriraquiwa, paciencia chuymaniwa, munasiñapas jach'araquiwa; cuna mutuyäwetejj utjqui ucsa, jiwasatjja jayar apanucjjañataquisa.

Jonás 4:2

Ucatsti, oracionapanjja Tatitumpiw parläna aqham sasa: — Uñtam, Tata, nayajj cunapachatï orakejjancascäyäta ucqhajj aqham pasañapjja yatipuniyätwa. Ucatwa Tarsis marcaru jaltjjayätjja, ucampis nayajj yattwa jumajj qhuyapayasiri Diosätama, janirac janc'a colerasirïtamsa, wali munasiñanïtam laycojja; mä mutuyäwi apayaniñataquisa yatiycta ucasa amthapisjjtawa uca mutuyäwejj jan lurasjjañapataqui.

Zacarías 9:14

Tatituw marcapjjaru uñacht'ayasinejja; flechanacapsti rayonacjam antutt'araquini. Dios Tatituw trompeta toct'anejja, aynach jach'a thayamp chicaw sarantaraquinejja.

Números 14:18

“Janiw janc'aqui colerasirïcti, wali jach'aw qhuyapayasiñajjajja, uqhamarac perdonaractwa ñankhanacsa, naya contra sayt'asiñanacsa, janiraquiw juchanirojj jan mutuyata jaytcaractti jan ucasti mutuyaractawa awquinacapan juchanacapatjja wawanacapan wawanacaparu” sasa.

Mateo 26:64

Jesusasti saraquïnwa: —Jïsa nayätwa, cunjämtejj jumajj sisctas ucajja. Sapjjaracsmawa, uñjapjjaraquïtawa Jaken Yokaparojj ch'aman Diosan cupëjjapan kont'atäsquiri, uqhamarac alajjpachat kenayjjan sarakasinquiri.

Santiago 1:19

Ucatpï munat jilatanaca, sapa maynis jumanacatjja janc'aquïñapaw ist'añataqui, ucampis janiw janc'aqui cunsa parlañapäquiti ni colerasiñapäcaraquisa.

Apocalipsis 1:7

¡Uñtapjjam, Tatitojj kenay patanjam jutasqui! Takeniw uñjapjjani. Jupar chhojjriñchirinacas uñjapjjaraquiniwa. Take marcanacasti jupar uñjasajj wal jachapjjani. Jïsa, uqhampunïscaniwa.